കോവിഡ്-19: തൊഴിലാളികളുടെ ശമ്പളം കുറയ്ക്കാനോ പിരിച്ചു വിടാനോ പാടില്ലെന്ന് കേന്ദ്രം

ന്യൂഡല്‍ഹി: കൊറോണ വൈറസ് വ്യാപനത്തിന്റെ പശ്ചാത്തലത്തില്‍ പൊതു, സ്വകാര്യ മേഖലാ സ്ഥാപനങ്ങളില്‍ ജോലി ചെയ്യുന്നവരുടെ ശമ്ബളം കുറയ്ക്കാനോ പിരിച്ച്‌ വിടാനോ പാടില്ലെന്ന് കേന്ദ്രം. കോവിഡ്-19 രോഗ വ്യാപനത്തെത്തുടര്‍ന്ന് രാജ്യത്ത് സമ്ബൂര്‍ണ ലോക്ക് ഡൗണ്‍ പ്രഖ്യാപിച്ച പശ്ചാത്തലത്തിലാണ് സ്ഥാപനങ്ങളോട് കേന്ദ്ര തൊഴില്‍ മന്ത്രാലയത്തിന്റെ ഉത്തരവ്. രോഗബാധയെത്തുടര്‍ന്ന് മിക്ക സ്ഥാപനങ്ങളും സ്വന്തം തൊഴിലാളികളോട് വീട്ടിലിരുന്ന് ജോലിയെടുക്കാനോ നിര്‍ബന്ധിത അവധിയില്‍ പ്രവേശിക്കുവാനോ ആണ് നിര്‍ദേശിച്ചിരിക്കുന്നത്. ഈ സാഹചര്യത്തില്‍ ശമ്ബളം കുറയ്ക്കാനോ കോണ്‍ട്രാക്‌ട് തൊഴിലാളികളെ പറഞ്ഞു വിടാനോ പാടില്ലെന്ന് മന്ത്രാലയം വ്യക്തമാക്കി.പൊതു, സ്വകാര്യ തൊഴില്‍ മേധാവികള്‍ ഇക്കാര്യം പ്രത്യേകം ശ്രദ്ധിക്കണമെന്നും കേന്ദ്ര വ്യക്തമാക്കി. പെന്‍ഷന്‍കാരുടെ വിവരങ്ങള്‍ മാര്‍ച്ച്‌ 25 മുന്‍പ് രേഖപ്പെടുത്തി, മാര്‍ച്ച്‌ മാസത്തിന് മുന്‍പ് പെന്‍ഷന്‍ ലഭ്യമാക്കണമെന്ന് കേന്ദ്ര പ്രൊവിഡന്റ് ഫണ്ട് കമ്മീഷണറും ഉത്തരവിട്ടു.