ലോകത്തെ അവസാന നാസി വിചാരണ പൂര്‍ത്തിയായി

ബെര്‍ലിങ്​: നാസി കോണ്‍സെന്‍ട്രേഷന്‍ ക്യാമ്പിലെ സുരക്ഷ ജീവനക്കാരനും കുറ്റക്കാരനാണെന്ന്​ കണ്ടെത്തിയതോടെ, ലോകത്തെ അവസാന നാസി വിചാരണയും പൂര്‍ത്തിയായി. ആയിരങ്ങളെ കൊന്നു തള്ളിയതിന്​ കൂട്ടുനിന്നു​വെന്ന കുറ്റത്തിന്​ ബ്രൂ​ണോ à´¡à´¿ എന്നയാളെയാണ്​ ജര്‍മന്‍ കോടതി ശിക്ഷിച്ചത്​. 93 വയസ്​ പിന്നിട്ട ഇയാള്‍ക്ക്​ രണ്ടു വര്‍ഷത്തേക്ക്​​ തടവു ശിക്ഷ ലഭിച്ചു​. 1944 മുതല്‍ 1945 വരെ ഒരു വര്‍ഷക്കാലയളവിലാണ്​ ഇയാള്‍ സ്​റ്റത്തോഫിലെ (ഇന്നത്തെ പോളണ്ട്​) കോണ്‍സെന്‍ട്രേഷന്‍ ക്യാമ്ബില്‍ ജോലി ചെയ്​തത്​. 5232 കൊലപാതകങ്ങളില്‍ ഇയാള്‍ക്ക്​ പങ്കുണ്ടെന്ന്​ കോടതി കണ്ടെത്തി. ​ബ്രൂണോക്ക്​ 17 വയസുള്ളപ്പോഴാണ്​ കോൺസെൻട്രേഷൻ  ക്യാമ്പിൽ  ജീവനക്കാരനായി എത്തുന്നത്​. അന്ന്​ പ്രായപൂര്‍ത്തിയാവാതിരുന്നതിനാല്‍ ജുവനൈല്‍ കോടതിയും വിചാരണ ചെയ്​തു. പോളണ്ടിലെ ഡാന്‍സിഗ്​ ഗ്രാമത്തിലാണ്​ ബ്രൂണോ ജനിച്ചത്​. ഹിറ്റ്​ലര്‍-മുസോളനി ആശയത്തില്‍ ആകൃഷ്​ടനായി നാസി പ്രസ്​ഥാനത്തില്‍ ചേരുകയായിരുന്നു. ഫ്രാന്‍സ്​, ഇസ്രായേല്‍, പോളണ്ട്​, അമേരിക്ക എന്നിവിടങ്ങളില്‍ നിന്നുള്ള നാസി പീഡനത്തി​നിരയായവരുടെ ബന്ധുക്കള്‍ നല്‍കിയ പരാതിയിലാണ്​ കേസ്​ മുന്നോട്ടു പോയത്​. രണ്ടാം ലോക മഹായുദ്ധം അവസാനിച്ച്‌​ 75 വര്‍ഷം പിന്നിടുമ്പോള്‍ നടന്ന à´ˆ  വിചാരണ ലോകശ്രദ്ധയാകര്‍ഷിച്ചിരുന്നു. നാസി കുറ്റവാളികള്‍ക്കുള്ള ലോക​ത്തെ അവസാനത്ത വിചാരണയായിരിക്കുമിത്​. തടവുകാരെ കഴുത്തിന് പിന്നില്‍ വെടിവെച്ചും, സൈക്ലോണ്‍ ബി ഗ്യാസ് ഉപയോഗിച്ച്‌ വിഷം കലര്‍ത്തിയും, ഭക്ഷണവും മരുന്നും നിഷേധിച്ചുമൊക്കെയാണ് കൊലകള്‍ നടത്തിയത്. തടവുകാരെ രക്ഷപ്പെടാനോ, സംഘടിക്കാനോ അനുവദിക്കാതെ തടഞ്ഞുനിര്‍ത്തിയത് ബ്രൂണോ ഡിയായിരുന്നു. പോളിഷ് നഗരമായ ഡാന്‍സ്കിലാണ് ഇപ്പോള്‍ സ്​റ്റത്തോഫ് നാസി തടങ്കല്‍ പാളയം ഉള്ളത്. 1939-ല്‍ സ്ഥാപിതമായ പാളയത്തില്‍ 115,000 തടവുകാര്‍ ഉണ്ടായിരുന്നു. പകുതിയിലധികം പേരെയും അവിടെവച്ചുതന്നെ​ കൊന്നതായാണ്​ ചരിത്രം പറയുന്നത്​.