മരുന്ന്​ ക്ഷാമം, നൂറില്‍ താഴെ​ ഐ.സി.യു കിടക്കകള്‍ മാത്രം; ഡല്‍ഹിയില്‍ സ്ഥിതി രൂക്ഷമെന്ന്​ കെജ്​രിവാള്‍

ന്യൂഡല്‍ഹി: നൂറില്‍ താഴെ കിടക്കകള്‍ മാത്രമാണ്​ ഡല്‍ഹിയിലെ ഐ.സി.യുകളില്‍ മിച്ചമുള്ളതെന്ന്​ ഡല്‍ഹി മുഖ്യമന്ത്രി അരവിന്ദ്​ കെജ്​രിവാള്‍. കോമണ്‍വെല്‍ത്ത്​ ഗെയിംസ്​ വില്ലേജും ചില സ്​കൂളുകളും കോവിഡ്​ രോഗികളെ പാര്‍പ്പിക്കാനുള്ള സെന്‍ററുകളാക്കു​െമന്നും അദ്ദേഹം പറഞ്ഞു. ഞായറാഴ്ച രാവിലെ മന്ത്രിസഭ യോഗത്തിന്​ ശേഷം മാധ്യമങ്ങ​ളെ അറിയിച്ചതാണിക്കാര്യം​.
ഡല്‍ഹിയിലെ അവസ്ഥയെ കുറിച്ച്‌​ കേന്ദ്ര ആഭ്യന്തര വകുപ്പ്​ മന്ത്രി അമിത്​ ഷായുമായും ആരോഗ്യ മന്ത്രി ഹര്‍ഷ്​വര്‍ധനുമായും സംസാരിച്ചിട്ടുണ്ട്​. കൂടുതല്‍ കിടക്കകളും ഓക്​സിജന്‍ സിലിണ്ടറുകളും വേണമെന്ന്​ ആവശ്യപ്പെട്ടിട്ടുണ്ട്​. പുതുതായി 6000 കിടക്കകള്‍ കൂടി വരു​ം ദിവസങ്ങളില്‍ എത്തുമെന്നാണ്​ പ്രതീക്ഷിക്കുന്നതെന്നും കെജ്​രിവാള്‍ പറഞ്ഞു. à´°à´¾à´œàµà´¯à´¤à´²à´¸àµà´¥à´¾à´¨à´¤àµà´¤àµâ€‹ കോവിഡ്​ രൂക്ഷമായ പശ്ചാത്തലത്തില്‍ ലഭ്യമായ കിടക്കകളുടെ എണ്ണം വര്‍ധിപ്പിക്കാനുള്ള à´•à´ à´¿à´¨ പരിശ്രമത്തിലാണ്​ ഡല്‍ഹി സര്‍ക്കാര്‍.
ഡല്‍ഹിയില്‍ കിടക്കകളുടെയും ഓക്​സിജന്‍റെയും അവശ്യ മരുന്നുകളുടെയും ലഭ്യതക്കുറവ്​ അനുഭവപ്പെടുന്നുണ്ട്​. ശനിയാഴ്ച വൈകുന്നേരത്തെ കണക്കനുസരിച്ച്‌​ 24 മണിക്കൂറിനിടെ 24,000 പേര്‍ക്കാണ്​ ഡല്‍ഹിയില്‍ പുതുതായി കോവിഡ്​ സ്ഥിരീകരിച്ചത്​. ഐ.സി.യുകളില്‍ 90 ശതമാനം കിടക്കകളും രോഗികളാല്‍ നിറഞ്ഞിരിക്കുന്നതിനാല്‍ പുതുതായി കോവിഡ്​ സ്ഥിരീകരിച്ച്‌​ എത്തുന്നവര്‍ കിടക്കയില്ലാ​െത ബുദ്ധിമുട്ടിലാവുകയാണ്​.
ഓക്​സിജന്‍ സിലിണ്ടറുകള്‍ക്ക്​ വേണ്ടി സ്വകാര്യ വിതരണക്കാരെ സമീപിച്ചവര്‍ക്ക്​ സ്​റ്റോക്കില്ലെന്ന മറുപടിയാണ്​ ലഭിച്ചത്​. ഡല്‍ഹിയില്‍ 24 മണിക്കൂറിനുള്ളില്‍ കോവിഡ്​ ടെസ്റ്റ്​ പോസിറ്റിവിറ്റി നിരക്ക് 24 ശതമാനത്തില്‍ നിന്ന്​ 30 ശതമാനമായി ഉയര്‍ന്നിട്ടുണ്ട്​​​.