അഫ്​ഗാന്‍ മണ്ണ്​ ഭീകരതക്ക്​ ഉപയോഗിക്കരുത്​ -ബ്രിക്​സ്​

ന്യൂഡല്‍ഹി: മറ്റ്​ രാജ്യങ്ങള്‍ക്കെതിരായ ഭീകരാക്രമണങ്ങള്‍ക്ക്​ അഫ്​ഗാന്‍ മണ്ണ്​ ദുരുപയോഗിക്കരുതെന്ന മുന്നറിയിപ്പുമായി ബ്രിക്​സ്​ ഉച്ചകോടി. പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ ചേര്‍ന്ന അഞ്ചു രാഷ്​ട്രങ്ങളുടെ ഓണ്‍ലൈന്‍ ഉച്ചകോടിയിലാണ്​ ഭീകരവാദത്തിനെതിരായ ചെറുത്തുനില്‍പ്പിനുള്ള ആഹ്വാനം. അതിര്‍ത്തി കടന്നുള്ള നുഴഞ്ഞുകയറ്റവും അതിര്‍ത്തി പ്രദേശങ്ങളില്‍ സംഘര്‍ഷമുണ്ടാക്കാനുള്ള നീക്കവുമെല്ലാം ഭീകരവാദമാണെന്ന്​ മോദി വ്യക്​തമാക്കി.

ഭീകരതക്കെതിരായ കര്‍മപദ്ധതിക്ക്​ ബ്രിക്​സ്​ രാജ്യങ്ങളുടെ   ഉച്ചകോടി രൂപംനല്‍കിയതായി മോദി പറഞ്ഞു. റഷ്യന്‍ പ്രസിഡന്‍റ്​ വ്ലാദ്​മിര്‍ പുട്ടിന്‍, ചൈനീസ്​ പ്രസിഡന്‍റ്​ à´·à´¿ ജിന്‍പിങ്​, ദക്ഷിണാഫ്രിക്കന്‍ പ്രസിഡന്‍റ്​ സിറിള്‍ റമഫോസ, ബ്രസീല്‍ പ്രസിഡന്‍റ്​ ജെയ്​ര്‍ ബോള്‍സനാരോ എന്നിവരും​ സമ്മേളനത്തില്‍ പ​ങ്കെടുത്തു.

à´ˆ രാജ്യങ്ങളുടെ കൂട്ടായ്​മയാണ്​ ബ്രിക്​സ്​. ആഗോളജനസംഖ്യയുടെ 41 ശതമാനവും, ആഗോളതലത്തിലുള്ള മൊത്തം ആഭ്യന്തര ഉല്‍പാദനത്തിന്റെ 24 ശതമാനവും ആഗോളവ്യാപാരത്തിന്റെ  16 ശതമാനവും കൈയാളുന്ന കൂട്ടായ്​മയാണിത്​.

ബ്രിക്​സിന്റെ 15ാം വാര്‍ഷികത്തില്‍ സമ്മേളനത്തിന്​ അധ്യക്ഷത വഹിക്കാന്‍ ഇന്ത്യക്ക്​ കഴിഞ്ഞതില്‍ സന്തോഷമുണ്ടെന്ന്​ മോദി പറഞ്ഞു. നിരവധി നേട്ടങ്ങളാണ്​ ബ്രിക്​സിന്​ ഇതുവരെ നേടാന്‍ കഴിഞ്ഞത്​. ലോക സാമ്പത്തിക മേഖലയില്‍ നിര്‍ണായകമായ പങ്കാണ്​ ബ്രിക്​സിനുള്ളത്​. വിവിധ കാര്യങ്ങളില്‍ ഇതാദ്യമായി ബ്രിക്​സിന്​ കൂട്ടായ നിലപാട്​ സ്വീകരിക്കാന്‍ കഴിഞ്ഞെന്നും അടുത്ത 15 വര്‍ഷത്തില്‍ കൂടുതല്‍ ഉല്‍പാദനക്ഷമത ഉറപ്പുവരുത്താന്‍ കഴിയണമെന്നും പ്രധാനമന്ത്രി പറഞ്ഞു.