കൊറോണ വ്യാപനം ; ജര്‍മനി ആശങ്കയില്‍

ബര്‍ലിന്‍: ജര്‍മനിയില്‍ പ്രതിദിനം പതിനായിരത്തിലധികം കൊറോണ വൈറസ് കേസുകള്‍ ഉണ്ടാകാന്‍ സാധ്യതയുള്ളതായി ആരോഗ്യ വിദഗ്ധനും ആര്‍കെഐ മേധാവിയുമായ ലോതര്‍ വീലറിന്‍റെ മുന്നറിയിപ്പ്.

പുതിയ രോഗബാധിതരുടെ എണ്ണം ഏപ്രില്‍ ആദ്യം മുതല്‍ ആദ്യമായി 4,000 ആയി ഉയര്‍ന്നു.അതേസമയം രോഗ നിയന്ത്രണത്തിന്‍റെ പ്രാധാന്യം മനസിലാക്കി എല്ലാവരും പ്രവര്‍ത്തിക്കണമെന്ന് വീലര്‍ മുന്നറിയിപ്പ് നല്‍കി.കഴിഞ്ഞ 24 മണിക്കൂറിനുള്ളില്‍ ജര്‍മനിയില്‍ 4,058 പുതിയ കോവിഡ് കേസുകളാണ് റിപ്പോര്‍ട്ട് ചെയ്തത്. ബുധനാഴ്ച ഇത് 2,828 ആയിരുന്നു.

കൊറോണ കേസുകളില്‍ ജര്‍മനി ആശങ്കാജനകമായ കുതിച്ചുചാട്ടം നേരിടുന്നുണ്ടെന്ന് ആരോഗ്യമന്ത്രി ജെന്‍സ് സ്പാന്‍. അതിനാല്‍ മാരകമായ വൈറസിനെതിരെ ജാഗ്രത പാലിക്കണമെന്ന് അദ്ദേഹം ജനങ്ങളോട് അഭ്യര്‍ഥിച്ചു. യൂറോപ്പിലെ മറ്റേതൊരു രാജ്യവും ഇതുവരെ പ്രതിസന്ധി കൈകാര്യം ചെയ്തിട്ടില്ല. എന്നാല്‍ ഞങ്ങള്‍ നേടിയ നേട്ടങ്ങളെ ചൂഷണം ചെയ്യരുത്. മാസ്ക് ധരിക്കുക, കൈ കഴുകുക, സാമൂഹിക അകലം പാലിക്കുക തുടങ്ങിയ അറിയപ്പെടുന്ന നിയമങ്ങളില്‍ ഉറച്ചുനില്‍ക്കാന്‍ അദ്ദേഹം ജനങ്ങളെ ഓര്‍മിപ്പിച്ചു.