ചൈനയുടെ ചൂഷണത്തിനെതിരെ ക്വാഡ് സഖ്യം

ന്യൂയോര്‍ക്ക്: ടോക്കിയോയില്‍ നടന്ന ഇന്തോ-പസഫിക് യോഗത്തില്‍ ചൈനയുടെ ചൂഷണത്തിനെതിരെ അമേരിക്കയുമായി ചേര്‍ന്ന് "ക്വാഡ്' സഖ്യം രൂപീകരിക്കാന്‍ ‍യുഎസ് സ്റ്റേറ്റ് സെക്രട്ടറി മൈക്ക് പോംപിയോ ആവശ്യപ്പെട്ടു. യുണൈറ്റഡ് സ്റ്റേറ്റ്സ്, ജപ്പാന്‍, ഓസ്‌ട്രേലിയ, ഇന്ത്യ എന്നിവ ഉള്‍പ്പെടുന്ന അനൗപചാരിക തന്ത്രപരമായ ഫോറമാണ് ക്വാഡ്രിലാറ്ററല്‍ സെക്യൂരിറ്റി ഡയലോഗ് അഥവാ ക്വാഡ് (QUAD).

"സിസിപിയുടെ ചൂഷണത്തില്‍ നിന്ന് നമ്മുടെ ആളുകളെയും പങ്കാളികളെയും സംരക്ഷിക്കാന്‍ നമ്മള്‍ സഹകരിക്കേണ്ടത് മുമ്പത്തേക്കാളും നിര്‍ണായകമാണ്," ചൈനയുടെ കമ്മ്യൂണിസ്റ്റ് പാര്‍ട്ടിയെ പരാമര്‍ശിച്ച്‌ യുഎസ് സ്റ്റേറ്റ് സെക്രട്ടറി പോംപിയോ പറഞ്ഞു. à´¤àµ†à´•àµà´•àµ, കിഴക്കന്‍ ചൈനീസ് സമുദ്രങ്ങള്‍, മെകോംഗ്, ഹിമാലയം, തായ്‌വാന്‍ കടലിടുക്ക് എന്നിവിടങ്ങളില്‍ ചൈനയുടെ സ്വാധീനം തടയാന്‍ വാഷിംഗ്ടണ്‍ ശ്രമിക്കുന്നുണ്ടെന്ന് അദ്ദേഹം പറഞ്ഞു.

ക്വാഡ് സഖ്യം ഔപചാരികമാക്കാനും ശക്തിപ്പെടുത്താനും വാഷിംഗ്ടണിലെ സൗത്ത്-ഈസ്റ്റ് ഏഷ്യന്‍ സഖ്യകക്ഷികളോട് പോംപിയോ അഭ്യര്‍ഥിച്ചു. "നമ്മള്‍ നാലു പേരും ഒരുമിച്ച്‌ ചെയ്യുന്നതെന്താണെന്ന് നമ്മള്‍ സ്ഥാപനവല്‍ക്കരിച്ചുകഴിഞ്ഞാല്‍,‌ ഒരു യഥാര്‍ഥ സുരക്ഷാ ചട്ടക്കൂട് നിര്‍മിക്കാന്‍‌ നമ്മള്‍ക്ക് കഴിയും- പോംപിയോ പറഞ്ഞു.

യുഎസും ചൈനയും തമ്മിലുള്ള സംഘര്‍ഷങ്ങള്‍ക്കിടയിലാണ് യുഎസിന്‍റെ ഉന്നത നയതന്ത്രജ്ഞന്‍റെ ശക്തമായ ബീജിംഗ് വിരുദ്ധ വാചാടോപം എന്നത് ശ്രദ്ധേയമാണ്.
ജപ്പാന്‍, ഇന്ത്യ, ഓസ്‌ട്രേലിയ എന്നീ രാജ്യങ്ങള്‍ക്ക് ചൈനയുമായി ശക്തമായ വ്യാപാരാധിഷ്ഠിത ബന്ധമുണ്ട്. അവരുടെ വിദേശകാര്യ മന്ത്രിമാര്‍ ആരും തന്നെ യോഗത്തില്‍ ബീജിംഗിനെതിരെ നേരിട്ട് സംസാരിച്ചില്ല.

സംഘര്‍ഷങ്ങള്‍ ലഘൂകരിക്കാനും ദീര്‍ഘകാലമായി നിലനില്‍ക്കുന്ന തര്‍ക്കങ്ങള്‍ ഒഴിവാക്കാനും, തെറ്റായ വിവരങ്ങള്‍ പ്രതിരോധിക്കാനും ക്ഷുദ്ര സൈബര്‍ സ്പേസ് പ്രവര്‍ത്തനങ്ങളില്‍ നിന്ന് വിട്ടുനില്‍ക്കാനും രാജ്യങ്ങള്‍ പ്രവര്‍ത്തിക്കേണ്ടത് അത്യാവശ്യമാണെന്ന് ഓസ്ട്രേലിയന്‍ വിദേശകാര്യ മന്ത്രി മാരിസ് പെയ്ന്‍ പറഞ്ഞു.

അന്താരാഷ്ട്ര നിയമത്തിന് വിരുദ്ധമായ സമുദ്ര അവകാശവാദങ്ങള്‍ രാജ്യങ്ങള്‍ക്ക് അവകാശപ്പെടാന്‍ കഴിയില്ലെന്ന് മന്ത്രിമാര്‍ ആവര്‍ത്തിച്ചു വ്യക്തമാക്കി, പ്രത്യേകിച്ച്‌ ഐക്യരാഷ്ട്ര സമുദ്ര നിയമത്തെക്കുറിച്ചുള്ള കണ്‍വന്‍ഷന്‍ (UNCLOS) അനുശാസിക്കുന്ന നിയമം നിലനില്‍ക്കുമ്ബോള്‍. ദക്ഷിണ ചൈനാക്കടലിലെ ചൈനയുടെ വികസന പദ്ധതികളെക്കുറിച്ചുള്ള പരോക്ഷ പരാമര്‍ശം നടത്തവേ - പെയ്ന്‍ പറഞ്ഞു.

മെകോംഗ് ഉള്‍പ്പെടെയുള്ള പ്രാദേശിക പങ്കാളികളുമായുള്ള സഹകരണം ശക്തിപ്പെടുത്താനും ക്വാഡ് മന്ത്രിസഭാ യോഗങ്ങള്‍ പതിവായി വിളിക്കാനും ക്വാഡ് അംഗങ്ങള്‍ തീരുമാനിച്ചു. അടിസ്ഥാന സൗകര്യങ്ങള്‍, സൈബര്‍ സുരക്ഷ, മറ്റ് മേഖലകള്‍ എന്നിവയുമായി ബന്ധപ്പെട്ട ചര്‍ച്ചകള്‍ തുടരാന്‍ ക്വാഡ് അംഗരാജ്യങ്ങള്‍ സമ്മതിച്ചതായി ജാപ്പനീസ് വിദേശകാര്യ മന്ത്രി തോഷിമിറ്റ്സു മൊട്ടെഗി പറഞ്ഞു. എന്നിരുന്നാലും, അംഗങ്ങളില്‍ നിന്ന് സംയുക്ത പ്രസ്താവനയൊന്നും ഉണ്ടായിരുന്നില്ല.