ആലപ്പുഴ മെഡിക്കല്‍ കോളേജില്‍ ഗുരുതരവീഴ്​ച; ജീവിച്ചിരിക്കുന്ന കോവിഡ്​ രോഗി മരിച്ചെന്ന്​ ബന്ധുക്കളെ അറിയിച്ചു

അമ്പലപ്പുഴ: ആലപ്പുഴ മെഡിക്കല്‍ കോളേജ് ആശുപത്രിയില്‍ കോവിഡില്‍ ചികിത്സയില്‍ വീണ്ടും ഗുരുതരവീഴ്​ച. മരിച്ചരോഗിയുടെ മൃതദേഹം മാറിനല്‍കിയ വിവാദം കെട്ടടങ്ങി മണിക്കൂറുകള്‍ കഴിഞ്ഞപ്പോള്‍ ജീവിച്ചിരിക്കുന്ന കോവിഡ്​ ബാധിതനായ രോഗി മരിച്ചെന്ന്​ ബന്ധുക്കള്‍ക്ക്​ വിവരം നല്‍കിയതാണ്​ പുതിയസംഭവം.

വെള്ളിയാഴ്​ച രാത്രിയാണ് ചികിത്സയിലിരിക്കുന്ന കോവിഡ്​ രോഗി മരിച്ചെന്ന് ബന്ധുക്കള്‍ക്ക് മെഡിക്കല്‍കോളേജില്‍നിന്ന് അറിയിപ്പ് ലഭിച്ചത്. ഇതനുസരിച്ച്‌​ ആംബുലന്‍സുമായി മൃതദേഹം ഏറ്റുവാങ്ങാനെത്തിയപ്പോഴാണ്​ അധികൃതര്‍ മരിച്ചെന്ന്​ വിധിയെഴുതിയാള്‍ മരിച്ചിട്ടി​െല്ലന്ന്​ ബോധ്യമായത്​.

കായംകുളം ഭരണിക്കാവ് കോയിക്കല്‍ മീനത്തേതില്‍ രമണന്‍ (47) മരിച്ചുവെന്നാണ്​ വണ്ടാനം മെഡിക്കല്‍ കോളേജ്​ ആശുപത്രിയില്‍ നിന്ന് ബന്ധുക്കളെ വിവരമറിയിച്ചത്. കോവിഡ് ബാധിതനായ രമണനെ കഴിഞ്ഞ 29നാണ് വണ്ടാനം ആശുപത്രിയിലെത്തിച്ചത്. നില വഷളായതോടെ ​െവന്‍റിലേറ്ററി​േലക്ക്​ മാറ്റിയിരന്നു. ഇതിനിടെ, വെള്ളിയാഴ്ച വൈകിട്ടാണ് ഇദ്ദേഹം മരിച്ചുവെന്ന് ബന്ധുക്കളെ വിവരമറിയിക്കുന്നത്.

തുടര്‍ന്ന് മൃതദേഹം കൊണ്ടുപോകാനായി ശനിയാഴ്ച രാവിലെ 10ന് ആംബുലന്‍സുമായെത്തിയപ്പോഴാണ് ഇദ്ദേഹം മരിച്ചിട്ടില്ലെന്ന് അറിയുന്നത്. രമണന്‍ മരിച്ചുവെന്ന് ആശുപത്രി അധികൃതര്‍ നല്‍കിയ വിവരമനുസരിച്ച്‌ വീട്ടില്‍ സംസ്കാരത്തിനായി ഒര​ുക്കള്‍ പൂര്‍ത്തിയാക്കിയതിനൊപ്പം ആദരാജ്ഞലി പോസ്​റ്ററുകളും അടിച്ചതായി ബന്ധു സുജിത് പറഞ്ഞു. വെള്ളിയാഴ്ച കായംകുളം കൃഷ്ണപുരം സ്വദേശി രമണന്‍ കോവിഡ് ബാധിച്ച്‌ മരിച്ചിരുന്നു.

മേല്‍വിലാസം തെറ്റി ചികിത്സയില്‍ കഴിയുന്ന രമണ​െന്‍റ ബന്ധുക്കളെ അറിയച്ചതാണെന്നാണ്​ അധികൃതര്‍ നല്‍കുന്നവിശദീകരണം. രോഗിയുടെ ബന്ധുക്കള്‍ മൃതദേഹം ഏറ്റുവാങ്ങാനുള്ള നടപടിക്രമങ്ങള്‍ പൂര്‍ത്തിയാക്കിയശേഷമാണ്​ ആളുമാറിയ വിവരം ജീവനക്കാര്‍ അറിയുന്നത്.