'പഞ്ചാബ് തെരഞ്ഞെടുപ്പില്‍ അമരീന്ദര്‍ സിങ്​ തന്നെ നയിക്കും'; മാറ്റണമെന്ന ആവശ്യം തള്ളി കോണ്‍ഗ്രസ്​

ന്യൂഡല്‍ഹി: വരാനിരിക്കുന്ന പഞ്ചാബ്​ നിയമസഭ തെരഞ്ഞെടുപ്പില്‍ നിലവിലെ മുഖ്യമന്ത്രി അമരീന്ദര്‍ സിങ്​ തന്നെ പാര്‍ട്ടിയെ നയിക്കുമെന്ന്​ കോണ്‍ഗ്രസ്​. പഞ്ചാബിന്‍റെ ചുമതലയുള്ള മുതിര്‍ന്ന നേതാവായ ഹരീഷ്​ റാവത്താണ്​ തീരുമാനം അറിയിച്ചത്​.

പഞ്ചാബ്​ മുഖ്യമന്ത്രി അമരീന്ദര്‍ സിങ്ങിനെതിരെ പടനീക്കവുമായി നാലു​ മ​ന്ത്രിമാരും കോണ്‍ഗ്രസ്​ ജനറല്‍ സെക്രട്ടറിയുമടങ്ങുന്ന സംഘം രംഗത്തെിയിരുന്നു​. ഇതിനുപിന്നാലെയാണ്​ റാവത്തിന്‍റെ പ്രതികരണം.

അമരീന്ദറുമായി ഇടഞ്ഞുനില്‍ക്കുന്നവര്‍ ഹൈകമാന്‍ഡുമായി ചര്‍ച്ച നടത്താന്‍ നീക്കം തുടങ്ങിയിരുന്നു. 2017ലെ തെരഞ്ഞെടുപ്പ്​ വാഗ്​ദാനങ്ങള്‍ പാലിച്ചില്ലെന്നും അമരീന്ദറിന്റെ  കീഴില്‍ à´…à´µ പാലിക്കാന്‍ കഴിയുമെന്ന പ്രതീക്ഷയില്ലെന്നുമാണ്​ സംഘത്തിന്റെ  വിമര്‍ശനം.

നിരവധി ഭരണകക്ഷി എം.എല്‍.എമാരും തെരഞ്ഞെടുപ്പ്​ വാഗ്​ദാനലംഘനം ചൂണ്ടിക്കാട്ടി രംഗത്തുണ്ട്​. പ്രശ്​നങ്ങള്‍ പരിഹരിക്കാന്‍ മുഖ്യമന്ത്രിക്ക്​ കഴിയില്ലെന്ന്​ ഉറപ്പുള്ളതിനാലാണ്​ ഹൈകമാന്‍ഡിനെ സമീപിക്കാന്‍ തീരുമാനിച്ചതെന്ന്​ മന്ത്രി ചരണ്‍ജിത്ത്​ സിങ്​ ചന്നി പറഞ്ഞു. നിരവധി എം.എല്‍.എമാര്‍ ഒത്തുകൂടിയ ശേഷമാണ്​ ഹൈകമാന്‍ഡിനെ കാണാന്‍ ധാരണയായത്​.

നവജ്യോത്​ സിങ്​ സിദ്ദുവിനെ സംസ്​ഥാന കോണ്‍ഗ്രസ്​ അധ്യക്ഷനാക്കി പ്രശ്​നങ്ങള്‍ പരിഹരിക്കാനുള്ള ​നീക്കം ഫലിച്ചില്ലെന്ന സൂചനയാണ്​ പുറത്തുവരുന്നത്​. തെരഞ്ഞെടുപ്പിനൊരുങ്ങുന്ന​ പഞ്ചാബ്​ കോണ്‍ഗ്രസിനെ കൂടുതല്‍ അപകടസന്ധിയിലാക്കുന്ന രീതിയിലേക്കാണ്​ കാര്യങ്ങള്‍ പോകുന്നത്​.