തീര്‍ച്ചയായും ഗ്ലാസ്‌ഗോ COP26 യോഗത്തില്‍ പങ്കെടുക്കാന്‍ ഏറെ ഇഷ്ടപ്പെടുന്നു. എന്നാല്‍ എല്ലാവര്‍ക്കും ഒരേപോലെ പങ്കെടുക്കാനാവാത്ത സാഹചര്യമാണ്. ഉയര്‍ന്ന അപകടസാധ്യതയുള്ള ഗ്രൂപ്പുകളെയും മറ്റ് രാജ്യങ്ങളിലെ കോവിഡ് മുന്‍നിര തൊഴിലാളികളെയും അവഗണിച്ചുകൊണ്ട് പല രാജ്യങ്ങളും തങ്ങളുടെ ആരോഗ്യമുള്ള ജനതയ്ക്ക് വാക്‌സിന്‍ നല്‍കിയിരിക്കുന്നു. കോവിഡ് വാക്‌സിന്‍ സ്വീകരിച്ച്‌ ഒരേപോലെ എല്ലാവര്‍ക്കും ഉച്ചകോടിയില്‍ എത്താന്‍ കഴിയുന്നില്ലെങ്കില്‍ അത് ജനാധിപത്യവിരുദ്ധമാണ്. വാക്‌സിന്‍ ദേശീയത മഹാമാരിക്ക് പരിഹാരമാകില്ല. ആഗോള പ്രശ്‌നങ്ങള്‍ക്ക് ആഗോള പരിഹാരം തന്നെയാണ് ആവശ്യമെന്നും ഗ്രേറ്റ പറയുന്നു.