ഞങ്ങളുടെ ശബ്​ദവും ലോകം കേള്‍ക്കണം;ദ്വീപ്​ രാഷ്​ട്രങ്ങൾ

ജൊഹാനസ്​ബര്‍ഗ്​: വികസനത്തിന്റെ  പേരില്‍ സമ്പന്നരാഷ്​ട്രങ്ങള്‍ ചെയ്യുന്നതിന്റെ  ദോഷഫലങ്ങള്‍ അനുഭവിക്കുന്നത്​ തങ്ങളാണെന്നും ലോകം ഇനിയും പ്രതികരിക്കാന്‍ മടിച്ചുനിന്നാല്‍ കടുത്ത പ്രതിസന്ധി നേരിടേണ്ടിവരുമെന്നും ചെറിയ ദ്വീപ്​ രാഷ്​ട്രങ്ങളും ദരിദ്ര രാജ്യങ്ങളും. കോവിഡ്​-19 നമ്മളെ കൊന്നില്ലെങ്കില്‍ കാലാവസ്ഥ വ്യതിയാനം അത്​ ചെയ്​തുകൊള്ളും.

ഐക്യരാഷ്​ട്രസഭയുടെ 75ാം വാര്‍ഷിക പൊതുസഭയില്‍ സംസാരിക്കവെയാണ് ദ്വീപ്​ രാഷ്​ട്ര തലവന്മാര്‍ ഇക്കാ​ര്യം വ്യക്തമാക്കിയത്​. കോവിഡ്​ നിയന്ത്രണത്തിലേക്ക്​ പൂര്‍ണ ശ്രദ്ധ പോയതോടെ കാലാവസ്ഥ പ്രതിസന്ധി എല്ലാവരും മറന്നതായും അവര്‍ കുറ്റപ്പെടുത്തി. ഇങ്ങനെ പോയാല്‍ 75 വര്‍ഷം കഴിഞ്ഞ്​ യു.എന്‍ പൊതുസഭയില്‍ പല രാജ്യങ്ങളും കാണില്ലെന്നും ചെറുദ്വീപ്​ രാഷ്​ട്രങ്ങളുടെയും ദരിദ്ര രാജ്യങ്ങളുടെയും കൂട്ടായ്​മ വ്യക്തമാക്കി.നാം ഭൂമിയിലേക്ക്​ തിരിഞ്ഞുനോക്കേണ്ട സമയമാണെന്ന്​ ഫീജി പ്രധാനമന്ത്രി ഫ്രാങ്ക്​ ബൈനിമറാമ പൊതുസഭയില്‍ പറഞ്ഞു. കോവിഡ്​ ലോക്​ഡൗണില്‍ തെളിഞ്ഞ ആകാശം ദൃശ്യമായിരുന്നെങ്കില്‍ നിയന്ത്രണം നീക്കിയതോടെ പഴയ അവസ്ഥയിലേക്കു​ മാറിയതായി പലാവു പ്രസിഡന്‍റ്​ ടോമി à´‡. റെമ​നഗേശ്യു പറഞ്ഞു. കോവിഡ്​ അടിയന്തര പ്രതിസന്ധിയാണെങ്കില്‍ ​കാലാവസ്ഥ വ്യതിയാനം ലോകമാകെ ജീവിതത്തെ എന്നെന്നും ബാധിക്കുന്നതാണ്​ തുവാലു പ്രധാനമന്ത്രി കൗസി നടാനോ വ്യക്തമാക്കി.ആഗോളതാപനത്തിന്​ കാരണമാകുന്ന ഹരിത ഗൃഹവാതക പുറന്തള്ളല്‍ ഏറ്റവും കുറവ്​ ആഫ്രിക്കയില്‍ നിന്നാണെങ്കിലും വികസിത രാജ്യങ്ങളുടെ അത്യാഗ്രഹത്തിന്റെ  ദുരിതം ഏറ്റവും അനുഭവിക്കുന്നത്​ à´ˆ  വന്‍കരയാണെന്ന്​ നൈജര്‍ പ്രസിഡന്‍റ്​ ഇ​സുഫു മഹമ്മദു പറഞ്ഞു.