'വിദ്വേഷ രാഷ്​ട്രീയത്തില്‍ മനംമടുത്തു';ബംഗാളില്‍ ബി.ജെ.പി എം.എല്‍.എ തൃണമൂലില്‍ ചേര്‍ന്നു

പശ്ചിമബംഗാള്‍: ബിഷ്​ണുപുരില്‍ നിന്നുള്ള ബി.ജെ.പി എം.എല്‍.എ തന്മയ്​ ഘോഷ്​ തൃണമൂല്‍ കോണ്‍ഗ്രസില്‍ ചേര്‍ന്നു. തിങ്കളാഴ്​ച ടി.എം.സി നേതാവ്​ ബ്രാത്യ ബസുവി​െന്‍റ സാന്നിധ്യത്തിലായിരുന്നു പാര്‍ട്ടി പ്രവേശനം.'ബിജെപി പ്രതികാര രാഷ്ട്രീയത്തി​െന്‍റ വക്​താക്കളാണ്​. കേന്ദ്ര ഏജന്‍സികളെ ഉപയോഗിച്ച്‌ പശ്​ചിമ ബംഗാളിലെ ജനങ്ങളുടെ അവകാശങ്ങള്‍ തട്ടിയെടുക്കാന്‍ അവര്‍ ശ്രമിക്കുന്നു. ജന ക്ഷേമത്തിനായി മുഖ്യമന്ത്രി മമതാ ബാനര്‍ജിയെ പിന്തുണയ്ക്കാന്‍ ഞാന്‍ എല്ലാ രാഷ്ട്രീയക്കാരോടും അഭ്യര്‍ഥിക്കുന്നു'-ടി‌എം‌സിയില്‍ ചേര്‍ന്ന ഉടന്‍, ഘോഷ് ബിജെപി ഭരിക്കുന്ന കേന്ദ്രത്തെ ലക്ഷ്യമിട്ട് പറഞ്ഞു.

പശ്ചിമബംഗാളിലെ ജനങ്ങള്‍ക്കായുള്ള മുഖ്യമന്ത്രി മമതാ ബാനര്‍ജിയുടെ വികസന പ്രവര്‍ത്തനങ്ങളാണ് ഘോഷിന് പ്രചോദനമായതെന്ന് തൃണമൂല്‍ കോണ്‍ഗ്രസ്​ അവകാശപ്പെട്ടു.'ബംഗാളിലെ ജനങ്ങള്‍ക്കായി മമത നടത്തുന്ന വികസന പ്രവര്‍ത്തനങ്ങളില്‍ നിന്ന് പ്രചോദനം ഉള്‍ക്കൊണ്ട് ബിഷ്​ണുപുരില്‍ നിന്നുള്ള ബി.ജെ.പി എം.എല്‍.എ തന്മയ് ഘോഷ് തൃണമൂല്‍ കുടുംബത്തില്‍ ചേര്‍ന്നു. ഞങ്ങള്‍ അദ്ദേഹത്തെ ഹൃദ്യമായി സ്വാഗതം ചെയ്യുന്നു'-ടി.എം.സി ഒൗദ്യോഗിക അകൗണ്ടില്‍നിന്ന്​ ട്വീറ്റ്​ ചെയ്​തു.

2021 ലെ നിയമസഭാ തിരഞ്ഞെടുപ്പില്‍ 294 സീറ്റുകളില്‍ 213 നേടിയാണ്​ ടിഎംസി അധികാരം പിടിച്ചത്​. ബിജെപി കടുത്ത പോരാട്ടം കാഴ്​ച്ചവെക്കുമെന്ന് പ്രതീക്ഷിച്ചിരുന്നെങ്കിലും മൂന്ന്​ അക്കത്തില്‍ പോലും എത്താന്‍ അവര്‍ക്ക്​ കഴിഞ്ഞില്ല. എന്നാല്‍ 2016ലെ മൂന്നില്‍ നിന്ന് 2021 ല്‍ 77 ആയി അംഗസ​ംഖ്യ ഉയര്‍ത്താന്‍ അവര്‍ക്കായി. തിരഞ്ഞെടുപ്പിന് മുമ്ബ്, മുന്‍ ബിജെപി അധ്യക്ഷന്‍ അമിത് ഷാ ത​െന്‍റ പാര്‍ട്ടി 200 സീറ്റുകള്‍ നേടുമെന്ന് അവകാശപ്പെട്ടിരുന്നു.