Loading ...

Home USA

സി . രാധാകൃഷ്ണനെ ഷിക്കാഗോ സാഹിത്യ സ്നേഹികൾ സ്വീകരിച്ചു

ഷിക്കാഗോ∙ പ്രസിദ്ധസാഹിത്യകാരനും, ശാസ്ത്ര ഗവേഷകനും, മാദ്ധ്യമ പ്രവർത്തകനുമായ സി .രാധാകൃഷ്ണനും, പത്നി വത്സല രാധാകൃഷ്ണനും ചിക്കാഗോ സാഹിത്യ സ്നേഹികൾ ഹൃദ്യമായ സ്വീകരണം നല്കി. രാധാകൃഷ്ണൻ നായരു‌‌ടെ വസതിയിൽ  ജൂലൈ 11 ശനിയാഴ്ച നടന്ന ചടങ്ങിൽ ഡോ .റോയ് തോമസ്‌ അധ്യക്ഷ നായിരുന്നു. ചിക്കാഗോ സാഹിത്യ വേദിക്ക് വേണ്ടി കോർഡിനെറ്റർ ജോണ്‍ എലക്കാട്ട് ആശംസകൾ നേർന്നു ഓരോ വികാരവും നമ്മിലുണ്ടാക്കുന്ന യുദ്ധ ഭൂമിയാണ്‌ ഓരോ പുസ്തകവും എന്ന് വിശ്വ സിക്കുന്ന ചമ്രവട്ടത്ത് രാധാകൃഷ്ണന്റെ കർമ മണ്ഡലം സാഹിത്യം മുതൽ സിനിമ വരെ എത്തി നില്ക്കുന്നു. അൻപതോളം  കൃതികളുടെ രചയിതാവെന്നതിനു പുറമേ അഗ്നി, കനലാട്ടം, പുഷ്യരാഗം, ഒറ്റയടിപ്പാതകൾ തുടങ്ങിയ സിനിമകളുടെ സംവിധായകനുമായ അദ്ദേഹം കേരള സാഹിത്യ അക്കാദമിയുടെയും  കേന്ദ്ര  സാഹിത്യ അക്കാദമി യുടെയുമുൾ പ്പെടെ നിരവധി പുരസ്കാരങ്ങൾ നേടിയിട്ടുണ്ട്.ഭാഗ്യങ്ങളുടെ തുടർക്കഥയാണ് തന്റെ ജീവിതമെന്നോർത്തു കൊണ്ടാണ് സി. രാധാകൃഷ്ണൻ പ്രസംഗം തുടങ്ങിയത്. വിദ്യാഭ്യാസം തുടങ്ങി എഴുതുകരനായത് വരെയും തുടർന്നിങ്ങോട്ടും ഭാഗ്യം തുണയായിരുന്നു വെന്ന്  എളിമയോടെ അദ്ദേഹം ഓർത്തു . അടുത്ത കാലത്ത് പുറത്തുവന്ന "ഗീതാ ദർശനം" പോലുള്ള കൃതികൾ കുട്ടിക്കാലത്ത് തന്നില് വേരോടിയ അദ്വൈത ദർശനത്തെ സ്വന്തം നിലയിൽ പഠിക്കാനും ഗവേഷണം നടത്താനും ശ്രമിച്ചതിന്റെ ഫലമായുണ്ടായതാണ്. ഓടക്കുഴൽ പുരസ്കാരം നേടിയ "തീക്കടൽ കടഞ്ഞ തിരുമധുരം " തുഞ്ചത്ത് എഴുത്തച്ചന്റെ ജീവിതത്തെയും സാഹിത്യത്തെയും ഇതിവൃത്ത മാക്കിയാണ് ചടങ്ങിൽ രാധാകൃഷ്ണൻ നായർ സ്വാഗതവും രവി രാജ നന്ദിയും പറഞ്ഞു.ലിറ്റരറി അസ്സോസ്സിയേഷൻ ഓഫ് നോര്ത്ത് അമേരിക്ക പ്രസിഡന്റ്‌  ഷാജൻ  ആനിത്തോട്ടം ഉമാ രാജ , വനജ മേനോൻ , ലക്ഷ്മി നായർ ,അനിലാൽ ശ്രീനിവാസൻ എന്നിവർ സംസാരിച്ചു.
വാർത്ത∙ അനിലാൽ ശ്രീനിവാസൻ  

Related News