ഹി​ന്ദു​ക്ക​ള്‍ പ​ള്ളി​ക്കും മു​സ്‌​ലിം​ക​ള്‍ ക്ഷേ​ത്ര​ത്തി​നും കാ​വ​ലാ​യി; ക​ലാ​പ​ത്തീ​യി​ലും മ​ത​മൈ​ത്രി സൂ​ക്ഷി​ച്ച്‌ മ​ന്ദി​ര്‍-​മ​സി​ജ് മാ​ര്‍​ഗ്

ന്യൂ​ഡ​ല്‍​ഹി: പേ​രി​നെ അ​ന്വ​ര്‍​ഥ​മാ​ക്കി ക​ലാ​പ​ത്തീ​യി​ലും ഉ​ല​യാ​തെ മ​ത​മൈ​ത്രി കാ​ത്തു​സൂ​ക്ഷി​ച്ച്‌ മ​ന്ദി​ര്‍-​മ​സി​ജ് മാ​ര്‍​ഗ്. നൂ​ര്‍ ഇ ​ഇ​ലാ​ഹി​യി​ലെ മ​ന്ദി​ര്‍-​മ​സ്ജി​ദ് മാ​ര്‍​ഗാ​ണ് വ​ര്‍​ഗീ​യ ക​ലാ​പ​ത്തി​നെ ഹി​ന്ദു-​മു​സ്‌​ലിം ഐ​ക്യ​ത്തി​ലൂ​ടെ നേ​രി​ട്ട് രാ​ജ്യ​ത്തി​ന് മാ​തൃ​ക​യാ​യ​ത്. ഹി​ന്ദു​ക്ക​ള്‍ മു​സ്‌​ലിം വീ​ടി​നും പ​ള്ളി​ക്കും മു​സ്‌​ലിം​ക​ള്‍ ഹി​ന്ദു കു​ടും​ബ​ങ്ങ​ള്‍​ക്കും ക്ഷേ​ത്ര​ങ്ങ​ള്‍​ക്കും സു​ര​ക്ഷ​യൊ​രു​ക്കി​യാ​ണ് ക​ലാ​പ​ത്തെ നേ​രി​ട്ട​ത്.

വടക്കുകിഴക്കന്‍ ഡല്‍ഹിയില്‍ ഞാ​യ​റാ​ഴ്ച പൊ​ട്ടി​പ്പു​റ​പ്പെ​ട്ട ക​ലാ​പം ത​ങ്ങ​ളു​ടെ തൊ​ട്ട​ടു​ത്ത് മൗ​ജ്പു​രി​ല്‍ എ​ത്തി​യ​താ​യി അ​റി​ഞ്ഞ് നൂ​ര്‍ ഇ ​ഇ​ലാ​ഹി​യും ജാ​ഗ​രൂ​ക​രാ​യി. ഉ​ട​ന്‍​ത​ന്നെ ഹി​ന്ദു-​മു​സ്‌​ലിം യു​വാ​ക്ക​ള്‍ സം​ഘ​ടി​ച്ച്‌ ത​ങ്ങ​ളു​ടെ ലെ​യ്നു കാ​വ​ല്‍ നി​ന്നു. പേ​ര് സൂ​ചി​പ്പി​ക്കു​ന്ന​തു​പോ​ലെ ത​ന്നെ മ​ന്ദി​ര്‍-​മ​സ്ജിദ് മാ​ര്‍​ഗി​ലെ ഇ​ടു​ങ്ങി​യ ലെ​യ്നി​ല്‍ മീ​റ്റ​റു​ക​ളു​ടെ വ്യ​ത്യാ​സ​ത്തി​ല്‍ ക്ഷേ​ത്ര​വും മു​സ്‌​ലിം പ​ള്ളി​യും സ്ഥി​തി​ചെ​യ്യു​ന്നു​ണ്ട്. ക​ലാ​പം ആ​ളി​ക്ക​ത്തി​യ​തോ​ടെ ഹി​ന്ദു​ക്ക​ള്‍ മു​സ്‌​ലിം പ​ള്ളി​ക്കും മു​സ്‌​ലിം​ക​ള്‍ ക്ഷേ​ത്ര​ത്തി​നും കാ​വ​ലാ​യി.

പ​തി​റ്റാ​ണ്ടു​ക​ളാ​യി ഈ ​പ്ര​ദേ​ശം സാ​മു​ദാ​യി​ക ഐ​ക്യ​ത്തി​ന് പേ​രു​കേ​ട്ട​താ​ണ്. മു​സ്‌​ലിം​ക​ളു​ടെ അ​സീ​സ്യ പ​ള്ളി​യും ഹ​നു​മാ​ന്‍ ക്ഷേ​ത്ര​വും സ​മീ​പ​ത്താ​യാ​ണ് ഇ​വി​ടെ സ്ഥി​തി ചെ​യ്യു​ന്ന​ത്. ഒ​രു കി​ലോ​മീ​റ്റ​ര്‍ ചു​റ്റ​ള​വി​ല്‍ ഹി​ന്ദു-​മു​സ്‌​ലിം കു​ടും​ബ​ങ്ങ​ള്‍ കൂ​ടി​ക്കു​ഴ​ഞ്ഞാ​ണ് ക​ഴി​യു​ന്ന​ത്. ഞാ​യ​റാ​ഴ്ച സ​മീ​പ​പ്ര​ദേ​ശ​ങ്ങ​ളി​ലെ അ​ക്ര​മ​ങ്ങ​ളെ​ക്കു​റി​ച്ച്‌ അ​റി​ഞ്ഞ​തോ​ടെ ര​ണ്ട് സ​മു​ദാ​യ​ങ്ങ​ളി​ലേ​യും മൂ​പ്പ​ന്‍​മാ​ര്‍ യോ​ഗം വി​ളി​ച്ചു. ത​ങ്ങ​ളു​ടെ പ്ര​ദേ​ശ​ത്ത് ക​ലാ​പ​ത്തി​ന് ഇ​ടം കൊ​ടു​ക്ക​രു​തെ​ന്ന് അ​വ​ര്‍ തീ​രു​മാ​നി​ച്ചു.

ത​ങ്ങ​ളെ സം​ബ​ന്ധി​ച്ചി​ട​ത്തോ​ളം ഈ ​പ്ര​ദേ​ശ​ത്ത് ഹി​ന്ദു​ക്ക​ളും മു​സ്‌​ലിം​ക​ളും ത​മ്മി​ല്‍ വേ​ര്‍​തി​രി​വി​ല്ല. ഞ​ങ്ങ​ളു​ടെ ബാ​ല്യം ക്ഷേ​ത്ര​ത്തി​ലും പ​ള്ളി​യി​ലു​മാ​ണ് ചെ​ല​വ​ഴി​ച്ചി​ട്ടു​ള്ള​തെ​ന്ന് പ്ര​ദേ​ശ​വാ​സി​യാ​യ ഫൈ​സാ​ന്‍ പ​റ​യു​ന്നു. ഈ ​ഐ​ക്യ​ത്തി​ന്‍റെ പാ​രമ്പ​ര്യം നി​ല​നി​ര്‍​ത്തു​മെ​ന്ന് മ​റ്റൊ​രു പ്ര​ദേ​ശ​വാ​സി​യാ​യ സു​നി​ല്‍ കു​മാ​ര്‍ ഉ​റ​ച്ചു​പ​റ​ഞ്ഞു.

ത​ങ്ങ​ള്‍​ക്ക് പ​ര​സ്പ​രം വ​ള​രെ​യ​ധി​കം വി​ശ്വാ​സ​മു​ണ്ട്. ക​ലാ​പ​ത്തി​ല്‍ പ​രി​ക്കേ​റ്റ കു​റ​ച്ച്‌ ആ​ളു​ക​ള്‍ ചി​കി​ത്സ​യ്ക്കാ​യി ഇ​വി​ടെ വ​ന്നു. അ​വ​ര്‍‌ ഉ​പ​ദ്ര​വി​ക്ക​പ്പെ​ടി​ല്ലെ​ന്ന് അ​വ​ര്‍​ക്ക് ഉ​റ​പ്പു​ണ്ട്. അ​തു​കൊ​ണ്ടാ​ണ് അ​വ​ര്‍ ഇ​വി​ടെ​യെ​ത്തി​യ​ത്. അ​വ​രു​ടെ പ​രി​ക്കു​ക​ള്‍ മ​രു​ന്നു​വ​ച്ച്‌ കെ​ട്ടി​യ ശേ​ഷം വീ​ട്ടി​ല്‍ സു​ര​ക്ഷി​ത​മാ​യി തി​രി​ച്ചെ​ത്തി​ച്ചു. à´ˆ ​ഐ​ക്യ​ത്തി​ന്‍റെ പാ​ര​മ്പ​ര്യം നി​ല​നി​ര്‍​ത്തു​മെ​ന്ന് സു​നി​ല്‍ കു​മാ​ര്‍ കൂ​ട്ടി​ച്ചേ​ര്‍​ത്തു. മ​ന്ദി​ര്‍-​മ​സി​ജ് മാ​ര്‍​ഗി​നു സ​മീ​പ​മു​ള്ള കോ​ള​നി​യി​ല്‍ നി​ര​വ​ധി വീ​ടു​ക​ളും ഒ​രു പെ​ട്രോ​ള്‍ പമ്പും  അ​ഗ്നി​ക്കി​ര​യാ​ക്കു​ന്ന​തി​ല്‍​നി​ന്ന് ക​ലാ​പ​കാ​രി​ക​ളെ ത​ട​ഞ്ഞ​താ​യും പ്ര​ദേ​ശ​വാ​സി​ക​ള്‍ പ​റ​ഞ്ഞു.