സൂര്യന്റെ അന്തരീക്ഷത്തില്‍ ഹീലിയത്തിന്റെ സാന്നിദ്ധ്യം; നിര്‍ണ്ണായക കണ്ടെത്തലുമായി നാസ

വാഷിംഗ്ടണ്‍: സൂര്യന്റെ അന്തരീക്ഷത്തില്‍ ഹീലിയം വാതകത്തിന്റെ സാന്നിദ്ധ്യം കണ്ടെത്തിയതായി നാസ. അമേരിക്കയുടെ ബഹിരാകാശ കേന്ദ്രത്തിന്റെ പ്രത്യേക റോക്കറ്റാണ് സൂര്യനിലെ ഹീലിയം സാന്നിദ്ധ്യം തിരിച്ചറിഞ്ഞിരിക്കുന്നത്. ഹെര്‍ഷല്‍ സൗണ്ടിംഗ് റോക്കറ്റുകളാണ് ഗവേഷണത്തിന്റെ ഭാഗമായി സൂര്യന്റെ അന്തരീക്ഷ പഠനം നടത്തി വിവരം നല്‍കിയത്. അന്തരീക്ഷത്തില്‍ ഹൈഡ്രജന് പുറമേ ഏറ്റവുമധികമുള്ള വാതകമാണ് ഹീലിയം. സൂര്യന്റെ അതീതീവ്രതാപനിലയുള്ള അന്തരീക്ഷത്തിലെ ഹീലിയത്തിന്റെ അവസ്ഥയും അത് അന്തരീക്ഷത്തിലുണ്ടാക്കുന്ന മാറ്റവും നാസ നിരീക്ഷിച്ചുകൊണ്ടിരിക്കുകയാണെന്നും ശാസ്ത്രജ്ഞര്‍ അറിയിച്ചു.2009ലാണ് നാസ അന്തരീക്ഷത്തിലെ ഹീലിയത്തിന്റെ സാന്നിദ്ധ്യം അറിയാനായുള്ള റോക്കറ്റ് വിക്ഷേപിച്ചത്. à´¬à´¹à´¿à´°à´¾à´•à´¾à´¶à´¤àµà´¤àµ† ചുഴലിക്കാറ്റ്, സൂര്യനില്‍ നിന്നും പുറത്തേക്ക് വമിക്കുന്ന താപംകൂടിയ കാറ്റ് എന്നിവയുടെ പഠനമാണ് നാസ നടത്തുന്നത്. ബഹിരാകാശത്തെ ഓരോ അന്തരീക്ഷമേഖലയിലേയും വാതകങ്ങളുടെ സാന്നിദ്ധ്യം വളരെ നിര്‍ണ്ണായകമാണ്. ഭാവിയിലെ എല്ലാ ഗവേഷണങ്ങള്‍ക്കും ബഹിരാകാശ യാത്രയ്ക്കും വാതകങ്ങളെകുറിച്ചുള്ള അറിവ് നിര്‍ണ്ണായകമാണെന്നും നാസ അറിയിച്ചു.മുന്‍പ് ഭൂമിയിലേയ്ക്ക് എത്തുന്ന സൂര്യപ്രകാശവും കാറ്റും തരംഗങ്ങളും പരിശോധിച്ചാണ് ഹീലിയത്തിന്റെ സാന്നിധ്യം തിരിച്ചറിഞ്ഞിരുന്നത്. എന്നാല്‍ അത്തരം ഘട്ടങ്ങളില്‍ സൂര്യനില്‍ നിന്നുള്ള ഹീലിയത്തിന്റെ സാന്നിധ്യം വളരെ കുറവായിരുന്നുവെന്നും നാസ അറിയിച്ചു.