വിയറ്റ്​നാം ലോക്​ഡൗണിലായതോടെ​ 'കാപ്പി കുടിക്കാനാവാതെ' ലോകം

ഹാനോയ്​: കോവിഡ്​ കേസുകള്‍ കുത്തനെ ഉയര്‍ന്ന്​ വിയറ്റ്​നാം ലോക്​ഡൗണില്‍ കുരുങ്ങിയതിന്​ പണി കിട്ടിയത്​ ചില രാജ്യങ്ങള്‍ക്ക്​. ലോകത്തെ ഏറ്റവും വലിയ രണ്ടാമത്തെ കാപ്പി കയറ്റുമതി രാജ്യമായ വിയറ്റ്​നാമില്‍ ലോക്​ഡൗണിനെ തുടര്‍ന്ന്​ കാപ്പി കയറ്റുമതി നിലച്ചതാണ്​ വില്ലനായത്​.
ഹോചി മിന്‍ സിറ്റി തുറമുഖം അടച്ചിട്ടതിന്​ പുറമെ കാപി ഉല്‍പാദക മേഖലകളിലും നിയന്ത്രണങ്ങള്‍ വരുത്തിയിട്ടുണ്ട്​. ഇതോ​െട കാപ്പിക്കുരുക്കള്‍ കയറ്റി അയക്കല്‍ നിലച്ച മട്ടാണ്​. ഇതാണ്​ മറ്റു രാജ്യങ്ങളെ കുരുക്കിയത്​. യൂറോപിലെ ​കാപി ഇറക്കുമതിയു​െട 20 ശതമാനവും വിയറ്റ്​നാമില്‍നിന്നാണ്​. ലോകത്തെ ഏറ്റവും വലിയ കാപ്പി ഉല്‍പാദകരായ ബ്രസീലില്‍ കാലാവസ്​ഥ വില്ലനായത്​ അവിടെനിന്നുള്ള കയറ്റുമതിയെയും ബാധിച്ചിട്ടുണ്ട്​. കൂടുതല്‍ ചവര്‍പ്പുള്ള കടുത്ത ഇനം റോബസ്റ്റ കാപ്പിയാണ്​ വിയറ്റ്​നാമിന്‍റെ സംഭാവന. എസ്​​പ്രസോ, ഇന്‍സ്റ്റന്‍റ്​ കോഫി ഇനങ്ങളില്‍ ഇവ ഹിറ്റാണ്​. വിയറ്റ്​നാം പണിമുടക്കിയതോടെ കാപ്പിക്ക്​ ആഗോള വിപണിയില്‍ വില കൂടിയിട്ടുണ്ട്​. കോവിഡ്​ ഒന്നാം തരംഗം സമാനമായ നിയന്ത്രണങ്ങള്‍ വഴി വിയറ്റ്​നാം വരുതിയിലാക്കിയിരുന്നു. വീണ്ടും വിപണി കരുത്തുനേടിവരുന്നതിനിടെയാണ്​ വില്ലന്‍വേഷം കെട്ടി കോവിഡ്​ രണ്ടാം തരംഗം ശക്​തിയാര്‍ജിച്ചത്​. തിങ്കളാഴ്ച മാത്രം 14,219 പേര്‍ക്കാണ്​ കോവിഡ്​ വന്നത്​. കാപ്പിക്കച്ചവടത്തിനൊപ്പം നിര്‍മാണ മേഖലകളും രാജ്യത്ത്​ പ്രതിസന്ധിയിലാണ്​. സാംസങ്​, ​ൈനകി, അഡിഡാസ്​ ഉള്‍പ്പെടെ കമ്ബനികളുടെ ഫാക്​ടറികള്‍ ഇവിടെ പ്രവര്‍ത്തിക്കുന്നുണ്ട്​.