മിഠായിത്തെരുവില്‍ വഴിയോര കച്ചവടക്കാരെ ഒഴിപ്പിക്കാന്‍ നീക്കം; പോലീസിനെതിരെ കച്ചവടക്കാരുടെ പ്രതിഷേധം

കോഴിക്കോട്: കോവിഡ് നിയന്ത്രണങ്ങള്‍ക്ക് ഇളവുകള്‍ നല്‍കിയതോടെ സജീവമായ മിഠായിത്തെരുവില്‍ വഴിയോര കച്ചവടക്കാര്‍ക്കു നേരെ പോലീസ് നടപടി. വഴിയോര കച്ചവടക്കാരെ ഒഴിപ്പിക്കാന്‍ പോലീസ് ശ്രമിച്ചത് പ്രതിഷേധത്തിന് ഇടയാക്കി. ഭരണ-പ്രതിപക്ഷ സംഘടനകള്‍ പോലീസിനെതിരെ പ്രതിഷേധവുമായി എത്തി.മേശകളും കച്ചവട സാധനങ്ങളും വഴിയരുകി നിരത്തിയതോടെ പോലീസ് എത്തി തടയുകയായിരുന്നു. വഴിയോര കച്ചവടം അനുവദിക്കില്ലെന്നും കേസെടുക്കുമെന്നും സാധനങ്ങള്‍ നീക്കുമെന്നും സിറ്റി പോലീസ് കമ്മീഷണര്‍ ഇന്നലെ വ്യക്തമാക്കിയിരുന്നു. 102 വഴിയോര കച്ചവടക്കാര്‍ക്കാണ് മിഠായിത്തെരുവില്‍ കച്ചവടത്തിന് ലൈസന്‍സുള്ളത്.