ഗ്രാമി പുരസ്​കാരനിറവില്‍ വീണ്ടും ബിയോണ്‍സ്​, ടെയ്​ലര്‍ സ്വിഫ്​റ്റ്​

ന്യൂയോര്‍ക്​: ഈ വര്‍ഷത്തെ ഗ്രാമി പുരസ്​കാരങ്ങള്‍ പ്രഖ്യാപിച്ചു. 28ാം തവണ ഗ്രാമി മാറോടുചേര്‍ത്ത ബിയോണ്‍സ്​ ചരിത്രത്തില്‍ ഏറ്റവും കൂടുതല്‍ തവണ ഇതേ പുരസ്​കാരം നേടുന്ന വനിതയായി. നാല്​ വിഭാഗങ്ങളില്‍ ഇത്തവണ ബിയോണ്‍സ്​ തിളങ്ങി. 2001ലാണ്​ ഗായിക ആദ്യമായി ഗ്രാമി പുരസ്​കാരവുമായി ശ്ര​ദ്ധ നേടുന്നത്​. ഒമ്ബതു നാമനിര്‍ദേശങ്ങള്‍ ഇത്തവണ ബിയോണ്‍സിന്‍റെ പേരിലുണ്ടായിരുന്നു.
ഈ വര്‍ഷത്തെ ഏറ്റവും മികച്ച ആല്‍ബമായി ടെയ്​ലര്‍ സ്വിഫ്​റ്റിന്‍റെ ഫോക്​ലോര്‍ തെരഞ്ഞെടുക്കപ്പെട്ടു. ഇതോടെ മൂന്നുതവണ മികച്ച ആല്‍ബമായി തെരഞെടുക്കപ്പെടുന്ന ചരിത്രം​ സ്വിഫ്​റ്റ്​ തന്‍റെ പേരില്‍ കുറിച്ചു. മികച്ച റെക്കോഡായി 'എവരിതിങ്​ ഐ വാണ്ടഡും' ഗാനമായി 'ഐ കാ'ണ്ട്​ ബ്രീത്​'ഉം പുതിയ ഗായികമായി മെഗന്‍ ദീ സ്റ്റാലിയണും തെരഞ്ഞെടുക്കപ്പെട്ടു. മികച്ച റാപ്​ ഗാനം, റാപ്​ പ്രകടനം എന്നിവയിലും മെഗന്‍ ഗ്രാമി നേടി. കറുത്ത വംശരുടെ കരുത്തിന്‍റെ ആഘോഷമായി ഒരുങ്ങിയ ''ബ്ലാക്​ പരേഡി'നാണ്​ ബിയോണ്‍സ്​ ആദരിക്കപ്പെട്ടത്​. യു.എസിനെ പിടിച്ചുലച്ച 'കറുത്തവരുടെ ജീവനും വലുതാണ്​' കാമ്ബയിന്‍ കാലത്ത്​ രാജ്യം ഏറ്റെടുത്ത ഗാനമാണ്​ ബ്ലാക്​ പരേഡ്​. 27 ഗ്രാമി പുരസ്​കാരങ്ങള്‍ നേടിയ അലിസണ്‍ ക്രോസിന്‍റെ പേരിലായിരുന്നു ഇതുവരെയും ഏറ്റവും കൂടുതല്‍ ഗ്രാമിയെന്ന വനിതകളിലെ റെക്കോഡ്​. ലോസ്​ ആഞ്ചലസ്​ കണ്‍വെന്‍ഷന്‍ സെന്‍ററില്‍ പരിമിത സദസ്സിനു മുന്നിലായിരുന്നു 63ാം ഗ്രാമി പുരസ്​കാരങ്ങള്‍ സമ്മാനിക്കപ്പെട്ടത്​. മികച്ച മ്യൂസിക്​ വിഡ​ിയോ ആയി ബ്രൗണ്‍ സ്​കിന്‍ ഗേള്‍, ആര്‍ ആന്‍റ്​ ബി ​ആല്‍ബം- ബിഗ്ഗര്‍ ​ലവ്​, റാപ്​ ആല്‍ബം- കിങ്​സ്​ ഡിസീസ്​, കണ്‍ട്രി ആല്‍ബം- വൈല്‍ഡ്​ കാര്‍ഡ്​, പോപ്​ സോളോ പ്രകടനം- ഹാരി സ്​റൈല്‍സ്​ തുടങ്ങിയവയാണ്​ മറ്റു പുരസ്​കാരങ്ങള്‍.