ഹൈദരാബാദ്​: ​ക്രിക്കറ്റ്​ ജ്വരം ഇന്ത്യയെ വിഴുങ്ങിയ ഇരുപ്പത്തിയൊന്നാം നൂറ്റാണ്ടിലും ഇന്ത്യന്‍ ഫുട്​ബാളിന്​ വെട്ടം നല്‍കിയമിന്നുംതാരം സുനില്‍ ഛേത്രിക്ക്​ ഇന്ന്​ 36ാം പിറന്നാള്‍.

2005 മുതല്‍ ഇന്ത്യന്‍ ടീമിന്‍െറ നീലക്കുപ്പായത്തില്‍ പന്തുതട്ടിത്തുടങ്ങിയ ഛേത്രി പിന്നീട്​ ഇന്ത്യന്‍ ഫുട്​ബാളിലെ വന്‍മരമായി വളരുകയായിരുന്നു.

അന്താരാഷ്​ട്ര ഫുട്​ബാളില്‍ സജീവമായ താരങ്ങളിലെ ഗോള്‍വേട്ടയു​െ ട കണക്കെടുത്താല്‍ ഛേത്രി രണ്ടാം സ്ഥാനത്താണ്​. 99 ഗോളുകള്‍ നേടിയ ​ക്രിസ്​റ്റ്യാനോ റൊണാള്‍​േഡാക്ക്​ പിന്നില്‍ രണ്ടാമനായുള്ള ഛേത്രിയു​ടെ നേട്ടം 72 ഗോളുകളാണ്​. 68 ഗോളുകളുള്ള സാക്ഷാല്‍ ലയണല്‍ മെസ്സി പോലും ഇക്കാര്യത്തില്‍ ഛേത്രിക്ക്​ പിന്നിലാണ്​.

ഐ.എം വിജയന്‍, ബൈച്യുങ്​ ബൂട്ടിയ എന്നിവര്‍ക്കുശേഷം ഇന്ത്യയുടെ ലക്ഷണമൊത്ത സ്​ട്രൈക്കറായി ഛേത്രി വാഴ്​ത്തപ്പെട്ടു.ഇന്ത്യക്കായി ഏറ്റവും കൂടുതല്‍ മത്സരങ്ങളില്‍ പന്തുതട്ടിയ റെക്കോര്‍ഡ്​ ​ഈ ഹൈദരാബാദുകാരന്‍െറ പേരിലാണ്​.

ഒരു ശരാശരി ഫുട്​ബാളറുടെ വിരമിക്കല്‍ പ്രായം അടുത്തെത്തിയെങ്കിലു​ം പ്രായം കൂടു​ന്തോറും വീര്യം വര്‍ധിച്ചുവരുന്ന ഛേത്രിയാണ്​ കളത്തിലുള്ളത്​. ഛേത്രിയില്ലാത്ത ഒരു ടീം എന്നത്​ ഇന്ത്യക്ക്​ ഇനിയും സങ്കല്‍പ്പിക്കാനായിട്ടില്ല. ഐ.എസ്​.എല്ലിലും ഇന്ത്യന്‍ടീമിലുമെല്ലാം മിന്നും പ്രകടനങ്ങളാണ്​ പോയ സീസണുകളില്‍ ഛേത്രി കാഴ്​ച വെച്ചത്​.

കഴിഞ്ഞ വര്‍ഷം നടന്ന ഏഷ്യന്‍ കപ്പ്​ ഫുട്​ബാളിലെ ആരാധകരുടെ പ്രിയപ്പെട്ട താരമായി സുനില്‍ ഛേത്രിയെ കഴിഞ്ഞ ദിവസം തെരഞ്ഞെടുത്തിരുന്നു. ഇന്‍സ്​റ്റഗ്രാമില്‍ നടത്തിയ വോ​ട്ടെടുപ്പില്‍ 5,61,866 വോട്ടുകള്‍ നേടിയാണ്​ ഛേത്രി ​​ഒന്നാമനായത്​.

2009ല്‍ ഇംഗ്ലീഷ്​ പ്രീമിയര്‍ ലീഗ്​ ക്ലബ്ബായ ക്യൂന്‍സ്​ പാര്‍ക്ക്​ റേ​​ഞ്ചേഴ്​സുമായി മൂന്നുവര്‍ഷത്തെ കരാര്‍ ഒപ്പിട്ടിരുന്നുവെങ്കിലും ബ്രിട്ടീഷ്​ വര്‍ക്ക്​ പെര്‍മിറ്റ്​ ലഭിക്കാത്തത്തിനാല്‍ ഛേത്രിക്ക്​ പന്തുതട്ടാനായിരുന്നില്ല. ഫിഫ റാങ്കിങ്ങില്‍ ആദ്യ 70 സ്ഥാനത്തിലുള്ളില്‍ ഇന്ത്യ ഇല്ലാതിരുന്നതിനാലാണ്​ ഛേത്രിക്ക്​ വര്‍ക്ക്​ പെര്‍മിറ്റ്​ ലഭിക്കാതിരുന്നത്​.