കമ്യൂണിസ്റ്റ്​ ചെക്കോസ്ലാവാക്യയി ൽ നാസി കോണ്‍സന്‍ട്രേഷന്‍ ക്യാമ്പ് മാതൃകയിലുള്ള ക്യാമ്പുകളുടെ അവശിഷ്​ടങ്ങള്‍ കണ്ടെത്തി

പ്രാഗ്​: ചെക്​ റിപ്പബ്ലിക്കുകാര്‍ എന്നേ മറന്നതാണ്​ പഴയ സോവ്യറ്റ്​ ആധിപത്യവും അക്കാലത്തെ കൊടിയ പീഡനങ്ങളുടെ തുല്യതയില്ലാ കഥകളും. ശീതയുദ്ധം മൂര്‍ധന്യത്തില്‍ നിന്ന ഘട്ടത്തില്‍ പ്രാഗിലുയര്‍ന്ന കൂറ്റന്‍ ജോസഫ്​ സ്റ്റലിന്‍ പ്രതിമ ഏറെ കാലം രാജ്യ​​​ത്തെ വേട്ടായാടാന്‍ ഉണ്ടായിരുന്നില്ലെങ്കിലും ലെറ്റ്​ന പാര്‍ക്കിലെ ആ ഭാഗം ഇപ്പോഴും പഴയ ഭീതി പങ്കുവെച്ച്‌​ ഭാഗികമായെങ്കിലും ബാക്കികിടപ്പുണ്ട്​. പ്രതിമ തകര്‍ത്ത്​, 60 വര്‍ഷം കഴിഞ്ഞ്​ നടത്തിയ ഗവേഷണങ്ങളാണ്​ അതിനോടു ചേര്‍ന്ന്​ നിലനിന്ന വിശാലമായ ക്യാമ്ബുകളെ കുറിച്ച്‌​ സൂചന നല്‍കുന്നത്​. അവയില്‍ തടവിലെന്ന പോലെ കഴിഞ്ഞവരെ കുറിച്ച്‌​ സൂചനകളും പുതുതായി പുറത്തുവന്നുതുടങ്ങിയിട്ടുണ്ട്​.1948ലാണ്​ ചെക്കോസ്ലാവാക്യ സോവ്യറ്റ്​ റഷ്യക്കു കീഴിലായിരുന്നത്​. അന്ന്​ റഷ്യ ഭരിച്ച സ്റ്റാലിന്‍ പിന്നീട്​ ഈ രാജ്യത്ത്​ ചെയ്​തുകൂട്ടിയ ഭീകരതകള്‍ ചരിത്രം രേഖപ്പെടുത്തിയിട്ടുണ്ട്​. പക്ഷേ, അവയിലൊന്നും ജനപ്രിയമായ ലെറ്റ്​ന പാര്‍ക്കിനോടു ചേര്‍ന്ന്​ അന്നുണ്ടായിരുന്ന ക്യാമ്ബുകളെ കുറിച്ച്‌​ സൂചനകളില്ല. ചരിത്രകാരന്മാര്‍ എവിടെയും ക്യാമ്ബുകളെ കുറിച്ച്‌​ സൂചിപ്പിക്കാതെ പോയതെന്തുകൊണ്ടാകും എന്നതാണ്​ പ്രധാന ചോദ്യം.എന്നാല്‍, സ്റ്റാലിന്‍ മരിച്ച്‌​ രണ്ടു വര്‍ഷം കഴിഞ്ഞ്​ പ്രതിമ 1955ല്‍ അനാഛാദനം ചെയ്യും മു​െമ്ബ ഈ ക്യാമ്ബുകളും പൂര്‍ണമായി തുടച്ചുനീക്കിയിരുന്നുവെന്നാണ്​ കരുതുന്നത്​. ബാക്കിവെച്ച അടിത്തറ മാത്രമാണ്​ ചിലതെങ്കിലും അവശേഷിപ്പിച്ചത്​. 1989 ലെ വെല്‍വെറ്റ്​ വിപ്ലവത്തോടെ കമ്യൂണിസ്റ്റ്​ ഭരണം പടിയിറങ്ങിയതില്‍പിന്നെയാണ്​ ഇവ തേടിയുള്ള അന്വേഷണങ്ങള്‍ വൈകിയാണെങ്കിലും തുടങ്ങിയത്​. അടുത്തിടെ ബൊഹീമിയയില്‍ സമാനമായ ഒരു ക്യാമ്ബ്​ കണ്ടെടുത്തിരുന്നു.നാസികള്‍ ജര്‍മനിയില്‍ സ്​ഥാപിച്ചതിനു സമാനമായ ക്യാമ്ബുകളായിരുന്നു ഇവയെന്നാണ്​ കരുതുന്നത്​. മരത്തില്‍നിര്‍മിച്ച മൂന്നു ബാരക്കുകളിലായി നിരവധി പേരെ പാര്‍ച്ചിട്ടുണ്ടാകണം. കമ്യൂണിസ്റ്റ്​ ചെക്കോസ്ലാവാക്യയെ എതിര്‍ത്ത​വരെ കൂട്ടമായി എത്തിച്ച്‌​ കോണ്‍സന്‍ട്രേഷന്‍ ക്യാമ്ബുകളിലെന്ന പോലെ പാര്‍പ്പിക്കുകയായിരുന്നുവെന്നാണ്​ കരുതുന്നത്​. പട്ടാളക്കാര്‍ മാത്രമല്ല, വിമത ശബ്​ദമുയര്‍ത്തിയ സാധാരണക്കാരും ഇവിടെ അടക്കപ്പെട്ടതായാണ്​ നിഗമനം.ചരിത്രം രേഖപ്പെടുത്തിയ പ്രേഗിലെ സ്റ്റാലിന്‍ പ്രതിമ തന്നെ രാജ്യത്തെ മുള്‍മുനയില്‍ നിര്‍ത്തിയതായിരുന്നു. ഇതിന്‍റെ ശില്‍പിയായിരുന്ന ഒറ്റാകര്‍ സ്​വെക്​ പ്രതിമ അനാഛാദനം ചെയ്യുന്നതിന്​ നാളുകള്‍ക്ക്​ മുമ്ബ്​ ആത്​മഹത്യ ചെയ്​തു. പിന്‍ഗാമിയായി എത്തിയ നികിത ക്രൂഷ്​ചേവ്​ സ്​റ്റാലിന്‍റെ ചെയ്​തികളെ തള്ളിപ്പറഞ്ഞതോടെ ഈ പ്രതിമക്കും ആയുസ്സേറെയുണ്ടായില്ല. മോസ്​കോയില്‍നിന്നുള്ള സമ്മര്‍ദങ്ങള്‍ക്കൊടുവില്‍ 1962ല്‍ തകര്‍ക്കുകയായിരുന്നു.