സാഹോദര്യവും സമാധാനവും പുലരട്ടെ; മാര്‍പ്പാപ്പയുടെ ഇറാഖിലെ ചരിത്രസംഗമത്തിന്​ പരിസമാപ്തി

എര്‍ബില്‍: സാഹോദര്യവും സമാധാനവും പുലരട്ടെയെന്ന് ആഹ്വാനം ചെയ്ത് ഫ്രാന്‍സിസ് മാര്‍പ്പാ‍പ്പയുടെ ഇറാഖിലെ ചരിത്രസംഗമത്തിന്​ പരിസമാപ്തി. കുര്‍ദ്ദിസ്ഥാന്‍ തലസ്ഥാനമായ എര്‍ബിലിലെ ഫ്രാന്‍സൊ ഹരീരി സ്റ്റേഡിയത്തില്‍ നടന്ന പരിശുദ്ധ ഖുര്‍ബാനയിലും പൊതുസമ്മേളനത്തിലും പതിനായിരത്തോളം പേരാണ് പങ്കെടുത്തത്.ഭാവി സമാധാനത്തോടൊപ്പമാകുമെന്നും വ്യത്യസ്ത മതവിഭാഗങ്ങള്‍ ഒന്നിച്ച്‌ ജീവിക്കുന്ന ഇടങ്ങളില്‍ പരസ്പര സാഹോദര്യത്തോടെ ജീവിക്കാന്‍ കഴിയണമെന്നും സാഹോദര്യവും സഹാനുഭൂതിയുമാണ് ഇക്കാലത്ത് ഏറ്റവും അനിവാര്യമെന്നും മാര്‍പ്പാപ്പ തന്‍റെ പ്രസംഗത്തില്‍ ജനങ്ങളെ ഉണര്‍ത്തി.