കക്കി-ആനത്തോട് ഡാമിന്‍റെ രണ്ടു ഷട്ടറുകള്‍ തുറന്നു; പ്രദേശത്ത് ജാഗ്രതാ നിർദ്ദേശം

പത്തനംതിട്ട: കക്കി-ആനത്തോട് ഡാമിന്‍റെ രണ്ടു ഷട്ടറുകള്‍ ശനിയാഴ്​ച രാവിലെ 10 മണിക്ക് തുറന്നതായി ജില്ലാ കലക്ടര്‍ പി.ബി. നൂഹ് അറിയിച്ചു. ഷട്ടറുകള്‍ 25 സെന്‍റീ മീറ്റര്‍ വീതമാണ് ഉയര്‍ത്തി അധികജലം പമ്ബാ നദിയിലേക്ക് ഒഴുക്കി വിടുന്നത്.ഷട്ടറുകള്‍ ഉയര്‍ത്തിയതു മൂലം പമ്ബയാറിലെ ജലനിരപ്പ് 10 സെന്‍റീ മീറ്റര്‍ ഉയര്‍ന്നേക്കാമെന്നുള്ള സാഹചര്യത്തില്‍ നദിയുടെ തീരത്ത് താമസിക്കുന്നവരും പൊതുജനങ്ങളും സുരക്ഷ ഉറപ്പു വരുത്തണം. നദിയില്‍ ഇറങ്ങുന്നത് ഏതു സാഹചര്യത്തിലും ഒഴിവാക്കണമെന്നും ജില്ലാ കലക്ടര്‍ അറിയിച്ചു. ഇടുക്കി കഴിഞ്ഞാല്‍ സംസ്​ഥാനത്തെ ഏറ്റവും വലിയ ഡാമാണ്​ കക്കി - ആനത്തോട്​.