ലണ്ടന്‍: കോവിഡ്​ മഹാമാരി ലോകരാജ്യങ്ങള്‍ക്ക് ഭീഷണി ഉയര്‍ത്തുന്നെന്ന് മുന്നറിയിപ്പുമായി യു.എന്‍ ഭക്ഷ്യ സമിതി. 43 രാജ്യങ്ങളിലായി 4.1 കോടി പേര്‍ കൊടും പട്ടിണിയിലാവാന്‍ ​ഏറെ വൈകില്ലെന്നാണ്​ യു.എന്‍ വേള്‍ഡ്​ ഫുഡ്​ പ്രോഗ്രാം (ഡബ്ല്യു.എഫ്​.പി) നല്‍കുന്ന സൂചന. അതെ സമയം ആറു ലക്ഷം പേര്‍ ഇതിനകം പുതുതായി ക്ഷാമവും വറുതിയും പിടികൂടിയവരാണ്.

അടിക്കടിയുള്ള യുദ്ധങ്ങള്‍, കാലാവസ്​ഥ വ്യതിയാനങ്ങള്‍ , സാമ്ബത്തിക ആഘാതങ്ങള്‍ തുടങ്ങിയവക്കൊപ്പം അവശ്യ വസ്തുക്കള്‍ക്ക്​ വില കുത്തനെ ഉയരുന്നതും ഭീഷണിയാവുന്നതായി ഡബ്ല്യു.എഫ്​.പി റിപ്പോര്‍ട്ട്​ ചൂണ്ടിക്കാട്ടുന്നു .

ദക്ഷിണ സുഡാന്‍, യെമന്‍ , എത്യോപ്യ, മഡഗാസ്​കര്‍, എന്നിവിടങ്ങളിലാണ്​ കൊടുംവറുതി ഇതിനകം പിടികൂടിയത്​. നൈജീരിയ, ബുര്‍കിന ഫാസോ എന്നീ രാജ്യങ്ങളിലെ ചിലയിടങ്ങളിലും പട്ടിണി അതി രൂക്ഷമാണ്​. ചില രാജ്യങ്ങളില്‍ പട്ടിണി തിരിച്ചറിയാന്‍ അധികൃതര്‍ വൈകുന്നത്​ 2011ല്‍ സുഡാനിലുണ്ടായ കൂട്ടമരണത്തിന്റെ സമാന അനുഭവം ആവര്‍ത്തിക്കാനിടയാക്കുമെന്നും യു.എന്‍ മുന്നറിയിപ്പ്​ നല്‍കുന്നു. 130,000 പേര്‍ മരിച്ച ശേഷമായിരുന്നു സുഡാനില്‍ ലോകം നടപടിയെടുത്തത് .

പതിറ്റാണ്ടുകള്‍ക്കു ശേഷം 2016 മുതല്‍ ലോകത്തെ വിവിധ രാജ്യങ്ങളില്‍ പട്ടിണിക്ക് ആക്കം കൂടുകയാണ് . 2019ല്‍ 2.7 കോടി പേര്‍ പട്ടിണിക്ക്​ അരികിലായിരുന്നുവെങ്കില്‍ കോവിഡ്​ മഹാമാരിയില്‍ എണ്ണം കുത്തനെ വര്‍ധിച്ചു .കഴിഞ്ഞ മേയ്​ മാസത്തിനുശേഷം ആഗോള വ്യാപകമായി ഭക്ഷ്യ വസ്​തുക്കള്‍ക്ക്​ വില കൂടിയതും പ്രതിസന്ധി കൂട്ടി .

മാംസം, പഞ്ചസാര, ധാന്യങ്ങള്‍, എണ്ണക്കുരുക്കള്‍, പാലുല്‍പന്നങ്ങള്‍, എന്നിവക്ക്​ 40 ശതമാനം വരെയാണ്​ വില ഉയര്‍ന്നത്​. ചോളത്തിന്​ 90 ശതമാനം വില കൂടിയതായും സംഘടന വെളിപ്പെടുത്തുന്നു . ഗോതമ്ബിന്​ കൂടിയത്​ 30 ശതമാനം.സുഡാന്‍, സിംബാബ്​വെ , വെനസ്വേല, നൈജീരിയ, എന്നീ രാജ്യങ്ങളില്‍ നാണയത്തി​െന്‍റ മൂല്യം ഇടിയുന്നതും വില്ലനാകും. നിലവില്‍ മൊത്തം ജനസംഖ്യയുടെ ഒമ്ബതു ശതമാനം- അഥവാ 69 കോടി പേര്‍ ഓരോ ദിവസവും അന്തിയുറങ്ങുന്നത്​ വിശപ്പോടെയാണെന്നും ഡബ്ല്യു.എഫ്​.പി വിലയിരുത്തുന്നു .