ചിരിയിലൂടെ ചിന്തിപ്പിച്ച്‌ ഒരു ചെറു ചിത്രം; മികച്ച പ്രതികരണവുമായി 'ചിരി'

ജോ ജോണ്‍ ചാക്കോ, കെവിന്‍ ജോസ്, അനീഷ് ഗോപാല്‍ എന്നിവരെ കേന്ദ്ര കഥാപാത്രങ്ങളാക്കി ജോസഫ് പി കൃഷ്ണ ഒരുക്കിയ 'ചിരി' എന്ന ചിത്രം മികച്ച പ്രതികരണവുമായി മുന്നേറുന്നു. പ്ലസ് ടൂ കാലത്തിന് ശേഷം കൂട്ടത്തില്‍ ഒരാളുടെ കല്യാണത്തിന് വിളിക്കാതെ എത്തുന്ന കൂട്ടുകാരനും ആ കൂട്ടുകാരനിലൂടെ ഉണ്ടാകുന്ന പ്രശ്‌നങ്ങളുമാണ് 'ചിരി'യിലൂടെ അവതരിപ്പിക്കുന്നത്. രണ്ട് കാലഘട്ടങ്ങളിലെ അബദ്ധങ്ങളും തമാശകളുമൊക്കെയായി ചിരിയുടെ മാലപ്പടക്കത്തിന് തീ കൊളുത്തികൊണ്ടാണ് ചിത്രം മുന്നോട്ടു പോകുന്നത്. പ്രേക്ഷകരെ ഒരു തരി പോലും നിരാശപ്പെടുത്താതെ അവസാനം വരെ കൊണ്ടു പോകാന്‍ സിനിമയ്കക്ക് സാധിക്കുന്നുണ്ട്. ചെറിയ ബഡ്ജറ്റില്‍ ഒരുങ്ങിയ ചിത്രം പ്രൈം റീല്‍സ് വഴിയാണ് പുറത്തെത്തിയിരിക്കുന്നത്.