ഹയര്‍ സെക്കന്‍ഡറി സര്‍ട്ടിഫിക്കറ്റിന്‍റെ ഗെറ്റപ്പ് ആകെ മാറുന്നു..ഇനി മുതല്‍ സര്‍ട്ടിഫിക്കറ്റില്‍ വിദ്യാര്‍ഥിയുടെ ഫോട്ടോയും പിതാവിന്‍റെയും മാതാവിന്‍റെയും പേരും ഉള്‍പ്പെടുത്തും

തിരുവനന്തപുരം: ഹയര്‍ സെക്കന്‍ഡറി സര്‍ട്ടിഫിക്കറ്റില്‍ ഇനി വിദ്യാര്‍ഥിയുടെ ഫോട്ടോയും ഉണ്ടാവും. സര്‍ട്ടിഫിക്കറ്റുകളുടെ പുതിയ മാതൃക അംഗീകരിച്ച്‌ പൊതുവിദ്യാഭ്യാസ വകുപ്പ് ഉത്തരവിറക്കി. നിലവില്‍ സര്‍ട്ടിഫിക്കറ്റില്‍ വിദ്യാര്‍ത്ഥിയുടെ പേര് മാത്രമാണ് വ്യക്തിഗതവിവരമായി രേഖപ്പെടുത്തുന്നത്. എന്നാല്‍ ഇതില്‍ നിന്നെല്ലാം വ്യത്യസ്തമായി പുതിയ സര്‍ട്ടിഫിക്കറ്റുകളില്‍ വിദ്യാര്‍ത്ഥിയുടെ പേര് കൂടാതെ പിതാവിന്‍റെ യും മാതാവിന്‍റെയും പേര്, ജനനത്തിയതി, വിദ്യാര്‍ത്ഥിയുടെ ഫോട്ടോ, ആകെ സ്‌കോര്‍, സ്‌കൂള്‍ കോഡ് എന്നിവ ഉള്‍പ്പെടുത്തും. ഹയര്‍ സെക്കന്‍ഡറി പരീക്ഷയുടെ സര്‍ട്ടിഫിക്കറ്റും രണ്ടാം വര്‍ഷ പരീക്ഷയ്ക്കു ശേഷം നടത്തുന്ന ഇംപ്രൂവ്‌മെന്റ് പരീക്ഷയില്‍ കൂടുതല്‍ മാര്‍ക്ക് ലഭിച്ച വിദ്യാര്‍ത്ഥികള്‍ക്ക് നല്‍കുന്ന പ്രത്യേക സര്‍ട്ടിഫിക്കറ്റും ഒന്നാക്കി നല്‍കാനും പൊതുവിദ്യാഭ്യാസ വകുപ്പ് ഉത്തരവിറക്കിയിട്ടുണ്ട്.