സീനായിയില്‍ ഈജിപ്​ത്​ തകര്‍ത്തത്​ 12,300 കെട്ടിടങ്ങള്‍; യുദ്ധക്കുറ്റമെന്ന്​ മനുഷ്യാവകാശ സംഘടന

കെയ്​റോ: ഈജിപ്​തില്‍ ജനാധിപത്യപരമായി തെരഞ്ഞെടുക്കപ്പെട്ട പ്രഥമ പ്രസിഡന്‍റ്​ മുഹമ്മദ്​ മുര്‍സിയെ സൈന്യം അധികാര ഭ്രഷ്​ടനാക്കിയ ശേഷം എട്ടു വര്‍ഷത്തിനിടെ ബ്രദര്‍ഹുഡ്​ വേട്ടയുടെ പേരില്‍ സീനായ്​ പ്രവിശ്യയില്‍ മാത്രം തകര്‍ത്തത്​ 12,300 കെട്ടിടങ്ങള്‍. സര്‍ക്കാര്‍ വിരുദ്ധ പ്രക്ഷോഭം അടിച്ചമര്‍ത്താനെന്ന പേരില്‍ നടത്തിയ ഈ അതിക്രമങ്ങള്‍ യുദ്ധക്കുറ്റത്തിന്​ സമാന​മാണെന്ന്​ യു.എസ്​ ആസ്​ഥാനമായ ഹ്യൂമന്‍ റൈറ്റ്​സ്​ വാച്ച്‌​ കുറ്റപ്പെടുത്തി.
15,000 ഏക്കര്‍ കൃഷി ഭൂമിയും ഇതോടൊപ്പം സൈന്യം നശിപ്പിച്ചിട്ടുണ്ട്​. ഇവയിലേറെയും 2016നുശേഷമാണെന്നും റിപ്പോര്‍ട്ട്​ പറയുന്നു. കെട്ടിടങ്ങള്‍ വ്യാപകമായി നശിപ്പിക്കലും നിര്‍ബന്ധിത കുടിയൊഴിപ്പിക്കലും യുദ്ധക്കുറ്റത്തിന്​ സമാനമായ അപരാധമാണ്​. സീനായ്​ അല്‍ അരീഷ്​ വിമാനത്താവളത്തിനു സമീപത്തെ പ്രത്യേക മേഖലയിലാണ്​ വ്യാപകമായി നശിപ്പിച്ചത്​. ഈജിപ്​തില്‍ ​െഎ.എസ്​ നിയന്ത്രണമാരോപിച്ചും സൈന്യം സീനായ്​ മേഖലയില്‍ വ്യാപക അതിക്രമം നടത്തിയിരുന്നു. ഇവിടെ മാത്രം 970 പേരാണ്​ സൈനിക നീക്കത്തില്‍ കൊല്ലപ്പെട്ടത്​.