പ്രമേഹം ഈസിയായി നിയന്ത്രിക്കാം

തിരക്കേറിയ ജീവിതത്തില്‍ ജോലി സമ്മര്‍ദ്ദം, വ്യക്തിപരമായ പ്രശ്നങ്ങള്‍, കോവിഡ് മഹാമാരി, മലിനീകരണം, സമയ പരിമിതികള്‍ കൈകാര്യം ചെയ്യല്‍, അനേകം അനിഷ്ട കാര്യങ്ങള്‍ എന്നിവയ്ക്കിടയില്‍ അനാരോഗ്യകരമായ ഒരു ജീവിതരീതിലൂടെ നാം കൂടുതല്‍ വലയുകയാണ്. തല്‍ഫലമായി, ആളുകള്‍ പലപ്പോഴും രോഗികളായിത്തീരുന്നതായും ചിലപ്പോള്‍ വിട്ടുമാറാത്ത രോഗങ്ങള്‍ വരുന്നതായും കാണുന്നു. പ്രമേഹം നമ്മില്‍ വര്‍ദ്ധിച്ചുവരുന്ന ഒരു ആശങ്കയാണ്. പക്ഷേ, ചില കാര്യങ്ങള്‍ ശ്രദ്ധിക്കുന്ന ഒരു ജീവിതരീതി തിരഞ്ഞെടുക്കുന്നതിലൂടെ, നമുക്ക് ഈ സമ്മര്‍ദ്ദങ്ങളെ എളുപ്പത്തില്‍ നേരിടാന്‍ കഴിയും. രോഗചികിത്സയെക്കാള്‍ നല്ലത് അത് പ്രതിരോധിക്കുന്നതാണ്. അതിനാല്‍, രോഗത്തിന്‍റെ കാര്യത്തില്‍ പരിഭ്രാന്തരാകരുത്, ഏറ്റവും ഉല്‍സാഹത്തോടെയിരിക്കുകയെന്നത് പ്രധാനമാണ്. സന്തോഷകരവും സമ്മര്‍ദ്ദരഹിതവുമായ ജീവിതം ആസ്വദിക്കുന്നതിന് ഈ ജീവിതശൈലി മാറ്റങ്ങള്‍ പിന്തുടരുക, അങ്ങനെ പ്രമേഹ സാധ്യത പതുക്കെ അകന്നുപോകും. 1. ഭക്ഷണ പ്രധാനം, ഭാരം നിയന്ത്രിക്കുക: അമിതമായ ഭക്ഷണം വേണ്ട. ഒറ്റയടിക്ക് അമിതമായി കഴിക്കുന്നത് ഇന്‍സുലിന്‍ അളവ് വര്‍ദ്ധിപ്പിക്കുകയും രക്തത്തിലെ പഞ്ചസാര വര്‍ദ്ധിപ്പിക്കുകയും ചെയ്യുന്നു. അമിത കൊഴുപ്പ് അടിഞ്ഞുകൂടുന്നത്, പ്രത്യേകിച്ച്‌ അടിവയറ്റിനു ചുറ്റും, ഇന്‍സുലിന്‍ പ്രതിരോധം വര്‍ദ്ധിപ്പിക്കുന്നു. ടൈപ്പ് 2 പ്രമേഹം സാധാരണയായി കണ്ടുവരുന്നത് അമിതഭാരം മൂലമാണ്.

2. അര മണിക്കൂര്‍ പതിവ് വ്യായാമം: സജീവമായിരിക്കുക, ഉദാസീനമായ ജീവിതശൈലിയില്‍ നിന്ന് വിട്ടുനില്‍ക്കുക. നിങ്ങള്‍ പതിവായി വ്യായാമം ചെയ്യുന്നുവെന്ന് ഉറപ്പാക്കുക. അനായാസമായ കൈ വ്യായാമങ്ങള്‍, നീന്തല്‍, നൃത്തം, യോഗാസന എന്നിവ പ്രമേഹത്തെ പ്രതിരോധിക്കുന്നതിനും ശരീരഭാരം തടയുന്നതിനുമുള്ള മികച്ച മാര്‍ഗങ്ങളാണ്. നിങ്ങള്‍ക്ക് കുറഞ്ഞത് 30 മിനിറ്റെങ്കിലും ദിവസേന നടക്കാന്‍ കഴിഞ്ഞാല്‍ നല്ലത്. ഈ ലളിതമായ ജീവിതശൈലി ഹാക്കുകള്‍ ഉറപ്പുവരുത്തി അമിതവണ്ണം ഇല്ലാതാക്കാം.

3. ആരോഗ്യകരവും സമതുലിതമായതുമായ ഭക്ഷണം കഴിക്കുക: സംസ്കരിച്ച, ജങ്ക് ഫുഡ്, കൃത്രിമമായി മധുരമുള്ള പാനീയങ്ങള്‍ എന്നിവ ഉപേക്ഷിക്കുക. ഇത്തരത്തിലുള്ള ഭക്ഷണങ്ങളില്‍ മധുരവും ഉപ്പും കൊഴുപ്പും കൂടുതലാണ്. പകരം വീട്ടില്‍ പാകം ചെയ്ത ഭക്ഷണമാണ് നല്ലത്. വെളുത്ത റൊട്ടി, ഉരുളക്കിഴങ്ങ് എന്നിവ പോലുള്ള ശുദ്ധീകരിച്ച അന്നജം അടങ്ങിയ ഭക്ഷണങ്ങള്‍ ഒഴിവാക്കുക. അതിനുപകരം ഓട്സ്, ഇലക്കറികള്‍, ധാന്യങ്ങള്‍ എന്നിവ തിരഞ്ഞെടുക്കുക.

4. പുകവലി ഉപേക്ഷിക്കുക, മദ്യപാനം കുറയ്ക്കുക: മദ്യപാനം പരിമിതപ്പെടുത്തുക, പുകവലി ഉപേക്ഷിക്കുക. അനിയന്ത്രിതമായ മദ്യപാനം ഉയര്‍ന്ന രക്തസമ്മര്‍ദ്ദത്തിനും ട്രൈഗ്ലിസറൈഡിന്റെ അളവ് വര്‍ദ്ധിപ്പിക്കുന്നതിനും കാരണമാകുന്നു. അതുപോലെ, പുകയിലയുടെ സാന്നിധ്യം മൂലം പുകവലി ഇന്‍സുലിന്‍ പ്രതിരോധത്തിലേക്ക് നയിക്കുന്നു.

-

5. മോശം ഭക്ഷണരീതികളില്‍ നിന്ന് വിട്ടുനില്‍ക്കുക: ലോ-കാര്‍ബും ഗ്ലൈസെമിക്-ഇന്‍ഡെക്സ് ഡയറ്റുകളും തല്‍ക്ഷണം ഭാരം കുറയ്ക്കും, എന്നാല്‍ ദീര്‍ഘകാലാടിസ്ഥാനത്തില്‍, നിങ്ങളുടെ ശരീരത്തിലെ പോഷകങ്ങളുടെ സന്തുലിതാവസ്ഥയെ ബാധിച്ചുകൊണ്ട് അവ നിങ്ങളുടെ ആരോഗ്യത്തെ മോശമാക്കും. ആരോഗ്യത്തെക്കുറിച്ച്‌ ആരോഗ്യകരമായ അറിവുള്ള തിരഞ്ഞെടുപ്പുകള്‍ നടത്തുക. നിങ്ങള്‍ക്ക് ആവശ്യമുള്ളപ്പോഴെല്ലാം ഡോക്ടര്‍മാരെയും പോഷകാഹാര വിദഗ്ധരെയും സമീപിക്കുക.

6. വെള്ളം കുടിക്കുകയും നാരുകള്‍ അടങ്ങിയ ഭക്ഷണങ്ങള്‍ കഴിക്കുകയും ചെയ്യുക: നാരുകള്‍ കുടലിന്റെ ആരോഗ്യത്തിനും ഭാരം നിയന്ത്രിക്കുന്നതിനും മികച്ചതാണ്. ധാരാളം ഫൈബര്‍ അടങ്ങിയ ഭക്ഷണങ്ങള്‍ കഴിക്കുക, ഇന്‍സുലിന്‍ സ്പൈക്കുകള്‍ തടയാന്‍ ധാരാളം വെള്ളം കുടിക്കുക.

ഈ ജീവിതശൈലി മാറ്റങ്ങള്‍ ഉറപ്പുവരുത്തിക്കൊണ്ട് നിങ്ങള്‍ക്ക് ആരോഗ്യകരവും പ്രമേഹരഹിതവുമായ ജീവിതം സ്വന്തമാക്കാന്‍ കഴിയും.