ബ്രസീലില്‍ മയക്കുമരുന്ന്​ സംഘവും പൊലീസും ഏറ്റുമുട്ടി; 25 പേര്‍ കൊല്ലപ്പെട്ടു

റിയോ ഡി ജനീറോ: ബ്രസീലില്‍ മയക്കുമരുന്ന്​ കള്ളക്കടത്തുകാരും പൊലീസും തമ്മിലുണ്ടായ വെടിവെപ്പില്‍ 25 പേര്‍ കൊല്ലപ്പെട്ടു. റിയോ ഡി ജനീറോയിലെ ജാക്കറെസിന്‍ഹോ ചേരി പരിസരത്താണ്​ സംഭവം​.
വെടിവെപ്പില്‍ ഒരു പൊലീസുകാരനും കൊല്ലപ്പെട്ടു. മറ്റുള്ളവര്‍ ചേരിയിലെ മയക്കുമരുന്ന് കടത്ത് സംഘത്തിലെ അംഗങ്ങളാണെന്ന് പൊലീസ്​ പറഞ്ഞു. റിയോ സംസ്ഥാനത്ത്​ 16 വര്‍ഷത്തിനിടെ നടക്കുന്ന ഏറ്റവും വലിയ പൊലീസ് ഓപ്പറേഷനാണിത്. 2007ല്‍ കോംപ്ലക്സോ ഡോ അലേമാവോ ചേരിയില്‍ നടന്ന ഏറ്റുമുട്ടലില്‍ 19 പേരാണ്​ കൊല്ലപ്പെട്ടത്​.ആക്രമികളില്‍നിന്ന്​ പിടിച്ചെടുത്ത ആയുധങ്ങള്‍ പൊലീസ് വാര്‍ത്താസമ്മേളനത്തില്‍ പ്രദര്‍ശിപ്പിച്ചു. ആറ് റൈഫിളുകള്‍, 15 ഹാന്‍ഡ്‌ഗണ്ണുകള്‍, ഒരു മെഷീന്‍ ഗണ്‍, 14 ഗ്രനേഡുകള്‍, ഒരു പീരങ്കി വെടിമരുന്ന് എന്നിവയാണ്​ പിടിച്ചെടുത്തത്​​. à´®à´¯à´•àµà´•àµà´®à´°àµà´¨àµà´¨àµ കടത്തിന് പുറമെ ഇവര്‍ ചരക്ക് ട്രക്കുകള്‍ കൊള്ളയടിക്കുകയും ട്രെയിനില്‍ യാത്രക്കാരെ കവര്‍ച്ച നടത്താറുണ്ടെന്നും പൊലീസ്​ അറിയിച്ചു.അതേസമയം, ഏറ്റുമുട്ടലിനെതിരെ ആംനസ്റ്റി ഇന്‍റര്‍നാഷനല്‍ ഉള്‍പ്പെടെയുള്ള മനുഷ്യാവകാശ സംഘങ്ങള്‍ വിമര്‍ശനവുമായി രംഗത്തെത്തി. കറുത്തവരും ദരിദ്രരും താമസിക്കുന്ന ചേരിയില്‍ അപലപനീയമായ ആക്രമണമാണ്​ നടന്നത്​. ഇത്രയും പേര്‍ കൊല്ലപ്പെട്ടത്​ നീതീകരിക്കാനവില്ലെന്നും ആംനസ്റ്റി ഇന്‍റര്‍നാഷനല്‍ ബ്രസീല്‍ എക്സിക്യൂട്ടീവ് ഡയറക്ടര്‍ ജുറേമ വെര്‍നെക് പറഞ്ഞു.സംഭവത്തെക്കുറിച്ച്‌​ സമഗ്രവും സ്വതന്ത്രവുമായ അന്വേഷണം വേണമെന്ന്​ ഹ്യൂമണ്‍ റൈറ്റ്​സ്​ വാച്ച്‌ (എച്ച്‌​.ആര്‍.ഡബ്ല്യു)​ ആവശ്യപ്പെട്ടു. എച്ച്‌​.ആര്‍.ഡബ്ല്യു​ കണക്കനുസരിച്ച്‌ ഇൗ വര്‍ഷം റിയോ പൊലീസ് 453 പേരെയാണ്​ കൊലപ്പെടുത്തിയത്​. നാല് പൊലീസ് ഉദ്യോഗസ്ഥരും കൊല്ലപ്പെട്ടു. കോവിഡ്​ മഹാമാരിക്കിടയില്‍ ചേരികളില്‍ ഇത്തരം ആക്രമണങ്ങള്‍ നടത്തരുതെന്ന്​ സുപ്രീം കോടതി വിധിയുണ്ടായിട്ടും അതി​െന്‍റ കടുത്ത ലംഘനമാണ്​ ഇപ്പോള്‍ നടന്നതെന്ന്​ എച്ച്‌​.ആര്‍.ഡബ്ല്യു കുറ്റപ്പെടുത്തി.