കേ​ര​ള​ത്തിൽ എ.ടി.എം കവര്‍ച്ച ല​ക്ഷ്യ​മി​ട്ട്​ ഹരിയാനയിൽ നിന്നുള്ള സംഘങ്ങള്‍;മുന്നറിയിപ്പുമായി പൊലീസ്

ക​ണ്ണൂ​ര്‍: കേ​ര​ള​ത്തി​ലെ എ.​ടി.​എ​മ്മു​ക​ള്‍ ല​ക്ഷ്യ​മി​ട്ട്​ ഹ​രി​യാ​ന​യി​ല്‍ നി​ന്നു​ള്ള ക​വ​ര്‍​ച്ച സം​ഘ​ങ്ങ​ള്‍ എ​ത്തു​ന്ന​ത്​ ആ​ശ​ങ്ക​ക്കി​ട​യാ​ക്കു​ന്നു. മ​തി​യാ​യ സു​ര​ക്ഷ​യും കാ​വ​ലും ഇ​ല്ലാ​ത്ത​തി​നാ​ലാ​ണ്​ കേ​ര​ള​ത്തി​ലെ എ.​ടി.​എ​മ്മു​ക​ളി​ല്‍ ക​വ​ര്‍​ച്ച ന​ട​ത്താ​ന്‍ തീ​രു​മാ​നി​ച്ച​തെ​ന്ന​ പ്ര​തി​ക​ളു​ടെ വെ​ളി​പ്പെ​ടു​ത്ത​ല്‍ ഗൗ​ര​വ​ത്തോ​ടെ​യാ​ണ്​ പൊ​ലീ​സ്​ കാ​ണു​ന്ന​ത്.
ധ​ന​കാ​ര്യ സ്ഥാ​പ​ന​ങ്ങ​ള്‍​ക്കും എ.​ടി.​എ​മ്മു​ക​ള്‍​ക്കും സു​ര​ക്ഷ​യൊ​രു​ക്കാ​നു​ള്ള ന​ട​പ​ടി പൊ​ലീ​സ്​ സ്വീ​ക​രി​ച്ചു​വ​രു​ക​യാ​ണ്. ക​ല്യാ​ശ്ശേ​രി​യി​ല്‍ എ.​ടി.​എം ത​ക​ര്‍​ത്ത്​​ 25 ല​ക്ഷ​ത്തോ​ളം ക​വ​ര്‍​ന്ന കേ​സി​ല്‍ പി​ടി​യി​ലാ​യ​ത്​​ ഹ​രി​യാ​ന സ്വ​ദേ​ശി​ക​ളാ​ണ്. എ.​ടി.​എം ക​വ​ര്‍​ച്ച​യി​ല്‍ വി​ദ​ഗ്​​ധ പ​രി​ശീ​ല​നം ല​ഭി​ച്ച​വ​രാ​ണ്​ ക​വ​ര്‍​ച്ച​ക്കാ​യി എ​ത്തു​ന്ന​തെ​ന്ന്​ ക​ണ്ണൂ​ര്‍ സി​റ്റി പൊ​ലീ​സ്​ ക​മീ​ഷ​ണ​ര്‍ ആ​ര്‍. ഇ​ള​​ങ്കോ പ​റ​ഞ്ഞു. ക​വ​ര്‍​ച്ച​യു​ടെ വി​വി​ധ മേ​ഖ​ല​ക​ളി​ല്‍ പ​രി​ശീ​ല​നം ല​ഭി​ച്ച​വ​രാ​ണ്​ ഹ​രി​യാ​ന സം​ഘ​ത്തി​ലു​ള്ള​ത്. ക​വ​ര്‍​ച്ച​ക്കാ​യി ഡ​മ്മി എ.​ടി.​എം യ​ന്ത്ര​ങ്ങ​ളി​ല്‍ അ​ട​ക്കം മോ​ഷ്​​ടാ​ക്ക​ള്‍ പ​രി​ശീ​ല​നം ന​ട​ത്തി​യി​രു​ന്നു.​ കേ​ര​ള​ത്തി​ലേ​ക്ക്​ സാ​ധ​ന​ങ്ങ​ളു​മാ​യെ​ത്തു​ന്ന ക​ണ്ടെ​യ്​​ന​ര്‍ വാ​ഹ​ന​ങ്ങ​ളി​ലാ​ണ്​ മോ​ഷ്​​ടാ​ക്ക​ള്‍ എ​ത്തു​ന്ന​ത്. സം​ഭ​വ​ത്തി​ല്‍ പി​ടി​യി​ലാ​യ ഹ​രി​യാ​ന​യി​ലെ മേ​വാ​ത്ത് സ്വ​ദേ​ശി നോ​മാ​ന്‍ ചെ​രി​പ്പു​ക​ള്‍ അ​ട​ക്ക​മു​ള്ള സാ​ധ​ന​ങ്ങ​ളു​മാ​യി എ​ത്തി​യ ക​ണ്ടെ​യ്​​ന​ര്‍ ട്ര​ക്ക്​ ഡ്രൈ​വ​റാ​ണ്.ച​ര​ക്കു​മാ​യി ക​ണ്ണൂ​രി​ലെ​ത്തി​യ ഇ​യാ​ള്‍ എ.​ടി.​എ​മ്മു​ക​ള്‍ നി​രീ​ക്ഷി​ച്ച്‌​ വി​വ​രം സം​ഘാം​ഗ​ങ്ങ​ളാ​യ സോ​ജ​ദി​നും മു​വീ​നും കൈ​മാ​റു​ക​യാ​യി​രു​ന്നു. ബൊ​ലേ​റൊ വാ​ഹ​ന​ത്തി​ലും ട്ര​ക്കി​ലു​മെ​ത്തി​യ സം​ഘ​മാ​ണ്​ ക​വ​ര്‍​ച്ച ന​ട​ത്തി​യ​ത്. 10 മു​ത​ല്‍ 15 മി​നി​റ്റു മാ​ത്ര​മാ​ണ്​ ക​വ​ര്‍​ച്ച​ക്കാ​യി എ​ടു​ത്ത​ത്. ആ​ള്‍​പെ​രു​മാ​റ്റ​മി​ല്ലെ​ന്ന്​ ഉ​റ​പ്പു​വ​രു​ത്തി​യ മോ​ഷ്​​ടാ​ക്ക​ള്‍ ഗ്യാ​സ്​ ക​ട്ട​ര്‍ ഉ​പ​യോ​ഗി​ച്ച്‌ വി​ദ​ഗ്​​ധ​മാ​യാ​ണ്​ എ.​ടി.​എം ത​ക​ര്‍​ത്ത​ത്​. സി.​സി.​ടി.​വി കാ​മ​റ​ക​ള്‍ ത​ക​രാ​റി​ലാ​ക്കാ​നും ഗ്യാ​സ്​ ക​ട്ടി​ങ്ങി​നും കൃ​ത്യം ചെ​യ്​​ത ശേ​ഷം ആ​രു​ടെ​യും ക​ണ്ണി​ല്‍​പെ​ടാ​തെ വേ​ഗ​ത്തി​ല്‍ വാ​ഹ​ന​മോ​ടി​ച്ചു​പോ​കാ​നും പ​രി​ശീ​ല​നം ല​ഭി​ച്ച​വ​രാ​ണ്​ കേ​ര​ള​ത്തി​ലെ​ത്തു​ന്ന​ത്. നേ​ര​ത്തെ ത​യാ​റാ​ക്കി​യ പ​ദ്ധ​തി പ്ര​കാ​രം മി​നി​റ്റു​ക​ളു​ടെ വ്യ​ത്യാ​സ​ത്തി​ലാ​ണ്​ വി​വി​ധ​യി​ട​ങ്ങ​ളി​ല്‍ ക​വ​ര്‍​ച്ച ന​ട​ത്തു​ന്ന​ത്. രാ​ത്രി​യി​ല്‍ വി​ജ​ന​മാ​യ എ.​ടി.​എ​മ്മു​ക​ള്‍ ക​ണ്ടെ​ത്തി നി​രീ​ക്ഷി​ച്ചാ​ണ്​ ക​വ​ര്‍​ച്ച ആ​സൂ​ത്ര​ണം ചെ​യ്യു​ന്ന​ത്. ​സ്ഥി​രം മോ​ഷ്​​ടാ​ക്ക​ളെ കു​റി​ച്ചു​ള്ള വ്യ​ക്ത​മാ​യ വി​വ​രം ഹ​രി​യാ​ന പൊ​ലീ​സ്​ അ​ന്വേ​ഷ​ണ സം​ഘ​ത്തി​ന്​ കൈ​മാ​റി​യി​രു​ന്നു. മ​ല്‍​പി​ടി​ത്ത​ത്തി​നൊ​ടു​വി​ലാ​ണ്​ എ.​സി.​പി പി.​പി. ബാ​ല​കൃ​ഷ്​​ണ​െന്‍റ നേ​തൃ​ത്വ​ത്തി​ല്‍ പൊ​ലീ​സ്​ സം​ഘം മോ​ഷ്​​ടാ​ക്ക​ളെ പി​ടി​കൂ​ടി​യ​ത്. ഹ​രി​യാ​ന​യി​ലെ തെ​ളി​വെ​ടു​പ്പ്​ പൂ​ര്‍​ത്തി​യാ​ക്കി​യാ​ണ്​ പ്ര​തി​ക​ളെ നാ​ട്ടി​ലെ​ത്തി​ച്ച​ത്. മാ​ങ്ങാ​ട്​ ബ​സാ​റി​ലെ ഇ​ന്ത്യ വ​ണ്‍, ക​ല്യാ​ശ്ശേ​രി എ​സ്.​ബി.​ഐ, ഇ​രി​ണാ​വി​ലെ പാ​പ്പി​നി​ശ്ശേ​രി സ​ര്‍​വി​സ്​ സ​ഹ​ക​ര​ണ ബാ​ങ്ക്​ എ.​ടി.​എ​മ്മു​ക​ളി​ലാ​ണ്​ ക​വ​ര്‍​ച്ച ന​ട​ന്ന​ത്. ക​ല്യാ​ശ്ശേ​രി സം​ഭ​വ​ത്തെ തു​ട​ര്‍​ന്ന്​ ജി​ല്ല​യി​ലെ പൊ​ലീ​സ്​ സ്​​റ്റേ​ഷ​ന്‍ പ​രി​ധി​യി​ലെ എ.​ടി.​എ​മ്മു​ക​ളു​ടെ സു​ര​ക്ഷ ഉ​റ​പ്പാ​ക്കാ​ന്‍ ബാ​ങ്ക്​ അ​ധി​കൃ​ത​രു​ടെ യോ​ഗം വി​ളി​ച്ചി​രു​ന്നു. സു​ര​ക്ഷ അ​ലാ​റം, കാ​വ​ല്‍ തു​ട​ങ്ങി​യ​വ ഏ​ര്‍​പ്പെ​ടു​ത്താ​ന്‍ പൊ​ലീ​സ്​ നി​ര്‍​ദേ​ശം ന​ല്‍​കി​യി​ട്ടു​ണ്ട്.