അഫ്​ഗാനിസ്​താനിലെ രാഷ്​ട്രീയസംഘര്‍ഷങ്ങളില്‍ പിന്തുണതേടി താലിബാന്‍ സംഘം ചൈനയില്‍

ബെയ്​ജിങ്​: അഫ്​ഗാനിസ്​താനിലെ രാഷ്​ട്രീയസംഘര്‍ഷങ്ങളില്‍ പിന്തുണതേടി നേതാവ്​ മുല്ല അബ്​ദുല്‍ ഗനി ബറാദര്‍ അഖുന്ദിന്റെ  നേതൃത്വത്തില്‍ ഒമ്ബതംഗ താലിബാന്‍ സംഘം ചൈനയില്‍. പടിഞ്ഞാറന്‍ നഗരമായ തിയാന്‍ജിനില്‍ വിദേശകാര്യമന്ത്രി വാങ്​ യിയുമായി സംഘം കൂടിക്കാഴ്​ച നടത്തിയത്​ ചൈന സ്​ഥിരീകരി

ച്ചു​. കൂടിക്കാഴ്​ചയില്‍ അഫ്​ഗാനിലെ സുരക്ഷാപ്രശ്​നങ്ങളും സമാധാനം പുനഃസ്​ഥാപിക്കാനുള്ള നടപടികളും ചര്‍ച്ചയായതായി താലിബാന്‍ വക്​താവ്​ മുഹമ്മദ്​ നഈം അറിയിച്ചു.അഫ്​ഗാനിസ്​താന്റെ  പുനരുദ്ധാരണത്തിലും രാജ്യത്ത്​ സമാധാനം പുനഃസ്​ഥാപിക്കാനുള്ള അനുരഞ്​ജന ശ്രമങ്ങളിലും താലിബാന്​ മുഖ്യ പങ്കുവഹിക്കാനുണ്ടെന്ന്​ വാങ്​ യി അഭിപ്രായപ്പെട്ടു. രാജ്യത്തെ സംഘര്‍ഷം സമാധാനപരമായി പരിഹരിക്കാന്‍ എല്ലാ സഹായങ്ങളും ചൈന ഉറപ്പുനല്‍കിയിട്ടുണ്ട്​.

കിഴക്കന്‍ തുര്‍ക്കിസ്​താനില്‍ ഉയരുന്ന ഇസ്​ലാമിക പ്രസ്​ഥാനങ്ങള്‍ ഭീഷണിയാകുമെന്നതിനാല്‍ അതില്ലാതാക്കാന്‍ താലിബാന്റെ  സഹായം പ്രതീക്ഷിക്കുന്നതായും വാങ്​ യി കൂടിക്കാഴ്​ചയില്‍ അറിയിച്ചു. ചൈനയിലെ സിന്‍ജ്യങ്​ മേഖലയില്‍ വിഘടനവാദ സംഘങ്ങള്‍ സജീവമാവുകയാണെന്നും അയല്‍രാജ്യമായ അഫ്​ഗാന്‍ കേന്ദ്രീകരിച്ചുള്ള à´šà´¿à´² പ്രവര്‍ത്തനങ്ങള്‍ ചൈനയുടെ സുരക്ഷക്ക്​ ഭീഷണി സൃഷ്​ടിക്കുമെന്ന ആശങ്കയും അദ്ദേഹം പങ്കുവെച്ചു.

അഫ്​ഗാനില്‍ ഭരണം ഉറപ്പിച്ചു കഴിഞ്ഞാല്‍ മറ്റൊരു രാജ്യത്തി​െന്‍റ ആഭ്യന്തരകാര്യത്തില്‍ ഇടപെടില്ലെന്ന്​ താലിബാന്‍ വ്യക്തമാക്കിയിട്ടുണ്ട്​. സിന്‍ജ്യങ്​ പ്രവിശ്യയിലെ ഉയ്​ഗൂര്‍ മുസ്​ലിംകള്‍ക്ക്​ താലിബാന്‍ അഭയം നല്‍കു​േമാ എന്ന ആശങ്കയിലായിരുന്നു ചൈന. അഫ്​ഗാനെ മറ്റു രാജ്യങ്ങളുടെ സുരക്ഷക്ക്​ എതിരായി ഉപയോഗിക്കില്ലെന്നും താലിബാന്‍ ചൈനക്ക്​ ഉറപ്പു നല്‍കി.

അഫ്​ഗാന്‍ ഭരണകൂടവും താലിബാനും തമ്മിലുള്ള സംഘര്‍ഷത്തില്‍ നിര്‍ണായക ഇടപെടലാണ്​ ചൈനയുടെത്​ എന്നാണ്​ വിലയിരുത്തല്‍. അഫ്​ഗാനില്‍ യു.എസ്​ പിന്‍മാറ്റം പ്രഖ്യാപിച്ച സാഹചര്യത്തിലാണ്​ ചൈനയുടെ ഇടപെടല്‍.