കോവിഡ്​ രണ്ടാം ഘട്ടം, യൂറോപ്പിൽ അതിരൂക്ഷം;മുന്നറിയിപ്പുമായി ലോകാരോഗ്യ സംഘടന

ലണ്ടന്‍: പുതുവര്‍ഷത്തില്‍ ഇന്ത്യയുള്‍പ്പെടെ ലോക രാജ്യങ്ങള്‍ പതിവു ജീവിതം തിരിച്ചുപിടിക്കാന്‍ ഒരുങ്ങുന്നതിനിടെ കോവിഡിന്റെ  രണ്ടാം ഘട്ട വ്യാപനം ഏഷ്യയിലെ മിക്ക രാജ്യങ്ങളിലും അതിരൂക്ഷമായി തുടരുന്നു. ചെറിയ ഇടവേളക്കു ശേഷമാണ്​ അതിവേഗം പടരുന്ന പുതിയ കൊറോണ വൈറസിനെ ലോകം തിരിച്ചറിഞ്ഞത്​.ഇത് ഏറ്റവും കൂടുതല്‍ രൂക്ഷമാകുന്നത്  ബ്രിട്ടനിലാണ്.  പ്രധാനമന്ത്രി ബോറിസ്​ ജോണ്‍സണ്‍ ലോക്​ഡൗണ്‍  മാര്‍ച്ച്‌​ വരെ ബ്രിട്ടനിൽ  പ്രഖ്യാപിച്ചിട്ടുണ്ട്.

 à´•àµ‹à´µà´¿à´¡àµ മഹാമാരി യൂറോപ്പിലാകെ ത്രീവ്ര വ്യാപനത്തിലൂടെ  പ്രതിസന്ധി സൃഷ്ട്ടിക്കുന്നുണ്ടെന്ന് ലോകാരോഗ്യ സംഘടന മുന്നറിയിപ്പ്​ നല്‍കുന്നു. വാക്​സിന്‍ എത്തിയത്​ കോവിഡ്​ പ്രതിരോധത്തിന്​ പുതുവഴി തുറന്നെങ്കിലും യൂറോപ്യന്‍ മേഖലയിലെ 53 രാജ്യങ്ങളില്‍ പകുതിയിലേറെ സ്ഥലങ്ങളിൽ  വൈറസിന്റെ  വ്യാപനത്തിന്​ വേഗം കൂടുതലാണ്​. ലക്ഷത്തില്‍ 150 പേരിലേറെയാണ്​ ഇവിടങ്ങളില്‍ വ്യാപനമെന്നത്​ ആശങ്കപ്പെടുത്തുന്നു.കഴിഞ്ഞ നവംബറില്‍ ആദ്യമായി തിരിച്ചറിഞ്ഞ പുതിയ വകഭേദം ഏറ്റവും എളുപ്പം നാശം വിതക്കുന്നത്​ ബ്രിട്ടനിലാണ്​.2020ല്‍ യൂറോപില്‍ കോവിഡ്​ ബാധിച്ച മൊത്തം മരണസംഖ്യ ആറു ലക്ഷത്തോളമാണ്​. യു.കെ, റഷ്യ, ഇറ്റലി, ഫ്രാന്‍സ്​, സ്​പെയിന്‍ എന്നിവയിലൊക്കെയും അരലക്ഷത്തിനു മേലെയാണ്​ മരണം. ബ്രിട്ടന്‍, സ്​പെയിന്‍, ഫ്രാന്‍സ്​ എന്നിവയാണ്​ ഇതില്‍ മുന്നിലുള്ളത്​. മുക്കാല്‍ ലക്ഷ​ത്തില്‍ അധികം പേര്‍  കോവിഡ്​ ബാധയെ തുടര്‍ന്ന്​ ഇവിടങ്ങളില്‍ മരിച്ചിട്ടുണ്ട്​.