ലോകത്തിലെ ഏറ്റവും വലിയ സ്വതന്ത്ര വ്യാപാര കരാറില്‍ ഒപ്പിട്ട് ഏഷ്യന്‍-പസഫിക്​ രാജ്യങ്ങള്‍

ബീജിങ്: ചൈനയുള്‍പ്പെടെ 15 ഏഷ്യാ-പസഫിക് രാജ്യങ്ങള്‍ ലോകത്തിലെ ഏറ്റവും വലിയ സ്വതന്ത്ര വ്യാപാര കരാറില്‍ (ആര്‍.സി.ഇ.പി) ഒപ്പിട്ടു. 2012ല്‍ നിര്‍ദ്ദേശിക്കപ്പെട്ട കരാര്‍ എട്ട്​ വര്‍ഷം നീണ്ട ചര്‍ച്ചകള്‍ക്ക്​ ശേഷം​ വിയറ്റ്‌നാം അതിഥേയത്വം വഹിച്ച വെര്‍ച്വല്‍ ആസിയാന്‍ ഉച്ചകോടിയുടെ അവസാനത്തോടെയാണ് ഒപ്പുവെച്ചത്.അതേസമയം, കഴിഞ്ഞ വര്‍ഷം കരാറുമായി ബന്ധപ്പെട്ട്​ ഏറെ ആശങ്കകള്‍ പരിഹരിക്കപ്പെടാനുണ്ടെന്ന് ചൂണ്ടിക്കാട്ടി ആര്‍.സി.ഇ.പി. യില്‍ നിന്ന് ഇന്ത്യ പിന്‍മാറിയിരുന്നു. കരാറില്‍ നിന്ന്​ പിന്മാറിയെങ്കിലും ഭാവിയില്‍ ഇന്ത്യയ്​ക്ക്​ ചേര്‍ന്ന്​ പ്രവര്‍ത്തിക്കാനുള്ള വാതിലുകള്‍ തുറന്നുകിടക്കുകയാണെന്നും കരാര്‍ ഒപ്പിട്ടവര്‍ അറിയിച്ചു. 2017ല്‍ പിന്മാറിയ അമേരിക്കയും കരാറില്‍ നിന്ന്​ പുറത്താണ്​. കോവിഡ്​ മഹാമാരിയില്‍ നിന്നും കരകയറാന്‍ സ്വതന്ത്ര വ്യാപാര കരാര്‍ സഹായിക്കുമെന്നാണ്​​ നേതാക്കന്മാര്‍ പ്രതീക്ഷിക്കുന്നത്​. ആഗോള മൊത്ത ആഭ്യന്തര ഉത്പാദനത്തി​െന്‍റ മൂന്നിലൊന്ന് വരുന്ന മേഖലയെ കൂടുതല്‍ സാമ്ബത്തികമായി സമന്വയിപ്പിക്കുകയാണ് ഇതിലൂടെ ലക്ഷ്യമിടുന്നത്. അവിടേക്ക് സ്വതന്ത്രമായുള്ള പ്രവേശനവും ചൈന ലക്ഷ്യമിടുന്നുണ്ട്​. ജപ്പാന്‍ മുതല്‍ ഓസ്‌ട്രേലിയ, ന്യൂസിലന്‍ഡ് വരെ നീളുന്ന രാജ്യങ്ങള്‍ ഉള്‍പ്പെടുന്ന പ്രാദേശിക സമഗ്ര സാമ്ബത്തിക പങ്കാളിത്തത്തിലൂടെ 20 വര്‍ഷത്തിനുള്ളില്‍ ഇറക്കുമതിയുടെ തീരുവ പരിധി ഇല്ലാതാക്കുമെന്നാണ് പ്രതീക്ഷിക്കുന്നത്. വിതരണ ശൃംഖലകള്‍ ശക്തിപ്പെടുത്തുക, പുതിയ ഇകൊമേഴ്‌സ് നിയമങ്ങള്‍ ക്രോഡീകരിക്കുക എന്നിവയാണ് ലക്ഷ്യം. ഇത്​ അമേരിക്കന്‍ കമ്ബനികളേയും മേഖലയ്ക്ക് പുറത്തുള്ള ബഹുരാഷ്ട്ര കമ്ബനികളേയും ദോഷകരമായി ബാധിച്ചേക്കും. ജപ്പാന്‍, ഓസ്‌ട്രേലിയ, ന്യൂസിലന്‍ഡ്, മലേഷ്യ, ബ്രൂണെ, ചൈന, കംബോഡിയ, ഇന്‍ഡോനേഷ്യ, ദക്ഷിണ കൊറിയ, ലാവോസ്, മ്യാന്‍മാര്‍, ഫിലിപ്പൈന്‍സ്, സിംഗപ്പുര്‍, തായ്‌ലന്‍ഡ്, വിയറ്റ്‌നാം എന്നീ രാജ്യങ്ങളാണ് ചൈനയ്ക്ക് പുറമെ കരാറില്‍ പങ്കാളികളായിട്ടുള്ളത്.