സുഷാന്തിന്റെ ദില്‍ ബച്ചാര ഇന്ന് മുതല്‍

മുംബൈ: അന്തരിച്ച ചലച്ചിത്ര താരം സുഷാന്ത് സിംഗ് രാജ്പുതിന്റെ അവസാന ചിത്രം 'ദില്‍ ബെച്ചാര' ഇന്ന് റിലീസാകുകയാണ്... മെയ്‌ മാസത്തില്‍ തീയറ്ററുകളില്‍ റിലീസ് ചെയ്യാനിരുന്ന ചിത്രം കൊറോണ വൈറസ് (Corona Virus) പ്രതിസന്ധിയെ തുടര്‍ന്ന് മാറ്റി വയ്ക്കുകയായിരുന്നു. പിന്നീട്, സുഷാന്ത് സിംഗ് രാജ്പുതി(Sushant Singh Rajput)ന്റെ മരണശേഷം ചിത്രം ചിത്രം OTT പ്ലാറ്റ്ഫോമില്‍ റിലീസ് ചെയ്യാന്‍ തീരുമാനിക്കുകയായിരുന്നു. ജൂലൈ ഇരുപത്തിനാലാം തീയതി രാത്രി ഏഴരയ്ക്കാണ് ചിത്രം റിലീസാകുന്നത്. ഡിസ്നി+ഹോട്ട്സ്റ്റാര്‍ (Hotstar) പ്ലാറ്റ്ഫോമില്‍ സബ്സ്ക്രൈബേഴ്സിനും നോണ്‍-സബ്സ്ക്രൈബേഴ്സിനും ചിത്രം കാണാ൦. ഇന്ത്യയ്ക്ക് പുറമേ യുഎസ്, യുകെ, കാനഡ തുടങ്ങിയ രാജ്യങ്ങളിലും ചിത്രം റിലീസ് ചെയ്യുമെന്ന് സംവിധായകന്‍ മുകേഷ് ചബ്ര കഴിഞ്ഞ ദിവസം അറിയിച്ചിരുന്നു.