കോവിഡ് -19: ബിസിസിഐ ഓഫീസുകള്‍ അടച്ചു

കോവിഡ് -19 ഭീതിയില്‍ മുംബൈയിലെ ആസ്ഥാനം ചൊവ്വാഴ്ച മുതല്‍ അടച്ചുപൂട്ടാന്‍ ബിസിസിഐയെ തീരുമാനിച്ചു. കൂടുതല്‍ അറിയിപ്പ് ഉണ്ടാകുന്നതുവരെ എല്ലാ ക്രിക്കറ്റ് പ്രവര്‍ത്തനങ്ങളും താല്‍ക്കാലികമായി നിര്‍ത്തിവച്ചിരിക്കുന്നതിനാല്‍ ജീവനക്കാരോട് 'വീട്ടില്‍ നിന്ന് ജോലി ചെയ്യാന്‍' ആവശ്യപ്പെട്ടിട്ടുണ്ട്. ഇറാനി കപ്പ്, വനിതാ ചലഞ്ചര്‍ ട്രോഫി എന്നിവയുള്‍പ്പെടെ മറ്റ് ആഭ്യന്തര ടൂര്‍ണമെന്റുകള്‍ ബിപിസിഐ നിര്‍ത്തലാക്കിയിട്ടുണ്ട്. കൂടാതെ ഐപിഎല്‍ -13 ഏപ്രില്‍ 15 വരെ നീട്ടുകയും ചെയ്തു. കൂടാതെ ഇന്ത്യ ദക്ഷിണാഫ്രിക്ക ഏകദിന പരമ്ബരയും റദ്ധാക്കിയിരുന്നു. ഇന്ത്യയില്‍ ഇതുവരെ 114 പോസിറ്റീവ് കേസുകള്‍ റിപ്പോര്‍ട്ട് ചെയ്തിട്ടുണ്ട്. ആഗോള മരണസംഖ്യ 6,000 കവിഞ്ഞു, രോഗബാധിതരുടെ എണ്ണം 160,000 ത്തില്‍ കൂടുതലാണ്. ഈ സാഹചര്യവും കണക്കിലെടുത്താണ് ബിസിസിഐ ഓഫീസ് പ്രവര്‍ത്തനങ്ങള്‍ നിര്‍ത്താന്‍ തീരുമാനിച്ചത്.