ഉത്സവം കൊടിയിറങ്ങുന്നില്ല by കൃഷ്ണ പൂജപ്പുര

വില്ലാധിവില്ലനായിരുന്നു സിനിമകളില്‍ അക്കാലത്ത് കെ പി ഉമ്മര്‍. നായികയെ അപമാനിക്കുക, നായകനെ കൊല്ലാനുള്ള ഗൂഢപദ്ധതികള്‍ തയ്യാറാക്കുക, കള്ളക്കടത്ത്, കൊള്ളസംഘം നടത്തുക എന്നിങ്ങനെയുള്ള കര്‍ത്തവ്യങ്ങളായിരുന്നു സിനിമകളില്‍ അധികം സംവിധായകരും ഉമ്മറിന് നീക്കിവച്ചിരുന്നത്. കഥാപാത്രത്തിനോട് തോന്നുന്ന വെറുപ്പ് à´šà´¿à´² പ്രേക്ഷകര്‍ക്ക് അവതരിപ്പിക്കുന്ന താരങ്ങളോടും വന്നുപോകുമല്ലോ. അങ്ങനെ ഉമ്മര്‍ ഏതാണ്ട് സമ്പൂര്‍ണ വില്ലനായിരിക്കുന്ന സമയത്ത് അതാ ഒരു ചിത്രത്തില്‍ പ്രേക്ഷകര്‍ ആദ്യാവസാനം ഉമ്മറിനുവേണ്ടി കൈയടിക്കുന്നു. ഉമ്മറിനുവേണ്ടി കണ്ണുനിറയ്ക്കുന്നു, ഉമ്മറിന്റെ ഡയലോഗുകള്‍ കേട്ട് ആവേശംകൊള്ളുന്നു... ഇന്നലെവരെ കണ്ട ഉമ്മറല്ല, അവരുടെ മുന്നില്‍ നില്‍ക്കുന്ന à´ˆ ഉമ്മര്‍. ചിത്രംതന്നെ പൊതുസ്വഭാവത്തില്‍നിന്ന് വിട്ടുനില്‍ക്കുന്നത്... ആദ്യദിവസങ്ങളില്‍ തീരെ ആളില്ലായിരുന്നു à´ˆ ചിത്രത്തിന്. പിക്നിക്, ആലിബാബയും നാല്‍പ്പത്തൊന്നുകള്ളന്മാരും, അയോധ്യ, ബാബുമോന്‍ തുടങ്ങി à´† വര്‍ഷത്തെ സൂപ്പര്‍ ഡ്യൂപ്പര്‍ എന്റര്‍ടൈനറുകള്‍ ആഘോഷിച്ച പ്രേക്ഷകനുമുന്നിലാണ് താരരഹിതമായ à´ˆ ചിത്രം വരുന്നത്. പറഞ്ഞുകേട്ടു പറഞ്ഞുകേട്ടാണ് തിയറ്ററുകളില്‍ ആളനക്കം കൂടിത്തുടങ്ങിയത്. രണ്ടോ മൂന്നോ ദിവസത്തെ പ്രദര്‍ശനത്തോടെ ചിത്രം അവസാനിപ്പിക്കാം എന്ന് കരുതിയ തിയറ്റര്‍ ഉടമകള്‍ക്ക് പിന്നീട് ഗേറ്റില്‍ ഹൌസ്ഫുള്‍ ബോര്‍ഡുകള്‍ തൂക്കേണ്ടിവന്നു. തിയറ്ററിനകത്ത് പ്രേക്ഷകര്‍ അത്ഭുതാവേശങ്ങളോടെയായിരുന്നു. 'ലൌലറ്റര്‍' തുടങ്ങി à´† വര്‍ഷമിറങ്ങിയ പല ചിത്രങ്ങളിലും നായകനായിരുന്ന വിന്‍സന്റ് നെഗറ്റീവ് കഥാപാത്രത്തെ അവതരിപ്പിക്കുമ്പോള്‍ തങ്ങളുടെ 'കാണപ്പെട്ട വില്ലന്‍' നായകനായിനിന്ന് അത്ഭുതപ്പെടുത്തുന്നു. ആകെ ഒരു മാറ്റം. മാറ്റങ്ങളുമായി വന്ന à´† സിനിമയുടെ പേര് 'ഉത്സവം'.   à´¸à´‚വിധാനം ഐ വി ശശി.

മാറ്റങ്ങളുടെ ഉത്സവം

മാറ്റങ്ങള്‍ പ്രേക്ഷകരെക്കൊണ്ട് അംഗീകരിപ്പിച്ചു എന്നതാണ് ഐ വി ശശിയുടെ ഏറ്റവും വലിയ വിജയം. ചിലര്‍ തങ്ങളുടെ പരീക്ഷണങ്ങള്‍ പരാജയപ്പെട്ടതിന് പ്രേക്ഷകരുടെമേല്‍ പഴിചാരും. നല്ല ചിത്രങ്ങള്‍ക്കൊപ്പം നില്‍ക്കുന്നില്ല എന്നൊക്കെ ആരോപിച്ച്. ഉത്സവം എന്ന ചിത്രത്തിന്റെ താരനിര അന്നത്തെ താരസങ്കല്‍പ്പംവച്ച്, എന്റര്‍ടൈനര്‍ ഘടകങ്ങള്‍ ഇല്ലാത്തതായിരുന്നു. പറഞ്ഞതോ കുടിവെള്ളപ്രശ്നം. 42 വര്‍ഷംമുമ്പാണെന്നോര്‍ക്കണം. നായകന്‍- നായിക- കാര്‍ചെയ്സ്- ഡ്യുയറ്റ് തുടങ്ങി ഫോര്‍മുലചിത്രങ്ങളുടെ നടുവിലേക്കാണ് കുടിവെള്ളപ്രശ്നവുമായി ഒരു സംവിധായകന്‍ വരുന്നത്. ഒരു വലിയ സാമൂഹ്യപ്രശ്നം മനുഷ്യവികാരങ്ങളില്‍ പൊതിഞ്ഞ് എങ്ങനെ അവതരിപ്പിക്കാം എന്നതിന്റെ ഒന്നാന്തരം ഉദാഹരണമായിരുന്നു ഉത്സവം. കുടിവെള്ളക്ഷാമം അനുഭവിക്കുന്ന തുരുത്തില്‍ റിസര്‍വോയര്‍ കെട്ടാന്‍ വരുന്ന എന്‍ജിനിയര്‍ വിന്‍സന്റ്, ഗ്രാമത്തിലെ ചെറുപ്പക്കാരന്‍ ഉമ്മര്‍ എന്നിവരിലൂന്നി സഞ്ചരിക്കുന്ന കഥ. ഉമ്മറിന്റെ സഹോദരി ശ്രീവിദ്യയെ വിന്‍സന്റ് ചതിക്കുന്നു. അവസാനം ജയിലിലേക്ക് പോകുന്നതിനുമുമ്പ് ഉമ്മര്‍ വിന്‍സന്റിനോട് പറയുന്നത്: "നിന്നെ കൊന്നിട്ടുവേണമായിരുന്നു ഞാന്‍ ജയിലിലേക്ക് പോകേണ്ടിയിരുന്നത്. പക്ഷേ, ഈ നാട്ടില്‍ റിസര്‍വോയര്‍ വേണം. നീ അത് പൂര്‍ത്തിയാക്കണം...'' പരമ്പരാഗത ക്ളൈമാക്സ് സീനില്‍നിന്ന് മാറിനില്‍ക്കുന്ന ഒന്ന്. മറ്റൊരുരംഗത്തില്‍ സോമന്‍ എന്ന എതിരാളിയോട് ഉമ്മര്‍ പറയുന്നു: "വെള്ളവും വായുവും ആരുടെയും സ്വകാര്യസ്വത്തല്ല.'' ഡോക്യുമെന്ററി ആയിപ്പോകാവുന്ന ഒരു വിഷയം എങ്ങനെ ഒരു ജനപ്രിയചിത്രമാക്കാമെന്ന് തെളിയിച്ചുകൊണ്ടാണ് പിന്നീട് തിയറ്ററുകളില്‍ ഉത്സവപ്പറമ്പുകളെ അനുസ്മരിപ്പിക്കുന്ന തരത്തില്‍ ജനസഞ്ചയത്തെ നിറച്ച ചലച്ചിത്രകാരന്‍ മലയാളികളിലേക്ക് ഇറങ്ങിവന്നത്്.

ജനങ്ങള്‍ ഒപ്പം

കൂട്ടുകെട്ടുകള്‍

പേരിലെ കൌതുകം

സംഭാവന

കൈയടി