കു​ട​ജാ​ദ്രി​ക്ക് നൂ​റു​മ്മ...!

യാ​ത്ര​ക​ൾ പ​റ​ച്ചി​ലു​ക​ളി​ൽ മാ​ത്രം ഒ​തു​ക്കു​ക. അ​തൊ​രു ശീ​ല​മാ​യി​രു​ന്നു, പി​ന്നെ ആ​ശ്വാ​സ​വും.​വ​ർ​ഷ​ങ്ങ​ൾ നീ​ണ്ടു നി​ന്ന à´ˆ ​വ​ക ചി​ന്ത​ക​ളോ​ട് ഗു​ഡ് ബൈ ​പ​റ​ഞ്ഞി​ട്ട് തി​രു​വ​ന​ന്ത​പു​ര​ത്ത് നി​ന്നും ര​ണ്ടും ക​ൽ​പ്പി​ച്ചൊ​രു യാ​ത്ര പു​റ​പ്പെ​ട്ടു. ചെ​ന്നുപ​റ്റു​ന്നി​ട​ത്ത് സ്വീ​ക​രി​ക്കാ​നി​രി​ക്കു​ന്ന കാ​ഴ്ച​ക​ൾ മാ​ത്ര​മാ​യി​രു​ന്നു മ​ന​സി​ൽ. പ​ല​ത​വ​ണ പ്ലാ​ൻ ചെ​യ്ത് പ്ലാ​ൻ ചെ​യ്ത് വെ​റും പ്ലാ​നിം​ഗി​ൽ മാ​ത്രം ഒ​തു​ങ്ങി​യ ഇ​ട​ത്തേ​ക്കാ​യ​ത് കൊ​ണ്ടു ത​ന്നെ ആ​കാം​ക്ഷ കു​റ​ച്ചേ​റെ​യാ​യി​രു​ന്നു. ത​ട​സ​ങ്ങ​ൾ ഘോ​ഷ​യാ​ത്ര പോ​ലെ ഇ​ങ്ങെ​ത്തു​മോ എ​ന്നു​ള്ള തോ​ന്ന​ൽ ഉ​ള്ള​ത് കൊ​ണ്ട് ഫോ​ണ്‍ അ​ങ്ങ് സ്വി​ച്ച് ഓ​ഫ് ചെ​യ്തു. എ​ന്തൊ​രു ആ​ശ്വാ​സം. ഇ​തു​വ​രെ കാ​ണാ​ത്ത മ​ഞ്ഞി​ൽ കു​ളി​ച്ച കു​ട​ജാ​ദ്രി സ്വ​പ്ന​ത്തി​ലേ​ക്ക് എ​ത്തി പ​ല ത​വ​ണ ഉ​ണ​ർ​ത്തി. ക​ണ്ണ​ട​ച്ച് വീ​ണ്ടും കി​ട​ന്നി​ട്ടും സി​നി​മ​യു​ടെ ബാ​ക്കി ഭാ​ഗം കാ​ണും പോ​ലെ കു​ട​ജാ​ദ്രി കാ​ഴ്ച​ക​ൾ എ​ന്നെ വീ​ർ​പ്പു​മു​ട്ടി​ച്ചു കൊ​ണ്ടേ​യി​രു​ന്നു. കൊ​ല്ലൂ​രു​ള്ള മൂ​കാം​ബി​ക ക്ഷേ​ത്ര​ത്തി​ന് മു​ന്നി​ൽ വ​ണ്ടി ഇ​റ​ങ്ങു​ന്പ​ഴേ​ക്കും സ്വ​പ്നാ​ട​ന കാ​ഴ്ച​ക​ൾ പ​ല വ​ഴി​ക​ളി​ലൂ​ടെ എ​ങ്ങോ പോ​യി മ​റ​ഞ്ഞു. 

എ​ന്തൊ​രു വെ​യി​ലാ​ണ് ഇ​ത്...

മ​ഞ്ഞ് വീ​ണ്ടും ച​തി​ച്ചോ... വെ​യി​ല് ക​ണ്ട​പ്പോ​ൾ മ​ന​സി​ലേ​ക്ക് ഓ​ടി​യെ​ത്തി​യ​ത് ഈ ​ചി​ന്ത​യാ​ണ്. പ​ണ്ട് മൂ​ന്നാ​റി​ൽ മ​ഞ്ഞ് കാ​ണാ​ൻ പോ​യി​ട്ട് വെ​യി​ല് ക​ണ്ടു​വ​ന്ന ഓ​ർ​മ​ക​ൾ വ​ല്ലാ​തെ അ​ല​ട്ടി. മൂ​കാം​ബി​ക എ​ത്തി​യ​ത​ല്ലേ​യു​ള്ളു ഇ​നി​യ​ങ്ങോ​ട്ട് കു​റെ സ​ഞ്ച​രി​ക്കാ​നു​ള്ള​ത​ല്ലേ അ​പ്പോ​ഴേ​ക്കും അ​വ​ൾ തേ​ടി​യെ​ത്തു​മാ​യി​രി​ക്കും. ന​മ്മ​ടെ മ​ഞ്ഞേ...! ക്ഷേ​ത്ര പ​രി​സ​ര​ത്താ​യി ഒ​രു​പാ​ട് ലോ​ഡ്ജു​ക​ൾ ത​ല​പൊ​ക്കി നി​ൽ​പ്പു​ണ്ട്. ഇ​ങ്ങോ​ട്ട് വ​രു ഇ​ങ്ങോ​ട്ട് വ​രു എ​ന്ന ത​ല​യാ​ട്ടി കൊ​ണ്ട്. ചു​മ്മാ ഒ​ന്ന് എ​ല്ലാ​യി​ട​ത്തും ക​യ​റിയിറ​ങ്ങി. വി​ല​വി​വ​രപ്പ​ട്ടി​ക അ​റി​യാ​ലോ. 600 പ​റ​ഞ്ഞ് 400ൽ ​ഒ​തു​ക്കി ഒ​രു റൂ​മി​ൽ ഒ​ടു​വി​ൽ ക​യ​റിപ്പറ്റി. കു​ളി​ പാ​സാ​ക്കി, ബാ​ഗി​നോ​ട് റൂ​മി​ൽ റെ​സ്റ്റെ​ടു​ക്കാ​ൻ ക​ൽ​പ്പി​ച്ചേ​ച്ച് നേ​രെ റോ​ഡി​ലേ​ക്ക് ഇ​റ​ങ്ങി.​ അ​പ്പോ​ഴും അ​വ​ൻ അ​വി​ടെ ത​ന്നെ ഉ​ണ്ടാ​യി​രു​ന്നു മ​ന​സ് മ​ടു​പ്പി​ക്കാ​നാ​യി.​ന​മ്മ​ടെ വെ​യി​ലേ. മു​ന്നി​ൽ ക​ണ്ട ഹോ​ട്ട​ലി​ൽ നി​ന്നും ഉൗ​ണും അ​ക​ത്താ​ക്കി നേ​രെ ജീ​പ്പ് കി​ട​ക്കു​ന്ന സ്ഥ​ല​ത്തേ​ക്ക് വച്ചുപി​ടി​ച്ചു.



ബാ​ർ​ഗെയ്ൻ ചെ​യ്യാ​ൻ പ​റ്റൂ​ല കേ​ട്ടാ...

ചി​രി​ച്ചു കാ​ണി​ച്ചെ​ങ്കി​ലും ജീ​പ്പി​ലെ ഡ്രൈ​വ​റു​ടെ മു​ഖ​ത്ത് മ​റു​ചി​രി വി​രി​ഞ്ഞി​ല്ല. എ​ന്തൊ​രു ബ​ലം പി​ടു​ത്ത​മാ​ണ് ചേ​ട്ടാ​ ഇതെ​ന്ന് ചി​രി​ച്ചോ​ണ്ട് ചോ​ദി​ച്ചെ​ങ്കി​ലും പു​ള്ളി​ക്ക് ഒ​ന്നും മ​ന​സി​ലാ​യി​ല്ല. ക​ന്നഡയി​ൽ എ​ന്തൊ​ക്ക​യോ എ​ന്നോ​ട് പ​റ​ഞ്ഞി​ട്ട് അ​വ​സാ​നം ഒ​രു സം​ഖ്യ പ​റ​ഞ്ഞു. ഒ​ന്നും മ​ന​സി​ലാ​യി​ല്ലെ​ങ്കി​ലും അ​വ​സാ​നം പ​റ​ഞ്ഞ അ​ക്കം മാ​ത്രം മ​ന​സി​ലാ​യി 375. ജീ​പ്പി​ൽ കു​ട​ജാ​ദ്രി​ക്ക് പോ​കാ​നു​ള്ള ചാ​ർ​ജാ​ണ്. 250-ൽ ​തു​ട​ങ്ങി​യ വി​ല​പേ​ശ​ൽ ഒ​ടു​വി​ൽ 375-ൽ ​ത​ന്നെ എ​ത്തി നി​ന്നു. വേ​റെ ജീ​പ്പ് നോ​ക്കാ​മെ​ന്നു ക​രു​തി​യെ​ങ്കി​ലും തൊ​ട്ട​ടു​ത്ത് നി​ന്ന ചേ​ട്ട​ൻ പ​റ​ഞ്ഞു- "വേ​റെ ജീ​പ്പ് നോ​ക്ക​ണ്ട എ​ല്ലാ​യി​ട​ത്തും ഒ​റ്റ റേ​റ്റാ​ണ് നോ ​ര​ക്ഷ. ഇ​പ്പോ​ൾ ന​മ്മ​ൾ ര​ണ്ടാ​ളെ​യു​ള്ളു.. ഇ​നി ആ​റു പേ​ർ കൂ​ടി വ​ന്നാ​ലെ ജീ​പ്പ് പോ​കു. ഇ​ല്ലാ​യെ​ങ്കി​ൽ ബാ​ക്കി ആ​റു​പേ​രു​ടെ​യും തു​ക ന​മ്മ​ൾ കൊ​ടു​ക്കേ​ണ്ടി വ​രു​മെ​ന്ന്’. അ​തു കേ​ട്ട​തും ക​ണ്ണ് ത​ള്ളി പു​റ​ത്തേ​ക്കുവ​ന്നി​ട്ട് ത​നി​യെ തി​രി​ച്ച് അ​ക​ത്തു​ക​യ​റി. മു​ഖ​ത്തെ അ​ന്ധാളി​പ്പ് ക​ണ്ടി​ട്ടാ​ണോ എ​ന്തോ കൊ​ല്ലം സ്വ​ദേ​ശി​ക്കാ​ര​ൻ ചി​രി​ച്ചോ​ണ്ടു പ​റ​ഞ്ഞു- "കാ​ത്തു നി​ൽ​ക്കാം ആ​രെ​ങ്കി​ലു​മൊ​ക്കെ വ​രാ​തി​രി​ക്കി​ല്ല..' കു​റ​ച്ച​ധി​കം കാ​ത്തു നി​ൽ​ക്കേ​ണ്ടി വ​ന്നെ​ങ്കി​ലും ത​മി​ഴ്നാ​ട്ടി​ൽ നി​ന്നു​ള്ള ആ​റം​ഗ സം​ഘം ര​ക്ഷ​ക​രെ പോ​ലെ ജീ​പ്പി​ൽ വ​ന്നു ക​യ​റി. മൂ​ന്നു മ​ണി ക​ഴി​ഞ്ഞ​തോ​ടെ ജീ​പ്പ് പ​തു​ക്കെ മൂ​കാം​ബി​ക​യി​ൽ നി​ന്നും ച​ലി​ച്ച് തു​ട​ങ്ങി. ഒ​രു മ​ല​യാ​ളി​യെ കി​ട്ടി​യ സ​ന്തോ​ഷ​ത്തി​ൽ കൊ​ല്ലം​കാ​ര​ൻ കു​ട​ജാ​ദ്രി​യി​ലേ​ക്കു​ള്ള ത​ന്‍റെ മു​ൻ യാ​ത്ര​ക​ളെ കു​റി​ച്ച് ച​ല​പി​ലാ ച​ല​പി​ലാ​ന്ന് പ​റ​ഞ്ഞു കൊ​ണ്ടേ​യി​രു​ന്നു.



എ​ടീ മ​ഞ്ഞേ നീ ​വ​രു​ന്നു​ണ്ടോ...

മൂ​ന്നോ നാ​ലോ അ​ല്ല, ഏകദേശം 34 കി​ലോ​മീ​റ്റ​ർ യാ​ത്ര ചെ​യ്യ​ണം മൂ​കാം​ബി​ക​യി​ൽ നി​ന്നും കു​ട​ജാ​ദ്രി​യി​ലെ​ത്താ​ൻ. സു​ഗമ​മാ​യ യാ​ത്ര​യാ​യി​രു​ന്നു തു​ട​ക്ക​ത്തി​ൽ. ഞെ​ങ്ങി ഞെ​രു​ങ്ങി​യു​ള്ള ഇ​രി​പ്പി​നി​ട​യി​ലും പു​റ​ത്തെ കാ​ഴ്ച​ക​ൾ വെ​യി​ൽ വെ​ട്ട​ത്തി​ന്‍റെ പ്ര​കാ​ശ​ത്തി​ൽ ജ്വ​ലി​ച്ചു നി​ൽ​പ്പു​ണ്ടാ​യി​രു​ന്നു. മ​ഞ്ഞ് ച​തി​ക്കു​മെ​ന്ന് മ​ന​സ് ഉ​റ​പ്പി​ച്ചു പ​റ​യു​ന്ന​തി​നി​ട​യി​ലൂ​ടെ ഡ്രൈ​വ​റ​ണ്ണ​ൻ ജീ​പ്പ് ക​ത്തി​ച്ച് വി​ട്ടോ​ണ്ടി​രു​ന്നു. പോ​കു​ന്ന വ​ഴി​ക്കി​ട​യി​ൽ വച്ച് പ​തി​യെ കാ​ലാ​വ​സ്ഥ​യ്ക്ക് മാ​റ്റം ഉ​ണ്ടാ​കു​ന്ന​ത് ക​ണ്ണി​ൽ പെ​ട്ടു. ചെ​റുമ​ഴ, പി​ന്നെ ന​മ്മു​ടെ സു​ന്ദ​രി മ​ഞ്ഞും പ​തി​യെ ജീ​പ്പി​നെ വ​ല​യം വയ്​ക്കാ​ൻ തു​ട​ങ്ങി. അ​തോ​ടെ മ​ന​സി​ൽ അ​ട​ങ്ങി​യി​രു​ന്ന സ​ന്തോ​ഷം പു​റ​ത്തേ​ക്കു ചാ​ടി. അ​പ്പോ​ഴാ​ണ് ശ്ര​ദ്ധി​ച്ച​ത് ജീ​പ്പ് ഇ​ള​കാ​നും മ​റി​യാ​നും തു​ട​ങ്ങി​യി​രി​ക്കു​ന്നു. മ​ഞ്ഞ് തേ​ടി​യെ​ത്തി​യ​തി​ന്‍റെ സ​ന്തോ​ഷം ഒ​രു വ​ശ​ത്ത് അ​ത് മ​ര്യാ​ദ​യ്ക്ക് കാ​ണാ​ൻ പ​റ്റാ​ത്ത​തി​ന്‍റെ ദേ​ഷ്യം മ​റു​വ​ശ​ത്ത്. 



ഇ​തെ​ന്തൊ​രു വ​ഴി​യാ​ണ​പ്പാ... 

വീ​ഗാ​ലാ​ൻ​ഡും വ​ണ്ട​ർ​ലാ​യും ഫാ​ന്‍റ​സി പാ​ർ​ക്കു​മെ​ല്ലാം ഒ​രു​മി​ച്ചു ക​ണ്ട അ​വ​സ്ഥ​യി​ലേ​ക്കാ​യി ജീ​പ്പ് യാ​ത്ര​യു​ടെ പോ​ക്ക്.​അ​വി​ട​ങ്ങ​ളി​ലു​ള്ള അ​ഡ്വ​ഞ്ച​റ​സ് റൈ​ഡു​ക​ളി​ൽ എ​ല്ലാം​കൂ​ടി ഒ​രു​മി​ച്ച് ക​യ​റി​യ ഫീ​ൽ. ടാ​റി​ട്ട റോ​ഡി​ൽ നി​ന്നും കു​ണ്ടും കു​ഴി​യും നി​റ​ഞ്ഞ റോ​ഡി​ലൂ​ടെ​യാ​യി യാ​ത്ര. വ​ട്ട​ത്തി​ൽ ക​റ​ക്ക​വും മ​ല​ക്കം മ​റി​ച്ച​ലു​മെ​ല്ലാം ഇ​ട​യ്ക്കി​ടെ വ​ന്ന് ഞെ​ട്ടി​ക്കാ​ൻ തു​ട​ങ്ങി. കു​ട​ജാ​ദ്രി​യി​ൽ എ​ത്തു​മോ​യെ​ന്ന് സം​ശ​യം. ഒ​ന്നു തെ​റ്റി​യാ​ൽ ചെ​ന്നു പ​തി​ക്കു​ക മ​ര​ണക്കിട​ക്ക​യി​ലേ​ക്കാ​യി​രി​ക്കും. പു​റ​ത്തേ​ക്ക് നോ​ക്കാ​ൻ ത​ന്നെ പേ​ടി​യാ​യി. ഇ​തെ​ന്തൊ​രു വ​ഴി​യാ​ണ​പ്പാ​യെ​ന്ന് കൊ​ല്ലം​കാ​ര​നോ​ട് ചോ​ദി​ച്ച​പ്പോ​ൾ... ഉ​ട​നെ മ​റു​പ​ടി​യെ​ത്തി - "ഇ​തൊ​ക്കെ അ​ല്ലേ ത്രി​ല്ല്. എ​ന്ന​ത്തേ​യും പോ​ലെ ഇ​ന്നും അ​ങ്ങ് പോ​യാ​ൽ എ​ന്ത് സു​ഖ​മാ​ണ് കി​ട്ടു​ക. ജീ​വി​ത​ത്തി​ൽ നി​ങ്ങ​ൾ ഈ ​യാ​ത്ര മ​റ​ക്കി​ല്ല. വാ​തോ​രാ​തെ ഈ ​യാ​ത്ര​യെ പ​റ്റി എ​ല്ലാ​വ​രോ​ടും പ​റ​യു​ക​യും ചെ​യ്യും.’ ഡ്രൈ​വ​റാ​ണെ​ങ്കി​ൽ ഇ​തൊ​ക്കെ എ​ന്തെ​ന്ന മ​ട്ടി​ൽ വെ​ച്ചു പി​ടി​ക്കു​ക​യാ​ണ്. കു​ടു​സ് വ​ഴി​യി​ലൂ​ടെ​യു​ള്ള ജീ​പ്പു​കാ​രു​ടെ ഓ​വ​ർ ടേ​ക്കിം​ഗ് കൂ​ടി ക​ണ്ട​തോ​ടെ മ​ന​സൊ​ന്നു പാ​ളി. ജീ​പ്പി​ന് പോ​കാ​ൻ പ​റ്റു​ന്നി​ട​ത്തോ​ളം ക​യ​റ്റം ക​യ​റി ഒ​ടു​വി​ൽ ​ക്ഷേ​ത്ര​ത്തി​നു മു​ന്നി​ലാ​ണ് വണ്ടി നി​ന്ന​ത്. അ​വി​ടെ​ല്ലാം ജീ​പ്പു​ക​ളു​ടെ നീ​ണ്ട​നി​ര. ഇ​നി​യ​ങ്ങോ​ട്ട് ന​ട​ത്ത​മാ​ണ്. ജീ​പ്പി​ന്‍റെ ഹെ​ഡ്‌ലൈ​റ്റ് ഒ​രെ​ണ്ണം ക​യ​റ്റം ക​യ​റി എ​ത്തി​യ​പ്പോ​ഴേ​ക്കും പ​ട​മാ​യി. അ​തും കൈ​യി​ൽ പി​ടി​ച്ച് ഡ്രൈ​വ​റു​ടെ നി​ൽ​പ്പ് ക​ണ്ടു​കൊ​ണ്ട് നേ​രെ 1,343 മീ​റ്റ​ർ ഉ​യ​ര​മു​ള്ള ക​ർ​ണാ​ട​ക​യി​ലെ കൊ​ടുമു​ടി കീ​ഴ​ട​ക്കാ​ൻ കി​ലോ​മീ​റ്റ​റു​ക​ൾ മാ​ത്ര​മ​ല്ലേ​യു​ള്ളു എ​ന്ന ആ​ശ്വാ​സ​ത്തി​ൽ ന​ട​ന്നു. വം​ശ​നാ​ശത്തിന്‍റെ വക്കിലെത്തിയ മൃ​ഗ​ങ്ങ​ളും പ​ക്ഷി​ക​ളും സ​സ്യ​ജാ​ല​ങ്ങ​ളു​മെ​ല്ലാം പാ​ർ​ക്കു​ന്ന കാ​ട്ടി​ലൂ​ടെ​യാ​യി​രു​ന്നു യാ​ത്ര.

കു​ട ചൂ​ടാ​ത്ത ന​ട​ത്തം

അ​ഞ്ച് കി​ലോ​മീ​റ്റ​റോ​ളം ന​ട​ന്നു വേ​ണം സ​ർ​വ​ജ്ഞ​പീ​ഠ​ത്തി​ൽ എ​ത്താ​ൻ. മ​ഴ​യും മ​ഞ്ഞും വ​ന്ന് മൂ​ടു​ന്ന​തി​ന് ഇ​ട​യി​ലൂ​ടെ ന​ട​ത്തം തു​ട​ങ്ങി. മ​ഞ്ഞ് മ​ഞ്ഞോ​ട് മ​ഞ്ഞ്... മ​ന​സി​നെ കു​ളി​ർ​പ്പി​ക്കു​ന്ന ചാ​റ്റ മ​ഴ.. ഹോ ​എ​ന്താ സു​ഖം.! കു​ട​യു​ണ്ടാ​യി​ട്ടും അ​ത് ചൂ​ടാ​തെ മ​ഴ​യും കൊ​ണ്ട് ന​ട​ക്കാ​ൻ തു​ട​ങ്ങി. ക​യ​റ്റം ക​യ​റിച്ചെല്ലുംതോ​റും മ​ഞ്ഞ് കൂ​ടിക്കൂടി വ​രിക​യാ​ണ്. മ​ഴ​യും മ​ഞ്ഞും ഉ​മ്മ​വ​യ്ക്കാ​ൻ തു​ട​ങ്ങി​യി​ട്ട് നി​ർ​ത്തു​ന്നി​ല്ല. മ​ഞ്ഞും മ​ഴ​യും ക്ഷീ​ണ​ത്തെ എ​ങ്ങോ​ട്ടോ പ​റ​ഞ്ഞ​യ​ച്ചു. ചു​മ്മാ അ​ങ്ങ് ക​യ​റു​ക​യാ​ണ് കി​ത​പ്പി​ല്ല, ത​ള​ർ​ച്ച​യി​ല്ല വ​ല്ലാ​ത്തൊ​രു അ​ന്ത​രീ​ക്ഷം... മു​ന്നി​ലെ വ​ഴി​യെ മൂ​ടി​ക്കൊ​ണ്ട് മ​ഞ്ഞ് പൂ​ണ്ടുവി​ള​യാ​ടു​ക​യാ​ണ്. കു​ട​യു​ണ്ടാ​യി​ട്ടും മ​ഴ​യ​ത്ത് കു​ട ചൂ​ടാ​ത്ത എ​ത്ര​യോ പേ​ർ മു​ന്നി​ലൂ​ടെ പോ​കു​ന്നു. 



ടേ​ണിം​ഗ് പോ​യി​ന്‍റ്

മ​ല ക​യ​റിക്കയറി ഒ​രി​ട​ത്ത് എ​ത്തി​യ​പ്പോ​ൾ ത​ണ്ണി​മ​ത്ത​ൻ വി​ൽ​പ്പ​ന​ക്കാ​ര​ൻ ചി​രി​ച്ചോ​ണ്ട് നി​ൽ​ക്കു​ന്നു. à´† ​ചി​രി ക​ണ്ടാ​ൽ എ​ങ്ങ​നെ ത​ണ്ണി​മ​ത്ത​ൻ മേ​ടി​ക്കാ​തി​രി​ക്കും. മൂ​ന്നു ക​ഷണം മേ​ടി​ച്ച് സാ​പ്പി​ട്ടു. കി​ലോ​മീ​റ്റേ​ഴ്സ് ആ​ൻ​ഡ് കി​ലോ​മീ​റ്റേ​ഴ്സ് ന​ട​ന്നാ​ണ് ഇ​വി​ടെ വ​രെ​യെ​ത്തി​യ​ത്. മു​ക​ളി​ലോ​ട്ട് കാ​ണു​ന്ന കു​ത്ത​നെ ഉ​ള്ള​ക​യ​റ്റം. കു​ത്തിയൊലി​ച്ച് വ​രു​ന്ന വെ​ള്ളം. പാ​റ​ക്കെ​ട്ടു​ക​ൾ ച​വി​ട്ടി മു​ക​ളി​ലോ​ട്ട് പോ​കു​ന്ന​ത് റി​സ്കാ​ണെ​ന്ന് à´† ​ചേ​ട്ട​ൻ പ​റ​ഞ്ഞു. ദാ ​ഇ​വി​ടു​ന്ന് വ​ല​ത്തോ​ട്ടു പോ​യാ​ൽ ഗ​ണ​പ​തി ഗു​ഹ​യു​ണ്ട്. അ​വി​ടം വ​രെ പോ​യി തി​രി​ച്ചു പോ​കു​ന്ന​താ ന​ല്ല​തെ​ന്ന് താ​ക്കീ​ത് ചെ​യ്തു. ഇ​ടു​ങ്ങി​യ വ​ഴി​യി​ലൂ​ടെ ര​ക്തം കു​ടി​ക്കാ​ൻ കാ​ത്തു നി​ൽ​ക്കു​ന്ന അ​ട്ട​ക​ളെ പേ​ടി​ച്ച് പേ​ടി​ച്ച് ഗ​ണ​പ​തി ഗു​ഹ​യി​ൽ എ​ത്തി. വ​ർ​ഷ​ത്തി​ലൊ​രി​ക്ക​ൽ ഒ​രു യോ​ഗി​നി ഇ​വി​ടെ വ​ന്ന് ത​പ​സ് ചെ​യ്യാ​റു​ണ്ട​ത്രേ. യോ​ഗി​നി വ​ന്നു പോ​യോ അ​തോ വ​രാ​നി​രി​ക്കു​ന്ന​തെ​യു​ള്ളോ എ​ന്ന​റി​യി​ല്ല. അ​വി​ടെ​യെ​ങ്ങും ആ​രെ​യും ക​ണ്ടി​ല്ല. കാ​ടി​ന് ന​ടു​വി​ലെ ഗ​ണ​പ​തി ഗു​ഹ... എ​ന്തൊ​രു അ​ന്ത​രീ​ക്ഷ​മാ​ണ്. മ​റ്റ് യാ​ത്രക്കാ​രൊ​ന്നും പ​രി​സ​ര​ത്തി​ല്ല. ചു​റ്റു​പാ​ടും ഒ​ന്നു ക​ണ്ണോ​ടി​ച്ചു. ഒ​ന്നു കാ​ൽ തെ​റ്റി വീ​ണാ​ൽ തീ​ർ​ന്ന​ത് ത​ന്നെ. മ​ഴ ക​ന​ത്ത​പ്പോ​ൾ മ​ന​സ് വീ​ണ്ടും സ​ർ​വ​ജ്ഞ​പീ​ഠ​ത്തി​ലേ​ക്ക് ഓ​ടി. 



എ​ന്തും വ​ര​ട്ടെ...​മ​ല ക​യ​റി​യി​ട്ടേ ബാ​ക്കി കാ​ര്യ​മു​ള്ളു

തി​രി​ച്ച് ന​ട​ന്ന് ത​ണ്ണി​മ​ത്ത​ൻ ചേ​ട്ട​ന്‍റെ ക​ണ്ണുവെ​ട്ടി​ച്ച് പാ​റ​ക്കെ​ട്ടു​ക​ൾ​ക്ക് ഇ​ട​യി​ലൂ​ടെ കു​ത്തി​യൊ​ലി​ച്ച് വ​രു​ന്ന വെ​ള്ള​ത്തെ മ​റി​ക​ട​ന്ന് മ​ല​ക​യ​റാ​ൻ തു​ട​ങ്ങി. എ​ന്തൊ​രു കു​ത്തൊ​ഴു​ക്കാ​ണി​ത്. കൂ​ക്കു വി​ളി​ക​ൾ പ​ല​യി​ട​ത്തും കേ​ൾ​ക്കു​ന്നു​ണ്ട്. മുന്നിലാ​ണോ പി​ന്നിലാ​ണോ ഉ​ള്ള​തെ​ന്ന് അ​റി​യി​ക്കാ​നു​ള്ള യാ​ത്രി​ക​രു​ടെ സൂ​ച​ന​ക​ളാ​ണ്. ഇ​തു​വ​രെ ക​ടി​ക്കാ​തെ വി​ട്ട അ​ട്ട​ക​ളോ​ട് ന​ന്ദി പ​റ​ഞ്ഞോ​ണ്ട് ന​ട​ന്നുന​ട​ന്ന് ഒ​ടു​വി​ൽ സ​ർ​വ​ജ്ഞ​പീ​ഠം ക​യ​റി. ഉ​യ​രം കൂ​ടുംതോ​റും ഉൗ​ർ​ജം കൂ​ടും പോ​ലെ. മ​ഞ്ഞും മ​ഴ​യും പി​ന്നെ ഞാ​നും. എ​ന്തൊ​രു പോ​സി​റ്റീ​വ് എ​ന​ർ​ജി​യാ​ണ് കാ​ടും മ​ഞ്ഞും മ​ഴ​യും സ​മ്മാ​നി​ക്കു​ന്ന​ത്. മ​ല​യു​ടെ തു​ന്പ​ത്ത് ഒ​രു ക​രി​ങ്ക​ൽ ക്ഷേ​ത്രം ഉ​ണ്ട്. അ​താ​ണ് സ​ർ​വ​ജ്ഞ​പീ​ഠം. ഇ​വി​ടെ ഇ​രു​ന്നാ​ണ​ത്രേ ശ​ങ്ക​രാ​ചാ​ര്യ​ർ ത​പ​സ് ചെ​യ്ത​ത്. സ​മു​ദ്ര​നി​ര​പ്പി​ൽ നി​ന്നും ഏ​ക​ദേ​ശം 3100 അ​ടി ഉ​യ​ര​ത്തി​ലാ​ണ് ഇ​പ്പോ​ൾ നി​ൽ​ക്കു​ന്ന​തെ​ന്ന് തൊ​ട്ട​ടു​ത്ത് നി​ന്നൊ​രാ​ൾ പ​റ​ഞ്ഞ​പ്പോ​ൾ മ​ന​സി​ൽ എ​ന്തെ​ന്നി​ല്ലാ​ത്ത ആ​ഹ്ളാ​ദം. à´† ​ആ​ഹ്ളാ​ദം പ​ങ്കി​ടാ​ൻ മ​ഴ​യും മ​ഞ്ഞു​മെ​ല്ലാം എ​ന്‍റെ കൂ​ടെ ഉ​ണ്ടാ​യി​രു​ന്നു. 



മ​ഴ​യും മ​ഞ്ഞും പി​ടി​ച്ചു നി​ർ​ത്തി

സ​ർ​വ​ജ്ഞ​പീ​ഠ​ത്തി​ന് പു​റ​കു​വ​ശ​ത്തു​കൂ​ടി​യാ​ണ് ചി​ത്ര​മൂ​ല​യി​ലേ​ക്ക് പോ​കേ​ണ്ട​ത്. ആ​ദി​ശ​ങ്ക​ര​ൻ ധ്യാ​നി​ക്കാ​ൻ തി​ര​ഞ്ഞെ​ടു​ത്ത ഗു​ഹ. സൗ​പ​ർ​ണി​ക​യു​ടെ ഉ​ത്സ​ഭ​വം. പ​ല​രും പ​റ​ഞ്ഞു​കേ​ട്ട മ​ര​ണ​ത്തെ മു​ന്നി​ൽ ക​ണ്ട യാ​ത്ര പ​ക്ഷേ മ​ഞ്ഞും മ​ഴ​യും ചേ​ർ​ന്ന് ത​ട​ഞ്ഞു. സ​ഞ്ചാ​രി​ക​ൾ ചി​ത്ര​മൂ​ല​യി​ലേ​ക്ക് പോ​കാ​നാ​യി എ​ത്തി. മ​ഞ്ഞ് മൂ​ടി​യ വ​ഴി​ക​ൾ ക​ണ്ട് തി​രി​കെ ന​ട​ന്നു. ഒ​റ്റ​യ്ക്കൊ​രു യാ​ത്ര ചി​ത്ര​മൂ​ല​യി​ലേ​ക്ക് വേ​ണ്ടെ​ന്ന് പ​ല​രും പ​റ​ഞ്ഞു. മ​ന​സി​ല്ലാ മ​ന​സോ​ടെ പി​ന്നോ​ട്ടു വ​ലി​ഞ്ഞു. ഇ​നി​യൊ​രി​ക്ക​ൽ ചി​ത്ര​മൂ​ല​യി​ലേ​ക്ക് എ​ത്തു​മെ​ന്ന് മ​ന​സി​ൽ ഉ​റ​പ്പി​ച്ച് മ​ഞ്ഞു​മൂ​ടി​യ ഓ​ർ​മ​ക​ളു​മാ​യി ജീ​പ്പ് ല​ക്ഷ്യ​മാ​ക്കി തി​രി​കെ ന​ട​ക്കാ​ൻ തു​ട​ങ്ങി. കു​ട​ജാ​ദ്രി നീ ​എ​ത്ര സു​ന്ദ​രി​യാ​ണ്... ആ​രാ​യാ​ലും ഒ​ന്നു പ്ര​ണ​യി​ച്ചു പോ​കും. ചു​മ്മാ​ത​ല്ല ഒ​രു​വ​ട്ടം കാ​ണാ​ൻ വ​ന്ന​വ​ർ പ​ല​വ​ട്ടം ഇ​വി​ടെ ക​യ​റി ഇ​റ​ങ്ങു​ന്ന​ത്. ആ ​കൂ​ട്ട​ത്തി​ലേ​ക്ക് എ​ന്‍റെ പേ​രു കൂ​ടി എ​ഴു​തിച്ചേർ​ത്തു.

വി.​ശ്രീ​കാ​ന്ത്