കോവിഡ് പ്രതിരോധം ശക്തമാക്കി സര്‍ക്കാര്‍; സെക്രട്ടേറിയറ്റില്‍ മുഴുവന്‍ സമയ വാര്‍ റൂം

തിരുവനന്തപുരം: കൊറോണ പ്രതിരോധ നടപടികള്‍ നിരീക്ഷിക്കാന്‍ മുഴുവന്‍ സമയ വാര്‍ റൂം തുറന്നു. പ്രിന്‍സിപ്പല്‍ സെക്രട്ടറി കെ ഇളങ്കോവന്‍ ഐഎഎസിന്റെ നേതൃത്വത്തില്‍ സെക്രട്ടേറിയറ്റിലാണ് വാര്‍ റൂം പ്രവര്‍ത്തിക്കുക. ഇത് സംബന്ധിച്ച്‌ ചീഫ് സെക്രട്ടറി ടോം ജോസ് ഉത്തരവിറക്കി. 24 മണിക്കൂറും വാര്‍ റൂം പ്രവര്‍ത്തിക്കും. മറ്റ് 5 ഐഎഎസ് ഉദ്യോഗസ്ഥര്‍ക്കും ഷിഫ്റ്റ് അടിസ്ഥാനനത്തില്‍ ചുമതല നല്കിയിട്ടുണ്ട്. സംസ്ഥാനത്ത് കോവിഡ് രോഗബാധിതരുടെ എണ്ണം നൂറ് കടന്നിരിക്കുകയാണ്. ഈ പശ്ചാത്തലത്തില്‍ പ്രതിരോധ നടപടികള്‍ ശക്തമാക്കുന്നതിന്റെ ഭാഗമായാണ് വാര്‍ റൂം തുറക്കാനുള്ള സര്‍ക്കാരിന്റെ തീരുമാനം. .