ശ്രീനഗറില്‍ ഭീകരാക്രമണം; സിആര്‍പിഎഫ് ജവാന്‍ ഉള്‍പ്പെടെ മൂന്ന് പേര്‍ക്ക് പരിക്ക്

ശ്രീനഗര്‍: ജമ്മു കശ്മീരില്‍ ഭീകരരുടെ ആക്രമണത്തില്‍ സിആര്‍പിഎഫ് ജവാനുള്‍പ്പെടെ മൂന്ന് പേര്‍ക്ക് പരിക്കേറ്റു. ചനാപോരയില്‍ സുരക്ഷ സേനയ്‌ക്ക് നേരെയുണ്ടായ അക്രമണത്തിലാണ് പരിക്ക്. സൈന്യത്തിന്റെ റോഡ് ഓപ്പണിങ്ങ് പാര്‍ട്ടിക്കിടെ ഒരു അജ്ഞാത ഭീകരന്‍ ഗ്രനേഡാക്രമണം നടത്തുകയായിരുന്നു. സംഭവത്തില്‍ സുരക്ഷാ സേന അന്വേഷണം ആരംഭിച്ചു. ജിതേന്ദര്‍ കുമാര്‍ യാദവ് എന്ന ഉദ്യോഗസ്ഥനാണ് പരിക്കേറ്റത്. കാലിനും കൈകള്‍ക്കും പരിക്കേറ്റ അദ്ദേഹത്തെ ആശുപത്രിയില്‍ പ്രവേശിപ്പിച്ചു. ആരോഗ്യ നില തൃപ്തികരമെന്ന് അധികൃതര്‍ അറിയിച്ചു.