വരാന്‍ പോവുന്നത് ബാങ്ക് സമരനാളുകള്‍; ജനുവരിയിലും ഫെബ്രുവരിയിലും ഒരു ദിവസം, മാര്‍ച്ചില്‍ മൂന്ന് ദിവസം, ഏപ്രിലില്‍ അനിശ്ചിതകാലം

ന്യൂഡല്‍ഹി : രാജ്യത്തെ ബാങ്ക് ജീവനക്കാര്‍ പ്രക്ഷോഭത്തിലേക്ക്. ജനുവരി മുതല്‍ മാര്‍ച്ച്‌ വരെ സൂചനാ പണിമുടക്ക് നടത്തി, ഏപ്രിലില്‍ അനിശ്ചിതകാല സമരത്തിന് ബാങ്ക് ജീവനക്കാരുടെ സംഘടന നോട്ടീസ് നല്‍കി. ജനുവരി, ഫെബ്രുവരി മാസങ്ങളില്‍ ഓരോ ദിവസവും, മാര്‍ച്ചില്‍ മൂന്ന് ദിവസവും, ഏപ്രിലില്‍ അനിശ്ചിത കാലത്തേക്കും സമരത്തിനാണ് നോട്ടീസ് നല്‍കിയിരിക്കുന്നത്. ജനുവരി 31, ഫെബ്രുവരി ഒന്ന്, മാര്‍ച്ച്‌ 11,12,13 എന്നീ ദിവസങ്ങളിലാണ് സമരം. ബാങ്ക് ജീവനക്കാരുടെ ഒന്‍പത് സംഘടനകള്‍ ഉള്‍പ്പെടുന്ന യുനൈറ്റഡ് ഫോറം ഓഫ് ബാങ്ക് യൂണിയനാണ് സമരത്തിന് നോട്ടീസ് നല്‍കിയത്. വേതന പരിഷ്‌കരണ ചര്‍ച്ചകള്‍ പരാജയപ്പെട്ടതിനെ തുടര്‍ന്നാണ് സമരം.