അഫ്​ഗാനിസ്​താനില്‍ സിവിലിയന്‍മാര്‍ക്ക്​ നേരെ വെടിവെപ്പ്​; 100 പേര്‍ കൊല്ലപ്പെട്ടു

കാണ്ഡഹാര്‍: അഫ്​ഗാനിസ്​താനില്‍ തോക്കുധാരികളുടെ സംഘം നടത്തിയ ആക്രമണത്തില്‍ 100 സിവിലിയന്‍മാര്‍ കൊല്ലപ്പെട്ടു. കാണ്ഡഹാര്‍ പ്രവിശ്യയിലെ സ്​പിന്‍ ബോള്‍ഡാക്​ ജില്ലയിലാണ്​ ആ​ക്രമണമുണ്ടായത്​. ടോളോ ന്യൂസാണ്​ വാര്‍ത്ത റിപ്പോര്‍ട്ട്​ ചെയ്​തത്​.
അഫ്​ഗാന്‍ ഇന്‍റീരിയര്‍ മിനിസ്റ്ററി ആക്രമണവിവരം സ്ഥിരീകരിച്ചിട്ടുണ്ട്​. താലിബാനാണ്​ ആക്രമണം നടത്തിയതെന്ന്​ അവര്‍ ആരോപിച്ചു. ഭീകരവാദികള്‍ സ്​പിന്‍ ബോള്‍ഡാക്​ ജില്ലയിലെ നിരപരാധികള്‍ക്ക്​ നേരെ ആക്രമണം നടത്തി. വെടിവെപ്പില്‍ 100 പേര്‍ രക്​തസാക്ഷിത്വം വഹിച്ചു. ഇവര്‍ ആളുകളുടെ വീടുകള്‍ കൊള്ളയടിക്കുകയും ചെയ്​തിട്ടുണ്ടെന്ന്​ ഇന്‍റീരിയര്‍ മന്ത്രാലയം വക്​താവ്​ പറഞ്ഞു. കഴിഞ്ഞയാഴ്ച ജില്ലയിലെ അധികാരം താലിബാന്‍ പിടിച്ചിരുന്നു. ഇതിന്​ ശേഷം ഭീകരവാദികള്‍ നഗരത്തിലെ കടകളും വീടുകളും കൊള്ളയടിക്കുന്നതിന്‍റെ ദൃശ്യങ്ങള്‍ പ്രചരിച്ചിരുന്നു.