പെട്രോളും ഡീസലും ജി.എസ്​.ടി പരിധിയിലാക്കുന്നതിനെ അനുകൂലിച്ച്‌​ 77 ശതമാനം ജനങ്ങളും -സര്‍വേ റിപ്പോര്‍ട്ട്​

ന്യൂഡല്‍ഹി: രാജ്യത്തെ ഇന്ധനവില റെക്കോഡ്​ ഉയരങ്ങള്‍ കീഴടക്കുമ്പോള്‍ പെട്രോളും ഡീസലും ചരക്കുസേവന നികുതിയില്‍ ഉള്‍പ്പെടുത്തുന്നതിനെ അനുകൂലിച്ച്‌​​ 77 ശതമാനം ജനങ്ങളും. കൊറോണ വൈറസിന്‍റെ രണ്ടാംവ്യാപനം കെട്ടടങ്ങി​യതോടെ കമ്യൂണിറ്റി സോഷ്യല്‍ മീഡിയ പ്ലാറ്റ്​ഫോമായ ലോക്കല്‍ സര്‍ക്കിള്‍സ്​ നടത്തിയ സര്‍വേയിലാണ്​ പെട്രോളും ഡീസലും ജി.എസ്​.ടിയുടെ പരിധിയില്‍ ഉള്‍പ്പെടുത്തുന്നതിനെ അനുകൂലിച്ച്‌​ ഭൂരിപക്ഷം പേരും രംഗത്തെത്തിയത്.

പെട്രോള്‍ -ഡീസല്‍ വില ജി.എസ്​.ടി പരിധിയില്‍ ഉള്‍പ്പെടുത്തിയാല്‍ ജീവിതനിലവാരം ഉയരുമെന്നാണ്​ ഭൂരിപക്ഷത്തിന്‍റെയും അഭിപ്രായം. പെട്രോളിനും ഡീസലിനും 28ശതമാനം ജി.എസ്​.ടി ഏര്‍പ്പെടുത്തിയാല്‍ ഇവയുടെ വില യഥാക്രമം 75രൂപയായും 70 രൂപയായും കുറയും. വര്‍ധിച്ച ഉപ​േഭാക്ത്യ ചെലവ്​ സമ്ബദ്​വ്യവസ്ഥക്കും ബിസിനസുകള്‍ക്കും നേട്ടമുണ്ടാക്കും. എന്നാല്‍ കേന്ദ്ര, സംസ്ഥാനങ്ങള്‍ക്ക്​ ചെറിയ കാലയളവില്‍ വരുമാന നഷ്​ടം നേരിട്ടേക്കാം -സര്‍വേയില്‍ പറയുന്നു.

രാജ്യത്തെ 379 ജില്ലകളില്‍നിന്നായി 7500പേരാണ്​ സര്‍വേയില്‍ പ​െങ്കടുത്തത്​. ഇതില്‍ 61 ശതമാനം പുരുഷന്‍മാരും 39 ശതമാനം സ്​ത്രീകളുമായിരുന്നു.

ഉയര്‍ന്ന പെട്രോള്‍ -ഡീസല്‍ വിലയെ നേരിടാന്‍ ചെലവ്​ വെട്ടിക്കുറച്ചതായി 51 ശതമാനം പേരും അഭിപ്രായപ്പെട്ടു. 21 ശതമാനം അവശ്യസാധന ചെലവുകള്‍ വെട്ടിക്കുറക്കുകയും കടുത്ത ദാരിദ്ര്യം അനുഭവിക്കുകയും ചെയ്യുന്നുവെന്നും 14 ശതമാനംപേര്‍ തങ്ങള​ുടെ സമ്ബാദ്യത്തില്‍ ഇടിവ്​ വന്നതായും അഭിപ്രായപ്പെട്ടു.

ജി.എസ്​.ടി കൗണ്‍സല്‍ യോഗം വെള്ളിയാഴ്ച നടക്കാനിരിക്കേയാണ്​ സര്‍വേ റിപ്പോര്‍ട്ട്​ പുറത്തുവിട്ടിരിക്കുന്നത്​. എണ്ണവില കുത്തനെ ഉയരുന്ന സാഹചര്യത്തില്‍ പെട്രോള്‍, ഡീസല്‍, പെ​ട്രോളിയം ഉല്‍പ്പന്നങ്ങള്‍ ജി.എസ്​.ടി പരിധിയില്‍ ഉള്‍പ്പെടുത്താനാണ്​ കേന്ദ്രത്തിന്‍റെ നീക്കമെന്ന റിപ്പോര്‍ട്ടുകള്‍ പുറത്തുവന്നിരുന്നു. എന്നാല്‍ കേരളമടക്കമുള്ള സംസ്​ഥാനങ്ങള്‍ പെട്രോള്‍ -ഡീസല്‍ ജി.എസ്​.ടി പരിധിയില്‍ ഉള്‍പ്പെടുത്തുന്നതില്‍ എതിര്‍പ്പ്​ അറിയിച്ചിരുന്നു. കുത്തനെ വരുമാന നഷ്​ടമുണ്ടാകുമെന്നാണ്​ സംസ്​ഥാനങ്ങളുടെ വിലയിരുത്തല്‍.

അതേസമയം യു.പി ഉള്‍പ്പെടെയുള്ള സംസ്​ഥാനങ്ങളില്‍ തെരഞ്ഞെടുപ്പ്​ അടുത്തതോടെയാണ്​ പെട്രോളും ഡീസലും ജി.എസ്​.ടി പരിധിയില്‍ ഉള്‍പ്പെടുത്താന്‍ കേന്ദ്രം തയാറാവുന്നതെന്നാണ്​ ഉയരുന്ന വിമര്‍ശനം. പെട്രോള്‍ ലിറ്ററിന്​ നൂറുരൂപയിലധികമാണ്​ മിക്ക സംസ്​ഥാനങ്ങളിലെയും വില. ഡീസല്‍ 90കടക്കുകയും ചെയ്​തിരുന്നു.