• ഇഷ്ടമുള്ള മീഡിയ പ്ളെയര്‍ തുറന്ന് വീഡിയോകള്‍ ആസ്വദിക്കാം

ഗൂഗിളിന്‍െറ പുതിയ മെസേജിങ് ആപ്പായ അലോയുടെ വിശേഷങ്ങള്‍ അറിയണ്ടേ. ഗൂഗിള്‍ ടോക്ക്, ഫേസ്ബുക് മെസഞ്ചര്‍, ഹാങ്ങൗട്ട് തുടങ്ങിയവയിലെ പ്രത്യേകതകള്‍ ഇതിലില്ല. വാട്സ്ആപ്പിലെ പോലെ ഫോണ്‍ നമ്പര്‍ അടിസ്ഥാനമാക്കിയാണ് പ്രവര്‍ത്തനം. ആപ്പുവഴിയുള്ള എല്ലാ സംഭാഷണങ്ങള്‍ക്കും സേര്‍ച്ച് സൗകര്യമുണ്ട്. ലൊക്കേഷന്‍, ഫോട്ടോകള്‍, വീഡിയോകള്‍ എന്നിവ വേഗത്തില്‍ കൈമാറാന്‍ കഴിയും. എന്നാല്‍ വാട്സ്ആപ്പിലെപോലെ ഓഡിയോ ഷെയര്‍ ചെയ്യാനും ഡോക്കുമെന്‍റുകള്‍ അയക്കാനും കഴിയില്ല. ജിഫ് ചിത്രങ്ങള്‍ അയക്കാനും ഫോട്ടോകള്‍ ആപ്പില്‍ തുറന്ന് എഡിറ്റ് ചെയ്യാനും സാധിക്കും. ഇഷ്ടമുള്ള മീഡിയ പ്ളെയര്‍ തുറന്ന് വീഡിയോകള്‍ ആസ്വദിക്കാം. ഫയലുകള്‍ വേഗത്തില്‍ അയക്കാന്‍ കംപ്രസ് ചെയ്യാനുള്ള സംവിധാനമുണ്ട്. സ്മാര്‍ട്ട് ആന്‍സര്‍, വിസ്പര്‍ ഷൗട്ട് തുടങ്ങിയ സൗകര്യങ്ങളാണ് അലോയെ വ്യത്യസ്തമാക്കുന്നത്.   ആവശ്യമായ കാര്യങ്ങള്‍ സെര്‍ച്ച് ചെയ്യുക, യുട്യുബ് വീഡിയോ ഷെയര്‍ ചെയ്യക, സംഭാഷണങ്ങള്‍ തര്‍ജമ ചെയ്യുക തുടങ്ങിയ സംവിധാനങ്ങള്‍ à´ˆ ആപ്പില്‍ ലഭ്യമാണ്. ഒരു ചിത്രം അലോയിലൂടെ കൈമാറുമ്പോള്‍ അതില്‍ ഉപഭോക്താവിന് ഇഷ്ടമുള്ള രീതിയില്‍ അക്ഷരങ്ങളും ചിത്രങ്ങളും മറ്റും വരച്ചുചേര്‍ക്കാനുള്ള സംവിധാനവുമുണ്ട്.