അബുദാബി: അപകട സ്ഥലങ്ങളില്‍ ജനക്കൂട്ടം കൂടി നില്‍ക്കുന്നത് യുഎഇയില്‍ നിയമലംഘനമാണെന്ന മുന്നറിയിപ്പുമായി അബുദാബി പൊലീസ്. അപകടത്തിന്റെ  ദൃശ്യങ്ങള്‍ പകര്‍ത്തി സാമൂഹിക മാധ്യമങ്ങളിലൂടെ പ്രചരിപ്പിക്കുന്നവര്‍ക്ക് വന്‍ തുക പിഴ ഈടാക്കുമെന്നും അധികൃതര്‍ മുന്നറിയിപ്പ് നല്‍കി .

1,50,000 ദിര്‍ഹം(30 ലക്ഷത്തോളം )ആണ് ഇത്തരത്തില്‍ അപകടത്തിന്‍റെ ദൃശ്യങ്ങള്‍ പ്രചരിപ്പിക്കുന്നവര്‍ക്ക് ശിക്ഷയായി ലഭിക്കുക.എന്നാല്‍ 1,000 ദിര്‍ഹമാണ് അപകടസ്ഥലത്ത് കൂട്ടം കൂടി നിന്നാല്‍ പിഴയായി ഈടാക്കുക.

അപകടം, അഗ്നിബാധ എന്നിവ സംഭവിക്കുമ്ബോള്‍ ഇത്തരം സ്ഥലങ്ങളില്‍ ജനങ്ങള്‍ കൂട്ടംകൂടി നില്‍ക്കുന്നത് രക്ഷാപ്രവര്‍ത്തനങ്ങള്‍ക്ക് തടസ്സം സൃഷ്ടിക്കുന്നതായി പൊലീസ് ചൂണ്ടിക്കാട്ടി. നിയമലംഘനം ആവര്‍ത്തിച്ചാല്‍ കടുത്ത ശിക്ഷയുണ്ടാകുമെന്ന് പൊലീസ് ആവര്‍ത്തിച്ചു .