മെഡി​റ്ററേനിയന്‍ കടലില്‍ ഇറാന്‍ കപ്പലിനു നേരെ ആക്രമണം

ഡമസ്​കസ്​: സിറിയയിലേക്ക്​ എണ്ണയുമായി പോയ ഒരു ഡസനിലേറെ ഇറാനിയന്‍ ചരക്കുകപ്പലുകള്‍ അടുത്തിടെ ഇസ്രായേല്‍ ആക്രമിച്ചെന്ന വെള​ിപ്പെടുത്തലിന്‍റെ ചൂടാറും മുമ്ബ്​ ഇറാന്‍ ചരക്കുകപ്പലിനു നേരെ വീണ്ടും ആക്രമണം. യൂറോപിലേക്ക്​ ചരക്കുമായി പോയ ഷഹ്​റെ കുര്‍ദ്​ എന്ന കപ്പലിനു നേരെയാണ്​ ആക്രമണമുണ്ടായതെന്ന്​ ഉടമസ്​ഥരായ ഇറാനിയന്‍ സര്‍ക്കാര്‍ കമ്ബനി അറിയിച്ചു. കപ്പലില്‍ ചെറിയ അഗ്​നിബാധ ഉണ്ടായെങ്കിലും വലിയ കേടുപാടുകളില്ലെന്നും ആര്‍ക്കും പരി​ക്കുമില്ലെന്നും കമ്ബനി വ്യക്​തമാക്കി. കേടുപാടുകള്‍ തീര്‍ത്ത്​ ലക്ഷ്യത്തിലേക്ക്​ വീണ്ടും യാത്ര തുടരുമെന്നും അധികൃതര്‍ അറിയിച്ചിട്ടുണ്ട്​.
രണ്ടാഴ്ച മുമ്ബ്​ ഹെലിയോസ്​ റേ എന്ന ഇസ്രായേല്‍ ചരക്കു കപ്പല്‍ ഒമാന്‍ കടലില്‍ ആ​ക്രമണത്തിനിരയായിരുന്നു. പിന്നില്‍ ഇറാനാണെന്ന്​ ഇസ്രായേല്‍ ആരോപിച്ചിരുന്നു. കഴിഞ്ഞ ആഴ്ചകളില്‍ മാത്രം മൂന്ന്​ ഇറാന്‍ ചരക്കുകപ്പലുകള്‍ ചെങ്കടലിലും ആക്രമണത്തിനിരയായി. ഇവയുള്‍പെടെ ഒരു ഡസനിലേറെ ഇറാന്‍ കപ്പലുകള്‍ക്കു നേരെ ഇസ്രായേല്‍ ആക്രമണം സ്​ഥിരീകരിച്ച്‌​ കഴിഞ്ഞ ദിവസം യു.എസ്​ മാധ്യമമായ വാള്‍ സ്​ട്രീറ്റ്​ ജേണല്‍ റിപ്പോര്‍ട്ട്​ ചെയ്​തിരുന്നു. വാര്‍ത്ത ഇതുവരെ ഇസ്രായേല്‍ നിഷേധിച്ചിട്ടില്ല. 2019ല്‍ നാവിക സേനയോട്​ നടത്തിയ പ്രസംഗത്തിനിടെ കടല്‍ വഴി എണ്ണ കടത്ത്​ ഇറാന്‍ സാമ്ബത്തിക സ്രോതസ്സ്​ കണ്ടെത്താനുള്ള ഉപാധിയാക്കി മാറ്റുകയാണെന്നും അതിനെ ചെറുക്കല്‍ ഇസ്രായേലിന്‍റെ ഉത്തരവാദിത്തമാണെന്നും പ്രധാനമന്ത്രി ബിന്‍യമിന്‍ നെതന്യാഹു പറഞ്ഞിരുന്നു. ഇതിനു ശേഷമാണ്​ ഇറാന്‍ കപ്പലുകള്‍ വ്യാപകമായി ആക്രമിക്കപ്പെട്ടത്​. ഇസ്രായേലിന്‍റെ പങ്ക്​ സ്​ഥിരീകരിച്ച്‌​ മുതിര്‍ന്ന യു.എസ്​ ഉദ്യോഗസ്​ഥരെ ഉദ്ധരിച്ചാണ്​ വാള്‍ സ്​ട്രീറ്റ്​ ജേണല്‍ റിപ്പോര്‍ട്ട്​ നല്‍കിയത്​. നാവിക ശേഷിയിലും പശ്​ചിമേഷ്യയില്‍ ശക്​തരായ ഇസ്രായേലിന്‍റെ യുദ്ധക്കപ്പലുകളും അഞ്ച്​ അന്തര്‍വാഹിനികളും മെഡിറ്ററേനിയനിലും ചെങ്കടലിലും സജീവ സാന്നിധ്യമാണ്​. ബുധനാഴ്ച നടന്ന ആക്രമണം നാവിക ​കൊള്ളയാണെന്നും ​രാജ്യാന്തര ചട്ടങ്ങള്‍ക്കും കപ്പല്‍വഴിയുള്ള വാണിജ്യ കടത്തിനും എതിരാണെന്നും പ്രതികളെ കണ്ടെത്തുമെന്നും ഇറാന്‍ മുന്നറിയിപ്പ്​