മ്യാന്മറില്‍ കൂട്ട മരണങ്ങള്‍ ഉണ്ടാകുമെന്ന് യു.എന്‍ മുന്നറിയിപ്പ്

മ്യാന്മറില്‍ പട്ടിണിയും വിവിധ രോഗങ്ങളും കാലാവസ്ഥാ വ്യതിയാനവും മൂലം കൂട്ട മരണങ്ങള്‍ നടക്കുമെന്ന് ഐക്യരാഷ്ട്ര സഭയുടെ മുന്നറിയിപ്പ്. സൈന്യത്തിന്റെ ക്രൂരവും വിവേചനരഹിതവുമായ ആക്രമണങ്ങള്‍ മൂലം പതിനായിരക്കണക്കിന് ആളുകളെയാണ് ഖയാ പ്രവിശയിലെ വീടുകളില്‍ നിന്ന് പലായനം ചെയ്യാന്‍ നിര്‍ബന്ധിതമായത്.മ്യാന്മറിലെ കിഴക്കന്‍ പ്രവിശ്യയായ ഖയാഹില്‍ സൈന്യത്തിന്റെ മൃഗീയമായ പീഡനങ്ങളും വിവേചനവും മൂലം ജനങ്ങള്‍ കൂട്ടപ്പലായനം നടത്തുകയാണെന്നും ഇവിടെ ജനങ്ങള്‍ ഭക്ഷണത്തിനും വെള്ളത്തിനും ബുദ്ധിമുട്ട് അനുഭവിക്കുന്നുണ്ടെന്നും യു.എന്‍ മനുഷ്യാവകാശ വിഭാഗം പറഞ്ഞു.