കോവിഡ്​ ഗുരുതരമായ 80 ശതമാനം പേരില്‍ വിറ്റമിന്‍ ഡി അഭാവുമുള്ളതായി പഠനം

ന്യൂഡല്‍ഹി: കോവിഡ്​ ഗുരുതരമാകുന്നവര്‍ കൂടുതല്‍ വിറ്റമിന്‍ ഡിയുടെ അഭാവമുള്ളവരാണെന്ന്​ പഠനം. സ്​പെയിനിലെ ഒരു ആശുപത്രിയില്‍ കോവിഡ്​ ബാധിച്ച്‌​ അത്യാസന്ന നിലയില്‍ ചികിത്സയില്‍ കഴിയുന്ന 80 ശതമാനം പേരിലും വിറ്റമിന്‍ ഡിയുടെ അഭാവമുണ്ടെന്നാണ്​ പഠനത്തില്‍​ പറയുന്നത്​. ചികിത്സയിലുള്ള കോവിഡ്​ രോഗികളില്‍ ഭൂരിപക്ഷം പേര്‍ക്കും വിറ്റമിന്‍ ഡിയുടെ അഭാവമുണ്ടെന്നും പഠനത്തില്‍ ചൂണ്ടിക്കാട്ടുന്നു.

ക്ലിനിക്കല്‍ എന്‍ഡോ​ക്രിനോളജി ആന്‍ഡ്​ മെറ്റബോളിസം എന്ന ജേര്‍ണലില്‍ പ്രസിദ്ധീകരിച്ച ​പഠനത്തിലാണ്​ ഇക്കാര്യം വ്യക്തമാക്കുന്നത്​. കോവിഡ്​ ബാധിച്ച്‌​ ചികിത്സയില്‍ കഴിയുന്ന 216 രോഗികളിലും രോഗം ബാധിക്കാത്ത 197 പേരിലുമാണ്​ പഠനം നടത്തിയത്​. രോഗം ബാധിച്ചവരില്‍ ഭൂരിഭാഗം പേര്‍ക്കും വിറ്റമിന്‍ ഡിയുടെ അഭാവം ശരീരത്തിലുണ്ടായിരുന്നു. വിറ്റമിനുകളുടെ അഭാവം കൂടുതലുള്ളവരില്‍ രോഗം മൂര്‍ച്ഛിക്കുന്നാതയും പഠനത്തില്‍ പറയുന്നു. കൂടാതെ പുരുഷന്‍മാര്‍ക്ക്​ സ്​ത്രീകളെക്കാള്‍ വിറ്റമിന്‍ ഡി ശരീരത്തില്‍ കുറവാണെന്നും പഠനത്തില്‍ പറയുന്നു.കോവിഡ്​ 19 പടര്‍ന്നുപിടിച്ച​പ്പോള്‍ മുതല്‍ ​വിറ്റമിന്‍ ഡിയും കോവിഡും തമ്മിലുള്ള ബന്ധത്തെക്കുറിച്ച്‌​ ചര്‍ച്ചകള്‍ ഉയര്‍ന്നുവന്നിരുന്നു. കോവിഡ്​ പ്രതിരോധത്തിനായി വിറ്റമിന്‍ ഡി ഉപയോഗിക്കാമെന്ന്​ ചില പഠനങ്ങള്‍ ചൂണ്ടിക്കാണിക്കുകയും ചെയ്​തിരുന്നു. എന്നാല്‍ ശാസ്​ത്രീയമായി ഇവ തെളിയിക്ക​പ്പെട്ടിട്ടില്ല.

സൂര്യപ്രകാശം ഏല്‍ക്കു​േമ്ബാഴാണ്​ ശരീരത്തിന്​ വിറ്റമിന്‍ ഡി ലഭിക്കുക. അസ്​ഥികളുടെ വളര്‍ച്ചക്കും ശക്തിക്കും വിറ്റമിന്‍ ഡി അത്യാവശ്യമാണ്​. കാരണം വിറ്റമിന്‍ ഡി ശരീരത്തിലേക്ക്​ കൂടുതല്‍ കാത്സ്യം, മഗ്​നീഷ്യം, ​ഫോസ്​ഫേറ്റ്​ തുടങ്ങിയവ ആഗിരണം ചെയ്യാന്‍ സഹായിക്കുന്നു.