രണ്ട്​ ഡോസിന്​ 4400 രൂപ; പൊതുജനങ്ങള്‍ക്ക്​ വാക്​സിന്‍ വിതരണവുമായി ചൈന

തായ്​പേയ്​: ചൈന അവരുടെ പരീക്ഷണാടിസ്ഥാനത്തിലുള്ള കോവിഡ്​ വാക്​സിന്‍ കൂടുതല്‍ പേര്‍ക്ക്​ നല്‍കാനൊരുങ്ങുന്നു. ഫലപ്രാപ്തിയും സുരക്ഷിതത്വവും ഉറപ്പുവരുത്തുന്നതിന് മുൻപാണ് ​ വാക്​സിന്‍ ജനങ്ങള്‍ക്ക്​ നല്‍കാന്‍ പോകുന്നത്​. ചൈനയിലെ​ നഗരമായ ജിയാസിങ്ങിലുള്ള ജനങ്ങള്‍ക്ക്​​ ചൈനീസ്​ ഭരണകൂടത്തിന്റെ  കീഴിലുള്ള സിനോവാക് ബയോടെക് നിര്‍മിച്ചുകൊണ്ടിരിക്കുന്ന വാക്​സിന്‍ നല്‍കുമെന്നാണ്​ പ്രഖ്യാപിച്ചിരിക്കുന്നത്​. ഡബിള്‍ ഡോസിന് 60 ഡോളര്‍ ( 4,400 ഇന്ത്യന്‍ രൂപ ) നിരക്കിലായിരിക്കും വാക്​സിന്‍ നല്‍കുക.

നഗരത്തിലെ അടിസ്ഥാന പ്രവര്‍ത്തനങ്ങളിലേര്‍പ്പെടുന്നവരടക്കമുള്ള 'ഹൈ റിസ്​ക്​' ഗ്രൂപ്പിനാണ്​ മുന്‍ഗണന ലഭിക്കുക. അതേസമയം, വാക്​സിന്‍ അടിയന്തരമായി ആവശ്യമുള്ള നഗരവാസികള്‍ക്കും അപേക്ഷിക്കാമെന്ന്​ ബന്ധപ്പെട്ടവര്‍ അറിയിച്ചിട്ടുണ്ട്​. നിലവില്‍ അവസാന ഘട്ട ക്ലിനിക്കല്‍ പരിശോധനയിലുള്ള വാക്​സിന്​ ഇതുവരെ അംഗീകാരം ലഭിച്ചിട്ടില്ല എന്നതാണ്​ വസ്​തുത. എന്നാല്‍ അടിയന്തര സാഹചര്യമെന്ന നിലക്കാണ്​ വിതരണം ചെയ്യുന്നതെന്ന വിശദീകരണവും അധികൃതര്‍ നല്‍കുന്നുണ്ട്​. മറ്റൊരു ചൈനീസ്​ കമ്പനിയായ ചൈന നാഷണല്‍ ബയോടെകും വാക്​സിന്‍ വിതരണത്തിനായുള്ള ഒരുക്കത്തിലാണ്​. വിദേശത്ത്​ പഠിക്കുന്ന വിദ്യാര്‍ഥികള്‍ക്കാണ്​ വാക്​സിന്‍ സൗജന്യമായി നല്‍കുകയെന്ന്​ അവര്‍ അറിയിച്ചിട്ടുണ്ട്​.

നിലവില്‍ രാജ്യത്ത്​ 168,000 പേര്‍ വാക്​സിന്‍ കുത്തിവെപ്പിനായി ഓണ്‍ലൈന്‍ സര്‍വേ വഴി അപേക്ഷിച്ചതായും അതില്‍ 91,000 പേരെ പരിഗണിച്ചതായും സി.എന്‍.ബി.ജി അവരുടെ വെബ്​സൈറ്റിലൂടെ അറിയിച്ചിരുന്നു. എന്നാല്‍ പിന്നീട്​ അത്​ നീക്കം ചെയ്യുകയും ചെയ്​തു. ചൈനയിലെ മരുന്ന്​ കമ്ബനികളുടേതായി അഞ്ച് വാക്​സിനുകളാണ്​ അവസാന ഘട്ട പരിശോധനയിലുള്ളത്​. അവയിലൊന്നിന്​ പോലും ജനങ്ങളില്‍ കുത്തിവെക്കുന്നതിനുള്ള അംഗീകാരം നിലവില്‍ ലഭിച്ചിട്ടില്ല. അതേസമയം à´ˆ  വര്‍ഷാവസാനത്തിന്​ മുൻപായി  ഒരു വാക്​സിന്‍ പൊതുജനങ്ങള്‍ക്കായി തങ്ങള്‍ അവതരിപ്പിക്കുമെന്ന്​ ചൈനീസ്​ ആരോഗ്യ പ്രവര്‍ത്തകര്‍ ഉറപ്പുനല്‍കുന്നുമുണ്ട്​.