Loading ...

Home special dish

ഉയ്​ഗൂറുകളെ വില്‍പനക്ക്​ വെച്ച് തൊഴിലിന്‍റെ പേരില്‍ നാടുകടത്തി ചൈന

ബെയ്​ജിങ്​: ചൈനയിലെ ഷി ജിന്‍പിങ്​ ഭരണകൂടം വം​ശഹത്യക്കിരയാക്കുന്നുവെന്ന്​ യു.എന്‍ കണ്ടെത്തിയ ഉയ്​ഗൂര്‍ മുസ്​ലിംകളെ തുടച്ചുനീക്കാന്‍ നടപ്പാക്കിവരുന്നത്​ വിവിധ പദ്ധതികള്‍. സിന്‍ജിയാങ്​ പ്രവിശ്യയില്‍നിന്ന്​ ഏറെ ദൂരെയുള്ള നാടുകളില്‍ വിവിധ കമ്ബനികളില്‍ നിര്‍ബന്ധിത തൊഴിലിനായി അയക്കുകയാണെന്നാണ്​ ഏറ്റവുമൊടുവിലെ റിപ്പോര്‍ട്ട്​. ക്രൂര പീഡനങ്ങളുമായി ഉയ്​ഗൂറുകളെ മനംമാറ്റാന്‍ സ്​ഥാപിച്ച പുനര്‍വിദ്യാഭ്യാസ കേന്ദ്രങ്ങള്‍ ലോകം മുഴുക്കെ വിമര്‍ശനത്തിനിരയായതിനു പിന്നാലെയാണ്​ പുതിയ കണ്ടെത്തല്‍.

​പ്രദേശത്തെ ഏറെയായി വേട്ടയാടുന്ന പട്ടിണി മാറ്റാനെന്ന പേരില്‍ തൊഴില്‍ മേളകള്‍ നടത്തിയാണ്​ പരമാവധി ആളുകളെ 'നാടുകടത്തുന്നത്​'. ചൈനയുടെ വിവിധ ഭാഗങ്ങളില്‍ പ്രവര്‍ത്തിക്കുന്ന 82 മുന്‍നിര കമ്പനികളുടെ ​ഫാക്​ടറികളിലേക്ക്​ ഉയ്​ഗൂറുകളെ കൂട്ടമായി എത്തിക്കുന്നതായാണ്​ റിപ്പോര്‍ട്ടുകള്‍ പറയുന്നത്​. 2017നും 2019നുമിടയില്‍ മാ​ത്രം ഇങ്ങനെ 80,000 ഉയ്​ഗൂറുകളെ കൊണ്ടുപോയിട്ടുണ്ട്​. ജോലിക്കു പുറമെ ഇടുങ്ങിയ താമസ സ്​ഥലങ്ങളോടു ചേര്‍ന്ന്​ ചൈനീസ്​ ഭാഷ പഠിപ്പിച്ചും ആദര്‍ശ ക്ലാസുകള്‍ എടുത്തും അനുബന്ധ 'പരിശീലന'വും തകൃതിയാണ്​. ഇവര്‍ക്ക്​ സഞ്ചാര സ്വാതന്ത്ര്യം ​അനുവദിക്കാനാവാത്തതിനാല്‍ തിരികെ നാട്ടിലെത്തലും പ്രയാസം.സര്‍ക്കാര്‍ നേരിട്ട്​ നടപ്പാക്കിയ തൊഴിലാളി കൈമാറ്റ പദ്ധതിയുടെ ഭാഗമായാണ്​ എല്ലാ കമ്പനികളും ഉയ്​ഗൂറുകളെ സ്വീകരിക്കുന്നത്​. ഒരു തൊഴിലാളിക്ക്​ നിശ്​ചിത തുകയെന്ന കണക്കില്‍ സര്‍ക്കാര്‍ അധിക ആനുകൂല്യവും പ്രാദേശിക ഭരണകൂടങ്ങള്‍ക്ക്​ അനുവദിക്കും.

2017മുതല്‍ 10 ലക്ഷത്തിലേറെ ഉയ്​ഗൂറുകളെ പുനര്‍വിദ്യാഭ്യാസ ​ക്യാമ്പുകളെന്ന പേരില്‍ സിന്‍ജിയാങ്ങിന്‍റെ പല ഭാഗങ്ങളില്‍ തുടങ്ങിയ തടവറകളിലാക്കിയിരുന്നു. ഇതിനു പുറമെയാണ്​ ഗ്രാമങ്ങളില്‍ നേരി​ട്ടെത്തി ഉയ്​ഗൂറുകളെ തൊഴിലിന്‍റെ പേരില്‍ ആയിരക്കണക്കിന്​ കിലോമീറ്ററുകള്‍ അകലെക്ക്​ നിര്‍ബന്ധിതമായി അയക്കുന്നത്​. ഒമ്ബത്​ ചൈനീസ്​ പ്രവിശ്യകളിലെ 27 ഫാക്​ടറികളില്‍ ഉയ്​ഗൂറുകളെ   നിര്‍ബന്ധിത തൊഴിലാളികളായി നിലനിര്‍ത്തുന്നതായി ആസ്​ട്രേലിയന്‍ സ്​ട്രറ്റീജിക്​ പോളിസി ഇന്‍സ്റ്റിറ്റ്യൂട്ട്​ കണ്ടെത്തിയിരുന്നു