ഭീകരര്‍ തൊട്ടരികില്‍; പ്രതിരോധം ശക്തമാക്കി പാഞ്ച്ഷിര്‍ പ്രവിശ്യയില്‍ താലിബാന്‍ വിരുദ്ധസേന

കാബൂൾ: അഫ്ഗാനിസ്ഥാനില്‍ താലിബാന് കീഴടങ്ങാതിരുന്ന പാഞ്ച്ഷിര് പ്രവിശ്യയിലും ഭീകരര്‍ എത്തിയതായി മുന്‍ വൈസ് പ്രസിഡന്റ് അമറുള്ള സലേ. പാഞ്ച്ഷിര് പിടിക്കാന് ഞായറാഴ്ച രാത്രി മുതല്‍ താലിബാന് ശ്രമം തുടങ്ങിയിരുന്നു.

പാഞ്ച്ഷിര് ലക്ഷ്യമാക്കി താലിബാന്‍ ഭീകരര്‍ പോകുന്നതായി താലിബാന്‍ വ്യക്തമാക്കിയിരുന്നു. അതിന് പിന്നാലെയാണ് സലേയുടെ പ്രതികരണം. പാഞ്ച്ഷിറിന് സമീപത്തെ മൂന്നു ജില്ലകളുടെ നിയന്ത്രണം താലിബാന് വിരുദ്ധസേന കഴിഞ്ഞ ദിവസം ഏറ്റെടുത്തിരുന്നു.

മരണമടഞ്ഞ താലിബാന് വിരുദ്ധ പോരാളി അഹമ്മദ് ഷാ മസൂദിന്റെ മകന് അഹമ്മദ് മസൂദിന്റെയും അമറുള്ള സലേയുടേയും സംഘത്തിനാണ് ഇപ്പോഴും പാഞ്ച്ഷിറിന്റെ നിയന്ത്രണം. പാഞ്ച്ഷിര് കവാടത്തില് താലിബാന് വിരുദ്ധസേന പ്രതിരോധം ശക്തമാക്കിയിട്ടുണ്ടെന്നും സലേ അറിയിച്ചു.