ബിഷപ്പ് ജേക്കബ് മാര്‍ ബര്‍ണബാസ് അന്തരിച്ചു

റാന്നി: മലങ്കര കത്തോലിക്ക സഭയുടെ ഗുരുഗ്രാം ഭദ്രാസനാധ്യക്ഷന്‍ ഡോ. ജേക്കബ് മാര്‍ ബര്‍ണബാസ് (60) അന്തരിച്ചു. കോവിഡ്​ അനുബന്ധ രോഗങ്ങളെ തുടര്‍ന്ന്​ ആശുപത്രിയില്‍ ചികിത്സയിലായിരുന്നു. കബറടക്ക ചടങ്ങുകള്‍ ശനിയാഴ്ച ഡല്‍ഹി നെബ്​സരായ്​ സെന്‍റ്​ മേരീസ്​ കത്തീഡ്രലില്‍ നടക്കും.1960 ഡിസംബര്‍ 3 ന് പത്തനംതിട്ട റാന്നിയിലെ കരിക്കുളത്ത് ഏറത്ത് കുടുംബത്തിലെ ഗീവര്‍ഗീസിന്‍റെയും റേച്ചലിന്‍റെയും മകനായാണ്​ ജനനം. മൂന്ന് സഹോദരന്മാരും അഞ്ച് സഹോദരിമാരും ഉള്ള കുടുംബത്തിലെ എട്ട് പേരില്‍ മൂത്തയാളായിരുന്നു അദ്ദേഹം. അദ്ദേഹത്തിന്‍റെ മൂന്ന് സഹോദരിമാര്‍ കന്യാസ്ത്രീകളാണ് . റാന്നിയിലെ സ്കൂള്‍ വിദ്യാഭ്യാസത്തിനു ശേഷം 1975-ല്‍ ഓര്‍ഡര്‍ ഓഫ് ദി ഇമിറ്റേഷന്‍ ഓഫ് ക്രൈസ്റ്റില്‍ ഒഐസി സന്യാസ സമൂഹത്തില്‍ വൈദീക പഠനത്തിനായി ചേര്‍ന്നു. തിരുവനന്തപുരം മാര്‍ ഇവാനിയോസ് കോളേജില്‍ നിന്ന് പ്രീ-ഡിഗ്രി കോഴ്സ് പൂര്‍ത്തിയാക്കി. 1979 -ല്‍ ആല്‍വേയിലെ തപോവനം ബഥനി ആശ്രമത്തിലെ നോവിറ്റിയേറ്റിന് ശേഷം ആദ്യ പ്രൊഫഷന്‍ എടുത്തു. പുണെയിലെ പേപ്പല്‍ സെമിനാരിയില്‍ പ്രീ-തത്ത്വചിന്ത പൂര്‍ത്തിയാക്കി. പുണെ ജ്ഞാന ദീപ വിദ്യാപീഠത്തില്‍ (ജെഡിവി) തന്‍റെ തത്ത്വചിന്തയും ദൈവശാസ്ത്രവും പൂര്‍ത്തിയാക്കി. 1985 മേയ് 15 -നാണ് അദ്ദേഹത്തിന്‍റെ അന്തിമ പ്രൊഫഷന്‍. പൂനെയിലെ ബഥനി വേദവിജ്ഞാന പീഠത്തിലെ ദൈവശാസ്ത്രജ്ഞരുടെ ആദ്യ ബാച്ചില്‍ ഒരാളായിരുന്നു അദ്ദേഹം. 1986 ഒക്ടോബര്‍ 2 ന് മൈലപ്രയിലെ മൗണ്ട് ബെഥാനിയില്‍ വച്ച്‌, ഗ്രേസ് ആര്‍ച്ച്‌ ബിഷപ്പ് ബെനഡിക്‌ട് മാര്‍ ഗ്രിഗോറിയോസ് അദ്ദേഹത്തെ പുരോഹിതനായി നിയമിച്ചു. പിന്നീട് ധാര്‍മ്മിക ദൈവശാസ്ത്രത്തില്‍ ഉന്നതപഠനത്തിനായി റോമിലെ അക്കാദമിയ അല്‍ഫോന്‍സിയാനയിലേക്ക് അയച്ചു. 1994 -ല്‍ മലങ്കര ആരാധനാക്രമത്തെ അടിസ്ഥാനമാക്കിയുള്ള ഒരു പഠനമായ 'ആരാധനാക്രമവും ആചാരങ്ങളും' എന്ന വിഷയത്തില്‍ അദ്ദേഹം തന്‍റെ ഡോക്ടറല്‍ പ്രബന്ധം അവതരിപ്പിച്ചു. 2000 ല്‍ ബെഥനി നവജ്യോതി പ്രവിശ്യയുടെ ആദ്യത്തെ പ്രൊവിന്‍ഷ്യല്‍ സുപ്പീരിയറായി അദ്ദേഹം തിരഞ്ഞെടുക്കപ്പെട്ടു. 2007 ഫെബ്രുവരി 7 -ന് മാര്‍പ്പാപ്പ ബെനഡിക്‌ട് പതിനാറാമന്‍ ഇന്ത്യയിലെ അധിക പ്രദേശങ്ങളില്‍ മലങ്കര സമുദായത്തിന് അപ്പോസ്തോലിക് വിസിറ്റേറ്ററായി അദ്ദേഹത്തെ നിയമിച്ചു. 2007 മാര്‍ച്ച്‌ 7 ന് പത്തനംതിട്ട റാന്നി സെന്റ് മേരീസ് സ്കൂളില്‍ 'റമ്ബാന്‍' ആയി നിയമിക്കപ്പെട്ടു. 2007 മേയ് 10 ന് പട്ടം സെന്‍റ്​ മേരീസ് കത്തീഡ്രലില്‍ വച്ച്‌ മേജര്‍ ആര്‍ച്ച്‌ ബിഷപ്പ് മോറാന്‍ മോര്‍ ബസേലിയോസ് ക്ലീമിസ് കാതോലിക്കോസ് ഗുഡ്ഗാവ് ഭദ്രാസനത്തിന്‍്റെ പ്രഥമ മെത്രാപ്പോലീത്ത ആയി ജേക്കബ് മാര്‍ ബര്‍ണബാസ് സ്ഥാനാരോഹണം ചെയ്തു.