ബിസിസിഐ കടുംപിടിത്തം തുടരുന്നു; ഏകദിനവും ഐപിഎല്ലും കാണികളില്ലാതെ നടത്തും

ന്യൂഡല്‍ഹി: ദക്ഷിണാഫ്രിക്കയ്‌ക്കെതിരായ രണ്ടാം ഏകദിന മത്സരം റദ്ദാക്കണം എന്ന് ഉത്തര്‍പ്രദേശ് സര്‍ക്കാര്‍ ആവശ്യപ്പെട്ടിട്ടും മത്സരം നടത്താന്‍ ഒരുങ്ങി ബിസിസിഐ. സംസ്ഥാനത്ത് വ്യാഴാഴ്ച ഒരാള്‍ക്ക് രോഗം സ്ഥിരീകരിച്ചതിനെ തുടര്‍ന്നാണ് ലക്‌നൗ ജില്ലാ അധികൃതര്‍ ഞായറാഴ്ച നടക്കാനിരിക്കുന്ന മത്സരം നടത്തരുതെന്ന് ആവശ്യപ്പെട്ടത്. കൊല്‍ക്കത്തയില്‍ നടക്കുന്ന മൂന്നാം ഏകദിനവും അടച്ചിട്ട സ്റ്റേഡിയത്തില്‍ നടക്കും. ഏകദിനത്തിന്റെ അതേ വഴി ഐപിഎല്ലിലും തുടരാനാണ് ബിസിസിഐയുടെ പദ്ധതി. മാര്‍ച്ച്‌ 29-നാണ് ഇന്ത്യന്‍ പ്രീമിയര്‍ ലീഗ് ആരംഭിക്കുന്നത്. ഈ സമയത്ത് ഐപിഎല്‍ നടത്തരുതെന്ന് ആവശ്യപ്പെട്ടുവെങ്കിലും സംഘാടകര്‍ക്ക് നടത്താനാണ് ആഗ്രഹമെങ്കില്‍ അത് അവരുടെ തീരുമാനമാണെന്ന് കേന്ദ്ര സര്‍ക്കര്‍ പറഞ്ഞു.